Nunaminertamik atugassiissut sanaartornissamullu akuersissut

Nunaminertap atorneqarnissaa kissaatigineqartillugu nunaminertamik atugassinneqarnissamik qinnuteqartoqartussaavoq. Imaassinnaavoq assersutigalugu umiatsianut qaqitsivimmik, containerinut allanullu inissiivimmik, illuaqqiornermik, illunik pioreersunik aliliinermik, nutaamik sanaartornermi assersuutigalugu quimik, garagemik, nutaamik illuliornermik il.il..

Nutaamik sanaartornermi, ilassusiinermi, allanngortiterinermi allatulluunniit sanaartornermi sanaartorsinnaanermut akuersissummik qinnuteqartoqassaaq. Imaassinnaavoq assersuutigalugu quimut, garagemut, illumik sanaartornermut, 30 m2-mit anginerusumik illuaqqiornermut il.il.

Immikkoortumut kommunip pilersaarusiorfigineqarnerani tapliussat imaluunniit illoqarfiup ilaanut pilersaarutit aalajangersagartai malinneqartussat maluginiarneqassapput. Teknikkeqarnermut Avatangiisinullu immikkoortumut saaffiginninnikkut tunniussisoqartassaaq.

Nunaminertamik atugassiinermut kiisalu sanaartornissamut akuersissutit pillugit malittarisassat saamiatungaani isertarfikkut annertunerusumik atuarsinnaavatit. Tassanittaaq nunaminertamik atugassinneqarnissamut kiisalu sanaartornissamut akuersissutinik qinnuteqarnissamut ilitsersuutit nassaarisinnaavatit.