Aqquserngit aqqusineeqqallu aaqqissuussaanerat

Aqquserngit aaqqissuussaanerat

Aqquserngit angallaffiunerit angallaffiunnginnerillu eqqartoruminaapput. Kangerlussuarmi aqquserngit tamarmik, amerikamiut aqqusiniliortaasiat atorlugu sanaajupput, silittut illullu tamangajammik saavini biilit unittarfissaqartillugit annertuumik nunaminertaqarlutik.

Siunissami ilusilersuinissami aqquserngit assigiinngitsut immikkoortiternissaat eqqarsaatigineqarpoq, assigiinngissutaasa suliarineqarnissaat siunertarineqarluni.

Aqquserngit immikkoortiterneqarnissaanut makku suliarineqarput:

  • Aqquserngit pingaarnerit aqquserngit angallaffiunerpaatut aamma taaneqartartut
  • Aqquserngit agguataartut aqquserngit angallaffiunnginnerpaatut aamma taaneqartartut
  • Najukkani aqquserngit
  • Sermersuarmut, isikkivinnut, kuummut il.il. pinngartitamut aqquserngit.

Kommunip pilersaarusiorneqarnerani aqquserngit pioreersut, aqqusinernik ingerlavissanik immikkoortitsisoqarpoq

    • Umiarsualivimmut aqqusinermik alliliineq, umiarsualivimmut nutaamut sineriak aqqusaarlugu
    • Køkkenfjeldimi Tacan-illu eqqaani illuaraqarfimmut/akunnittarfimmut nunaminertamik immikkoortitsinermi aqqusinermik attavilernerit.
    • Tasersuup kangianut aqqusinermik attavilerneq. Attavilernerup taassuma Sisimiunut aqqusinermut ingerlavissap inernilerneranut malinnaasuussaaq
    • Aussivigssuit tasianut aqqusinermik attassusiliineq, Qeqqata Kommuniani Unesco-mit eriagigassatut toqqarneqartoq, takornarissanillu orninneqartarneranut pingaarutilik

Pisuinnaat aqqutaasa aaqqissuussaanerat

Kangerlussuarmi aamma pisuinnaat sikkilertullu periarfissaqartinniarlugit, aqqutissanik attavilersitsinissaq anguniarneqarpoq.

Mittarfiup eqqaani illoqarfiup qeqqaniit, mittarfiup avannaatungaatigut pisuinnaat aqqutissaanik pilersitsisoqartariaqarpoq, taamaalilluni atuarfimmut aqqusinissaq isumannaannerusoq pilersinneqarsinnaalluni.

Taakkulu saniatigut illoqarfiup eqqaani pisuinnarnut aqquserngit nalunaaqutsersukkat pisariaqartinneqarput, illoqarfimmut atatillugu takkornarissanit orninneqarsinnaanerinut nassaariuminartut. Soorlu kuussuit, Fossilsletten, køkkenfjeldet il.il..

Angallassissutit amerlasuunik ilaasoqarsinnaasut – innarluutilinnit atorneqarsinnaasut

Kangerlussuarmi illoqarfik busseqarpoq, taannalu ukioq 2011-mi innarluutilinnut ikisarfimmik atortulerneqarluni. Illoqarfiup bussia avannaatungaani Gl. lejr-ip mittarfiullu illuutaanik atassusiliisoq, kujataanilu atuarfiit najugaqarfinnillu atassusiliivoq

Assartuinermut ingerlavissiat

Nunaannarmi qamuteralannik ingerlavissianik immikkoortitsisoqarnikuuvoq. Ingerlavissiat Sisimiunut qamuteralannik ingerlaarnermut atatillugu, taamaallaat ukiuunerani ingerlavissiatut aammalu piniarnermut atatillugu, neqilerivimmut nersutit nakorsaanit piffissaliussap iluani assartuinermut eqqarsaataanerupput.

Killiffik attarissallu

Uannut suna atuuppa