Atammik

Atammik nunaqarfiuvoq Maniitsup Nuullu akornanni Niaqunngunap qinnguani qeqertaani qinngorlersaalluni aalisarnikkut piniakkanullu periarfissaqarluartumi inissimalluartoq, oqaluttuarisaaneq eqqarsaatigalugu ilaatigut Ammassannik aalisakkanillu pingaarutilinnik allanik aalisarfiulluarsimasoq. Ullumikkut saarulliit upernaakkullu nipisat aalisarneqarnerusarput, nunap timaani aavarnissamut periarfissaqarluarpoq.

Ukiut arlallit matuma siorna Niaqunngunap nunataani Seqi-mi Olivinnisiorfik pilersinneqarpoq, nunarsuarmili aningaasarliorneq pissutigalugu 2010-mi matuneqarpoq. Ukiut arlallit iluanni olivinnisiorfiup ammaqqissinnaanera neriuutigineqarpoq. Nunataq aatsitassanik allanik aamma peqarluarpoq, tamaalilluni tamaani periarfissanik takkuttoqarnissaa piffissap takutikkumaarpaa.

Takornarissat, pisulluni angalasut, tuttunik tammajuitsussarsiortut sunngiffimmilu aalisarnermi misigisaqarnisaamut pitsaasunik periarfissaqarput. Nunaqarfiup kissaatigippagu, ileqquusumik inuutissarsiutinut tapertatut takornarsissanik sullissinermut atatillugu suliffissanut tunngavissanik annertussaasoqarsinnaavoq.

1999-imiit 2011-mut innuttaasut nikerarnerisa siulittuutigineqarnerata inernerivaa, Atammimmi innuttaasut 2024-mi 175-iussasut. Soorunami innuttaasut nikerarnerat 1999-imiit 2011-mut allanngunninnissaa apeqqutaasssaaq. 2011-mi januaarip aallaqqaataani Atammimmi innuttaasut 203-nik amerlassuseqarput.

Killiffik attarissallu

Uannut suna atuuppa

loading image
Henter...