Teknikkikkut atortuutit

Imermik pilersorneqarneq.

Imermik pilersuineq Nukissiorfinnit isumagineqarpoq. Nunaqarfiup ernga kangerluup illuatungaani tatsimiit pissarsiarineqartarpoq. Taseq pilersuisinnaavoq annertoorujussuarmik, tamakkiisumik atorluarneqarsinnaanngitsumik.

Innaallagissamik pilersorneqarneq

Nukissiorfiit innaallagissamik pilersuisuupput.

Sarfannguit innaallagissiuummik dielsel-itortumik innaallagissamik pilersorneqarpoq. Anori atorlugu nukissiuummik innaallagissamik ataavartumik pilersuinermik Artek-imi atuartut misileraaffeqarput.

Kuuffissuit

Imikumik kuutsitsinissq kommunip susassaqarfigaa.

Nunaqarfimmi kuuffissuaqanngilaq, illullu 39-usut perusuersartarfiiniit puussiat igitassat anartarfilerisarfimmiit eqqaavissuarmut kuutsinneqartarput

Illumiit imikut illullu qalianiit imeq kuuttoq nunamut kuutsinneqartarput, qaavaniittunut illunut soorlu atuarfimmut meeqqerivimmullu ajuusappoq, tassami imeq kuutsinneqartoq illut pukkinnerusumiittut saneqqullugit kuutsinneqartarmat.

Eqqagassalerineq.

Eqqagassat suliarineqartarput ikuallaaveeqqamilu ikuallanneqartarlutik. Arsakut eqqaavissuarmi ammaannartumi iginneqartarput. Pitsaanerusumik ikuallaasarsinnaaneq imaluunniit aaqqiissutissanik allanik qulakkeerinnittoqartariaqaraluarpoq. Anartarfinniit igitassat ikuallaaviup eqqaani kuuffissiamiit kuutsinneqartarput. Kuutsitsivissiaq imaanut angummateqqanngilaq, taamaattumik kuutsitsineq qaqqajunnap sinaanut unitttarpoq tipiliortitsillunilu. Anartarfilerisarnermut nutaamik immikkoortitsisoqarnikuuvoq, tassani kuutsitsisinnaaneq imaanut apuussinnaaluni.

Tele

Tele-p napparussui nunaqarfiup kujataatungaani qaqqami inissisimapput.