Nunap timaani

2011 aallartimmalli Qeqqata Kommuniata nunaannaq akisussaaffigilerpaa. Kommunip akisussaaffimmik tigusinermini ileqqumik, sumiiffinnik ilisimasaqarnermik, ineriartortitsinissamik soqutigisaqarnermik aammalu illersuinermik soqutigisaqarnermik naleqqussaanissamik periarfissiivoq. Taassumalu saniatigut pilersaarut pingaarneq, eqikkagaq aammalu tigussaasoq pingaarnerutinneqarpoq. Kommunilli pilersaarusiorneqarnera Namminersorlutik Oqartussat susassaqarfiinut naapertuutissalluni.

Qeqqata Kommuniani nunaannaq sikuneq ajortoq annertuvoq atorneqarsinnaasuullunilu sillimmataavoq pingaarutilik. Sillimmatinik atuinermi naapertuuttumik aammalu illersuinertalimmik atuineq ingerlanneqarnissaa pingaaruteqarpoq. Nunaannaq Kalaallit Nunaata aningaasaqarnikkut imminut napatinnissaanut pilersitseqataasuuvoq.

Nunaannarmi makku soqutigisatut nassaassaapput:

  • Aatsitassarsiorneq
  • Erngup nukinganik nukissiorfiit
  • Atortussiorneq annertooq
  • Piniarneq
  • Sukisaarsaarfittut timersornermilu sammisassat
  • Takornariaqarneq
  • Kulturikkut oqaluttuarisaanermi soqutigisat
  • Pinngortitamik atatiinnartitsinissamik soqutigisat
  • Imissamaatit
  • Avatangiisinik illersuinermut soqutigisat

Kommunip pingaarnertut pilersaarusiaani nunaannaq pissusissamisoortumik ilaaginnalerpoq.

Kommunip pilersaarusiornerani Namminersorlutik Oqartussat nuna tamakkerlugu pilersaarusiornermi malitassiaanut ima ilanngunneqarpoq, kommunip pilersaarusiorneqarnerani Namminersorlutik Oqartussat nuna tamakkerlugu pilersaarusiornermi malitassiani aalajangersakkat toqqaannartumik atuarneqarsinnaallutik. Malitassiani tapiliussat malitassiap siunertaanut naapertuuttuupput.

  • Kangerlussuarmi Aqutsinermut pilersaarummut naapertuuttumik takornariaqarnikkut atortorissaarutinik annertusaanissamut periarfissanik ilanngussisoqarpoq.
  • Aqqutikitsoq-mut (Igloo Mountain) atatillugu immikkut sukisaarsaarfittut siunertalinnut nunaminertanik (L-immikkoortut) ilanngussisoqarpoq, sisorartarfinnik, akunnittarfinnik, illuaqqanik, majuartaatinik il.il. pilersitsinissamut periarfissiisumik.
  • Kommunip pilersaarusiorfigineqarnerani tapiliussakkut nr. 56-ikkut Qeqqata Kommunianut pilersaarusiornermut periusissamut naapertuuttumik nunaannarmik annertunerusumik atuisinnaanerup qaffassinnaaneranut periarfissaq ilanngunneqarpoq, tassunga ilanngullugit kommunimi innuttaasunut sunngiffimmi illuaqqanik piniartullu illuaraanik kiisalu takornarissanut illuaqqanik aamma hotellimi atugassarititaasunik pilersitsinissamut periarfissat nutaat.

  • Kommunip pilersaarusiorfigineqarnerani tapiliussakkut nr. 22-ikkut Sisimiut Kangerlussuullu akornanni aqqusinermik pilersitsinissamut periarfissamik pilersitsisoqarpoq, Sisimiut eqqaani sinerissap aamma Kangerlussuup eqqaani sermersuup akornanni nunatani sikuuneq ajortuni annertuumik tikikkuminarsaanerup annertusinissaa pilugu siunertalimmik.

  • Kommunip pilersaarusiorfigineqarnerani tapiliussamik nr. 58-imik Sisimiut Kangerlussuullu akornanni aqqusineq sinerlugu takornarialerinermik inuussutissarsiortunut siuarsaataasumik takornarissanut tikeraanut unnuisinnaanermut atugassarititaasunik hotellinik illuaraqarfinnillu unnuinissamut atortunik orniginartunik pilersitsisinnaanissamut periarfissamik pilersitsisoqarpoq.

Nunaannaq immikkoortunik makkunannga agguataarneqarpoq:

1) Sunngiffimmi aasarsiornermilu illuaqqanut il.il. immikkoortut (K-immikkoortut). K- immikkoortut illuaqqanut aasarsiorfinnullu ataatsimoorussamik pilersuinermik pilersitsisoqarsinnaanngilaq, imaluunniit aqqusinermik puttasunillu pilersitsisoqarsinnaanani.

2) Immikkut sukisaarsaarfittut ilisarnaatilinnut immikkoortut (L-immikkoortut)

3) Savaateqarnermut, naasorissaanermut, imaanik atuinermut, orpippassuarnik atuinermut, qimmivilinnut il.il. immikkoortut immikkoortitikkat (M-immikkoortut)

4) Teknikkimut attaveqarneq pilersuinermullu il.il. immikkoortut immikkoortitikkat. (N-immikkoortut)

5) Immikkoortut sanaartorfigeqqusaanngitsut (O-immikkoortut). Ima immikkoortiterneqartut:

• Ivigartorfissatut immikkoortitat (O-I-immikkoortut)

• Immikkoortut atugassanngortinneqanngitsut (O-II-immikkoortut)

• Nuna inuilaaq (O-III-immikkoortut)

landsplandirektiv_marts_2011_grl.pdf (12.8 MB)

forvaltningsplan_kangerlussuaq_grl_juni2010.pdf (4.3 MB)