Teknikkikkut atortuutit

Imermik pilersorneqarneq.

Qeqertami Nunako-mi aallaaveqartumik imermik pilersuineq Nukissiorfinnit isumagineqarpoq. Taseq Nunako-p Napasullu akornanni kangerliumaneq nerukitsup naqqatigoortumik erngup aqqutaanik imeqarfimmut attaviligaavoq. Imeqarfik imeqarfiuvoq A1-isoq.

Innaallagissamik pilersorneqarneq

Nukissiorfiit innaallagissamik pilersuisuupput.

Napasoq dieseli atorlugu innaallagissiorfimmiit innaallagissamik pilersorneqarpoq. Anorip nukinga atorlugu nukissiuummik pilersitsisinnaaneq periarfissaqarpoq, taamaalilluni nunaqarfimmut nukimmik ataavartumik pilersuisoqarsinnaalluni, maannakkuugallartorli taamaattumik sanaartortoqarsinnaanera pilersaarutaanngilaq.

Kuuffissuit.

Imikumik kuutsitsinissq kommunip susassaqarfigaa.

Nunaqarfimmi kuuffissuaqanngilaq, illullu 30-usut perusuersartarfiiniit igitassat anartarfilerisarfiup kuutsitsiviatigut imaanut kuutsinneqartarput. Illumiit imikut illullu qalianiit imeq kuuttoq nunamut kuutsinneqartarput.

Eqqagassalerineq

Eqqagassalerisarneq kommunip susassaqarfigaa.
Eqqagassanik immikkoortiterisarneq killeqarpoq. Ikuallaavimmiit arsakut atortullu ikuallassinnaangitsut eqqaavimmi inissinneqartarput. Eqqakkat Maniitsumut Sisimiunulluunniit assartorneqartarsinnanersut eqqarsaatersuutigineqarpoq, ikuallaavimmi kiassaateqarfimmut atassuseqqasumi ikuallarnneqartarsinnaaneri siunertaralugit.


Tele.

Tele-p napparussua nunaqarfiup alannguatungaani inissisimavoq, napparutillu eqqaa pallitsaaliugaavoq.