Illoqarfiup qeqqa

Illuliassanik titartaasartut 70 N-ikkut siunnersuutaat malillugu, illoqarfiup qeqqanut atatillugu eqikkaanermik pilersitsinissaq siunnersuutigineqarpoq.

Pisiniarfinnut niuertarfinnullu nunaminertanik immikkoortitsineq Maniitsup illoqarfiata qeqqanut ineriartortitsinissamut qulakkeerivoq. Illoqarfiup qeqqata nukittorsarneqarnissaanut siunertaavoq, taamaalilluni immikkut ittunik pisiniarfinnik tassani inissinneqassallutik. Illoqarfiup avalliunerusuani ulluinnarni atugassanik pisiniarfinnut minnerusunut pisiniarfeeqqanullu nunaminertanik immikkoortitisoqarpoq. Soorlu illoqarfiup immikkoortuani nutaami ulluinnarni atortussanik pisiniarfinnut illoqarfimmeereersunut, pisiniarfinnik minnerusunik tapiliussatut pilersitsineqarsinnaalluni.

Illoqarfiup qeqqata allilerneqarneranut suliffissuaqarfikumi sunngiffimmi atortorissaarutinik pilersitsinissamut periarfissiivoq – soorlu naluttarfik aammalu kulturip aallaavia. Anguniagaavoq sunngiffimmi sammisaqartitsiviit, pisiniarfeqarnermi avatangiisinik ikorfartuinissaa, taamaalilluni illoqarfiup qeqqa arlalinnik atuisulik uummaarissoq orniginartorlu pilersinneqassasoq.