Kikkut nunaminertamik atugassinneqarnissamik qinnuteqarsinnaappat

Kikkut nunaminertamik atugassaminnik qinnuteqarsinnaappat

Inuk kinaluunniit inatsisitigut pisinnaatitaasoq, tassa imaappoq inuit ataasiakkaat, suliffeqarfiit, selskabet peqatigiiffiillu nunaminertamik qinnuteqarsinnaapput. Innuttaasunut Kalaallit Nunaanni nunanilu allani najugaqalersimasunut atuuppoq.

 

a. Nunaminertat atorneqanngitsut.

Imm. 1. Kommunip pilersaarusiorneqarnerani sanaartorfigissaanermiluunniit nunaminertat sanaartornissamut atorneqarsinnaanngornerini kommunip nittartagaatigut kiisalu tusagassiutitigulluunniit allatigut nunaminertat atorneqariaannanngortut Kommunalbestyrelsip saqqummiuttassavai.

 

b. Nunaminertanik inniminniineq.

Imm. 1. Nunaminertamik atugassinneqarnissamut qinnuteqarnermut atatillugu nunaminertamik inniminniinissamik qinnuteqartoqarsinnaavoq. Nunaminertanik atorneeruttunik nutaanik saqqummiisoqarnerani qinnuteqarnermut atatillugu nunaminertamik inniminniinermik qinnuteqartoqartariaqaraluarpoq nunaminertamik atugassinneqarnissamik qinnuteqannginnermi. Tapiissutit atorlugit sanaartornissanut nunaminertanut aamma atuutissaaq.

Imm. 2. Nunaminertanik inniminniisinnaaneq, piumasaqaatitut tunniussat naammassineqarsimatillugit neriorsuuteqarsinnaanermik nalunaaruteqarnissamut kommunalbestyrelsip siunertaanik nalunaarutiginninneruvoq.

Imm. 3. Nunaminertamik inniminniineq nunaminertamik atuisinnaatitaalernerunngilaq, kisianni qinnuteqartup pilersaarumminik aningaasaqarnermillu il.il. paasiniaanissaminut periarfissaatut piffissaliinertut isigissallugu.

Imm. 4. Nunaminertamik inniminniinermi nunaminertap qaqugu atulersinnaaneranut piffissatut pilersaarummik ilanngussiffigineqassaaq.

Imm. 5. Nunaminertamik inniminniineq piffissamik killiligaavoq piffissami annerpaamik qaammatinut pingasunut. Sanaartugassanut annertunerusunut imaluunniit atortulersuutinut suliassanut nunaminertat ukiumi ataatsimi inniminneeqqaneqarnissaanik piffissaliisoqarsinnaavoq.

Imm. 6. Nunaminertamut utaqqisoqanngippat nunaminertamik inniminniinerup piffissaq sivitsorneqarsinnaavoq. Piffissatut aalajangersakkat malitsinneqanngippata nunaminertamik inniminniineq atorunnaarsinneqarsinnaavoq.

 

c. Nunaminertamik qinnuteqarneq.

Imm. 1. Nunaminertamik qinnuteqarnermi immersugassaq una anillatsinneqassaaq: ansøgningsskema.pdf. Immersugassaq anillatseriarlugu immersoreerukku atsiussavat. Tamatuma kingorna immersugaq Qeqqata Kommuniani Teknikkimut Avatangiisinullu immikkoortortaqarfimmi Pilersaarusiornermut immikkoortortamut nassiunneqassaaq. Immersugaq anillatsinneqarsimasoq tiguneqarpat aatsaat sullissineq aallartinneqassaaq. Immersugaq atsiugaasoq aamma scannerneqarsinnaavoq taavalu uunga nassiunneqarluni qeqqata@qeqqqata.gl.

Qinnuteqaatit immersorneqarnissaannut kommunip allaffeqarfiini ikiuuttoqarsinnaavoq.

Imm. 2. Qinnuteqaat tamakkiisuunissaa eqqortumillu immersorneqarsimanissaa qinnuteqartup qulakkiissallugu nammineq akisussaaffigivaa.

Imm. 3. Nunaminertamik atugassinneqarnissamik qinnuteqaatip suliarinissanut paasissutissanik annertunerusunik kommunalbestyrelsi piumasaqarsinnaavoq, makkuusinnaasunik:

  1. a) suliap aningaasaqarnikkut piviusorsiorneranik uppernarsaataasinnaasunik, sorlu nammineq akilersuinissamut aningaaseriviit qularnaveeqqusiinerat aningaasaqarnerup piviusorsiorneranut, attartortitsisartuniit (realkreditinstitut) aamma/imaluunniit kommunimit Namminersorlutilluunniit Oqartussanit tapersersorneqarnermut neriorsuummik.
  2. b) pilersaarummi atortussat soorlu nunamut pineqartumut tulluarsakkanik illup pilersaarutip illullu saqqassaata titartarneri, kommunip pilersaarusiorneqarnerani aalajangersakkanik malitsitsinermut uppernarsaaneq, kiisalu suliap aalajangerneqarsnissaanut pisariaqartitanik allanik.