Namminersorlutik soqutigisaat

Illuaqqanik oqquisarfinnik, piniariat illuaraannut, takornarissat illuaraannut, aasarsiortarfinnut il.il. Kangerlussuup tungaanut Itillip kangerluani arlalinnik immikkoortitsisoqarnikuuvoq, soorluttaaq nunaqarfiup kujataatungaani illuaqqanut nunaminertamik annertuumik immikkoortitsisoqarnikuusoq.

Nunaqarfimmi takornariaqarnerusinnaanera atorluarniarlugu, inissiat sanaartukkat atorneqanngitsut takornarissanut unnuiffiusinnaasutut, soorlu hotel-itut imaluunniit hotel-iutigalutik nerisarfissatut atorneqartarsinnaaneri eqqarsaatersuutigisariaqarpoq.

Ukiut tamaasa nunaqarfik takornariartaassuarnit arlalinnit tikinneqartarpoq, soorluttaaq Itillimiit qulimiguulimmiit sisorartitsineq sammitinneqartartoq.

Itillip kangerluata qinnguani ujaqqanik qaqutigoortunik assigisaanillu soorlu immaqa piffissap ingerlanerani immikkoortumi ujarassiorfimmik pilersitsisinnaanermut tunngaviilisinnaasunik nunaqarfimmi suliffissanik pilersitsiffiusinnaasunik ujaaasisoqarpoq.

Nunaqarfiup oqaluffia Thule-miit nutaavoq eriagisaallunilu pilersaarusiorfiusullu ingerlanerani naammassalluni. Nunaqarfiup kangiatungaani kangerliumanerup eqqaani illutoqqat nunasiaataanerup nalaaneersut inissisimapput. Nunaqarfimmi assilisassaqqissupput eriagisaallutillu.