Attaveqaatit

Talittarfimmi umiatsiaaqqanut puttasumik majuartarfilimmik aammalu pilersuinermut angallatinut atorneqarsinnaasumik pilersitsiqoarnikuuvoq.

Itillimiit Itillimullu assartuineq annertunerusumik angallatit kisiisa assartuuteeqqat attartukkat inuinnaalluunniit umiatsiaaraat atorlugit ingerlanneqartarpoq. Itilleq RAL-ip umiarsuaaraanit sapaatip akunnera allortarlugu, ukiumullu arlaleriarluni takornariartaassuarnit tikinneqartarpoq.

Nunaqarfiup avannamut kitaani qulimiguulinnut mittarfeeqqamik takornarissanik inunnillu timmisartuussinermut atatillugu atorneqarsinnaasumik pilersitsisoqarnissaa naatorsuutigineqarpoq.

Itillimi aqqut angallaffiunerpaasoq nunaqarfikkut ingerlasuuvoq, tamaallilluni ATW-t atorlugit talittarfimmiit nunaqarfiup iluani angalasoqarsinnaalluni. Angallavik annikitsunik qummukajaaqarpoq, ajornanngitsumillu annertusarneqarsinnaalluni, takissusaa aammalu aqqusinitut pitsanngorsarneqarsinnaanera eqqarsaatigalugu, toqqaviata nammassinnaalluarmagu.