Kommunip pilersaarusiorneqarnerani nunaminertanut immikkoortitsinissamut tunngaviliisussamik, illoqarfinnut nunaqarfinnullu ataasiakkaanut innuttaasunut siulittuummik tatiginartumik suliaqarniarluta periarfissaqarnersoq misissorsimagaluarparput, tamannali periarfissaqarsimangilaq, ilaatigut innuttaasut amerlassusaasa ikippallaarujussuarneri eqqortarlugit. Taanna suliffissaqarniarnermi qanoq issusaata ineriartornerata siumut oqaatiginissaanut periarfissakinneranut ilaatinneqassaaq. Ineriartorneq ilaatigut nunarsuaq tamakkerlugu ineriartornermik aammalu Namminersorlutik Oqartussanik aalajangiisarnernik apeqqutitalerujussuummat.
Kommunip pilersaarusiorneqarnerani nunaminertanut immikkoortitsinissamut tunngaviliisussamik, illoqarfinnut nunaqarfinnullu ataasiakkaanut innuttaasunut siulittuummik tatiginartumik suliaqarniarluta periarfissaqarnersoq misissorsimagaluarparput, tamannali periarfissaqarsimangilaq, ilaatigut innuttaasut amerlassusaasa ikippallaarujussuarneri eqqortarlugit. Taanna suliffissaqarniarnermi qanoq issusaata ineriartornerata siumut oqaatiginissaanut periarfissakinneranut ilaatinneqassaaq. Ineriartorneq ilaatigut nunarsuaq tamakkerlugu ineriartornermik aammalu Namminersorlutik Oqartussanik aalajangiisarnernik apeqqutitalerujussuummat.
Eqitsimmi ataaniittumi illoqarfinni nunaqarfinnilu ukiuni 1999-imi, 2011-mi 2024-milu innuttaasut amerlassusissaat nalunaarsorneqarput, siuariarnermik kinguariarnermilluunniit paasineqarsimasut malillugit.
Eqitsit 2024 eqqarsaatigalugu nalinginnaaleriartortutut isigineqassaaq, ineriartorneriinnartuunngitsoq
Qeqqani innuttaasut nikerarnissaat.
Sumiiffinnut agguataarlugu 1999-imi, 2011-mi 2024-milu innuttaasut amerlassusissaat.
| 1999 | 2011 | 2024 | |
| Maniitsup illoqarfia | 2.951 | 2.747 | 2.543 |
| Atammik | 231 | 203 | 175 |
| Napasoq | 117 | 91 | 65 |
| Kangaamiut | 486 | 355 | 224 |
| Sisimiut by | 5.149 | 5.498 | 5.847 |
| Itilleq | 121 | 114 | 107 |
| Sarfannguit | 115 | 132 | 149 |
| Kangerlussuaq | 417 | 544 | 671 |
| Katillugit | 9.587 | 9.684 | 9.781 |
| Maniitsumi Aluminium | 2.951 | 2747 | 3.947 |
| Aluminiu ilanngullugu | 9.587 | 9.684 | 10.981 |
Illoqarfinni nunaqarfinnilu ataasiakkaani pingaarnertut aaqqissuussinermut immikkoortut ataanni innuttaasut nikerarnerinut nassuiaat taamatut nikerarnermik aallaavilimmit tigusaavoq, ineriartornissamut nalinginnaasumut ilanngullugu sumiiffinnilu periarfissat takuneqarsinnaasut malillugit. Maniitsumi Aluminiumik aatsiterivissami pisut 1200-nik innuttaqarnerulernissamik periarfissalerlugit ilanngussaapput, tamanna Maniitsumut Greenland Development-imiit missiliuussinerit pisortatigoortumi ilaatinneqarmata.
Taamaalilluni Kangerlussuup mittarfeqarfiata matoriataarsinnaaneranut imaluunniit annikillisarneqarsinnaaneranut pisunik ilanngussisoqarnikuunngilaq, Kangerlussuarmi aammalu assersuutigalugu Sisimiuni inuutissarsiornikkut periarfissat tamakkiisumik atorneqanngippata, innuttaasut nikerarsinnaaneranik takutitsisumik ilanngussisoqarnikuunani.
Eqitsisip takutippaa, kommuni nalinginnaasumik aalajaatsumik annikitsumillu innuttamigut amerleriaateqassasoq. Nunaqarfiit ilaanni taamaalilluni innuttaasut ikileriarsinnaapput ilaannilu amerleriarsinnaallutik.
