Sarfannguaniit Sarfannguanullu assartuineq annerpaamik angallatinik, attartukkanik, inunnik assartuussinissamut umiatsianik akuerissaasunik inuinnaalluunniit angallataannik pisarpoq.
Sarfannguit sapaatip akunnera allortarlugu Royal Arctic Line, RAL, assartuutaanik tikinneqartarpoq, aammalu ukiumut arlaleriarluni takornariartaatinit mikinerulaartunit tikinneqartarluni.
Ukiuunerani qimussit qamuteralaalluunniit atorlugitSisimiunut Kangerlussuarmulluunniit assartuisoqarsinnaasarpoq, assartuinerli tamanna silaannaap kissakkiartornerata ajornarnerulersinnikuuvaa.
Kommunip pilersaarusiorneqarnerani qulimiguulinnut mittarfeeqqamut pisortanit pigineqartussamut nunaminertamik immikkoortitisoqarnikuuvoq, taamaalilluni takornarissanik qulimiguulimmillu ilaasussanut allanut timmisartuussisarnissamut periarifissanik pitsaanerusunik pilersitsisoqarniassammat.