Kulturikkut kingornussat

Sisimiut illoqarfiani oqaluffiup, oqaluffitoqqap, umiarsualiviullu eqqaanni illutoqqat kulturikkut kingornussaapput. Sallinnguani qanga issumit illuliat il.il. sinneri takussaapput. Tamatuma saniatigut Qiviarfiup Kaaliikassaap Aqqutaatalu akornanni nunataq eriagisatut immikkoortinneqarnikuuvoq.

Illut eriagisat nunap assingani ilanngussami takuneqarsinnaapput, illullu ataasiakkaat normui takussusiorlugit, soorlu illut eriagisassanngortinneqarsimanerinik nassuiaatit aamma ilanngunneqarput.

Illunut eriagisassanut Nunatta Katersugaasivianit isumagineqarluni kulturikkut eriagisassat eriagisassanngortinneqarnerat pillugu Inatsit atuuppoq. Pilersaarusiornermi nunaminertanillu aqutsineq pillugu inatsit naapertorlugu illut eriagisassanngortinneqarput, kommunimiillu isumagineqarlutik.