2011-mi 132-miit 2024-mi 149-mut innuttaasut nikerassappata, ullumikkut atugassarititaasut iluanni naammassanersut pisortanit sullissinissamut neqeroorutit pioreersut nalilersorneqarnissaanut tunngaviliivoq.
Meeqqerivik, meeqqanut ukioqanngitsuniit tallimanut ukiulinnut
Meeqqerivimmi ullumikkut meeqqanut aqqaneq-marlunnut inissaqarpoq. Innuttaasut amerleriaateqassappata, meeqqeriviup allilerneqarsinnaanerata nalilersorneqarnissaanut tunngaviliissaaq, imaluunniit piffissap ilaani katersortarfik oqilisaassisartutut atorneqarsinaavoq.
Meeqqat atuarfiat
Sarfannguani atuarfimmi ullumikkut meeqqat 23-it atuartuupput. Innuttaasut amerleriaateqassppata, atuarfiup annertussusaa nalilersornissaa pisariaqassaaq. Atuarfimmik alliliisinnaaneq apeqqutitaqassaaq,Sisimiuni meeqqat klassini sorlerni aallartissanersut imaluunniit efterskole-mut ingerlaqqissanersut.
Inuusuttut
Nunaqarfimmi inuusuttut amerlassusaasa nikerarnerat apeqqutitaqassaaq, inuusuttut inuusuttunut ilinniarfinnut aallartikkusunnersut, taamaalillutillu illoqarfinnullu anginerusunut nuullutik.
Utoqqarnut inissiat.
Nunaqarfimmi ullumikkut marlunnik utoqqarnut inissiaqarpoq, nalinginnaasumillu utoqqaat amerliartornerisaanik, ukioqatigiinnitaakkunani amerliartornissaq naatsorsuutigineqartariaqarpoq. Nunaqarfimmi utoqqarnut inissianut nutaanut pisariaqartitsinermi pilersoqarsinnaanera imaluunniit utoqqaat paarineqarnissamik pisariaqartitsisutSisimiunut nuunneqassanersut nalilerneqarnissaanut tunngavissaqarpoq. Taamaaliornikkut siammasinnerusumik ilisimasalinnit paarineqalissagaluarput, Sarfannguanilu aqquserngit kørestol-inik atuisunut tulluuttuunngitsut atorneqaratik.
