Teknikkimut attaveqarneq pilersuinermullu il.il. immikkoortut immikkoortitat ilisarnaataat tassaapput, teknikkikkut atortut annertuut, soorlu imeqarfiit aamma pilersuinermut imaluunniit nioqqusiornermut suliffeqarfiit allat il.il.. Allatut oqaatigalugu inuussutissarsiorfiit isumalluutinik uumassusilinnik atuinermik aallaaveqanngitsut. Immikkoortut ataasiakkaani suliffeqarfinnut atortunullu attuumassuteqartunut, ukioq naallugu najugaqarfinnik, stationinik, campinik assigisaanillu pilersitsisoqarsinnaavoq. Suliffeqarfiit taakku sumiiffinni atortulersuutinut teknikkikkullu pilersuinermut attaveqartariaqassapput. Erngup nukinga atorlugu nukissiorfik nammineq atugassaminik innaallagissiussaaq. Immikkoortuni taakkunani sunngiffimmi illuaqqanik aasarsiortarfinnillu pilersitsisoqarsinnaanngilaq, immikkoortut taakku qulaani suliffeqarfinnut atortulersuutinullu taaneqartunut immikkoortitaammata. Illuaqqat teknikkikkut atortunut qanittunut inissinneqanngippata, erngup nukinga atorlug nukissiuuteqarfimmut tatsinut imeqarfinnut timaani illuaqqqanik piniariartarfinnik oqquisarfinnillu ataasiakkaanik pilersitsisoqarsinnaavoq.
Sanaartukkat
Immikkoortuni takkunani pingaarnertut sanaartornermik piumasaqaateqanngilaq.
Angalaneq pilersuinermilu atortut
Kommunimit makku pilersinneqarsinnaapput:
- Puttasut imaluunniit allatut umiarsualiveqarneq
- Helistop
- Immikkoortuni atortunut sanaartukkanullu atatillugu aqquserngit, aqqutissat imaluunniit pisuinnaat aqqutaat
- Teknikkikkut pilersuinermik atortut, soorlu innaallagissiornermut, imermut, telemut kuuffissualersornermullu immikkoortumi sumiiffimmi pilersuinermut atortut
Naalakkersuisumit akuersissutigineqaqqaartussat:
- Imermik tarajuunngitsumik katersinermut atortut
- Imikumik kuutsitsinissamut atortut
- Nukissamik pilersuinermut atortut annertunerit
Kommunip pilersaarusiorneqarneranut N – immikkoortut immikkoortinneqartut:
- Sisimiut avannaatungaani Tasersuarmi erngup nukinganik nukissiornermut aammalu Sisimiunut innaallagissap sakkortuup ingerlaffianut atatillugu
- Maniitsumi Alumiiniliorfiup pilersinneqarnissaanut, erngup nukinganik nukissiorfiit marluk pisariaqartinneqartunut, tassungalu aamma innaallagissap sakkortuup Alumiiniliorfimmut ingerlaartussamut aqqutissanut pisariaqartinneqartut
