Suliffeqarfiit sunngiffillu

Atammimmi timersortarfeeraqarpoq, arsaattarfeqarluni pinnguartarfeqarlunilu kiisalu illu kiffartuussiveqarluni. Taakku saniatigut oqaluffik katersuuttarfiuvoq pingaaruteqartoq.

Sunngiffimmi sammisassanut nunaminertanik immikkoortitsisoqaqqinnissaa pisariaqanngitsoq nalilerneqarpoq/nikuuvoq.

2011-mi innuttaasut 203-niit 2024-mi 175-inut nikerarnermikkut ikileriarnissaata takutippaa, pisortat sullissiviinut nunaminertanik nutaanik immikkoortitsisoqaqqinnissaanut tunngavissaqanngitsoq.

Meeqqerivik.

Meqqerivimmi ullumikkut meeqqanut 16-inut inissaqartitsisoqarpoq. Innuttaasut ikileriarnissaat pissutigalugu naatsorsuutigineqarsinnaavoq, meeqqerivinni inissanik amerliliinissaq pisariaqartinneqarnavianngitsoq. Taamaattorli maannakkut inissisimaffigisaaniit tulluarnerusumik inissamik nassaarsinnaanissaq nalilersugassaavoq.

Meeqqat atuarfiat

Atuarfik piusoq 20-nik atuartoqarpoq.

Taamaattumik atuarfimmi pioreersumi atuartitsinissamik annertussuseq naammattoq naatsorsuutigineqarpoq.

Inuusuttunut neqeroorutit

Ukiuni aggersuni nunaqarfimmi ukioqatigiit taakku kisitsisaat, inuusuttut qassit inuusuttunut ilinniarfinnut illoqarfinni annertunerusuni inissisimasunut aallartikkusunnerannik apeqqutitaqarumaarpoq.

Utoqqarnut inissiat/utoqqaat angerlarsimaffiat

Atammimmi sisamanik utoqqarnut inissiaqarpoq, pilersaarusiorfiup iluani pisariaqartitsinermik matusisinnaasutut nalilerneqartariaqarsorinartoq.