Nunaqarfiup aaqqissuussaanera

Nunaqarfiup qiterpasissua talittarfiup Pilersuisup (niuertup) tunitsiviullu inissisimaffigisaaniipput.

Nunaqarfimmi inissiat sanaartukkat tassaapput ilaqutariinnut ataatsinut illut illullu affarleriit. Inissiat katillugit 77-iupput.

Najugaqarfissianut immikkoortutut immikkoortinneqarsimasumi pioreersup iluani suli ikinnerpaamik inissianut 20 – 30-nut inissaqarpoq, innuttaasullu arriitsumik ikiliartormata, inissianut siunertalinnik nunaminertanik nutaanik immikkoortitsinissaq pisariaqarnavianngitsoq naatsorsuutigineqarpoq.

Inissiat ilaqutariinnut ataatsinut inissianiit utoqqarnut inissiatut assigisaanullu allanngortinneqarsinnaanerat pisariaqalissappat, immikkoortup pioreersup iluani pisinnaasoq naatsorsuutigineqarpoq.

Talittarfimmut atatillugu nunaminertanik inuutissarsiorfinnik pilersitsisoqarnikuuvoq, piffissamilu matumani nunaminertani suli illuutinilu inuutissarsiorfinnut inissaqarpoq, taamaattumik kommunip pilersaarusiorneqarnerani matumani nunaminertanik inuutissarsiorfinnik immikkoortitsisoqanngilaq.

Suliffeqarfik inuutissarsiorfik annerpaaq piusoq tassaavoq Royal Greenland.

Killiffik attarissallu

Uannut suna atuuppa