Nunaqarfiup qiterpasissortaa talittarfiup eqqaani inissisimavoq, aammalu tassaniippoq Pilersuisup niuertarfia kiisalu tunitsivik.
Inissiat sanaartugaasut ilaqutariinnut ataatsinut sanaajupput imaluunniit affarleriiullutik. Inissiat katillugit 30-t missaaniipput. Nunaminertani inissialiorfissatut immikkoortitaasuni suli inissianut 20-nut inissaqarpoq. Innuttaasut amerlassusaat ikiliartorpoq, aammalu inissianut nutaanut nunaminertanik immikkoortitseqqinnissaq pisariaqassagunarani. Nunaminertami pioreersumi ilaqutariinnut ataatsinut inissiat utoqqarnut inissianngorlugit assigisaanulluunniit, assersuutigalugu sanaartukkat pioreersut allanngortiterneqarnerisigut allanngortinnissaat pisinnaapput.
Nunaminertat inuutissarsiorfiusut talittarfimmik attuumassuteqarlutik inissisimapput. Piffissami matumani naammattunik nunaminertaqarlunilu illutaqarpoq. Taamaattumik kommunimut pilersaarummi matumani nunaminertanik inuutissarsiorfiusussanik nutaanik immikkoortitsisoqanngilaq.
Aammattaaq talittarfimmi avannamut kangianni umiatsiaaqqanut qaqitsivissanik atortuusivissanilu nunaminertanik inuutissarsiorfiusunik immikkoortitsisoqarnikuuvoq.
Suliffeqarfik inuutissarsiorfiusoq annerpaaq piusoq tassaavoq Royal Greenland.
Killiffik attarissallu
Uannut suna atuuppa
- Kommunimi pilersaarut
- Kummunimi pilersaarummut tapiliussaq
- Attavissat
- Nunap assinga atorlugu ujarlerneq
- Adressi atorlugu ujarlerneq