Suliffeqarfiit sunngiffillu

Suliffeqarfiit avataatigut nunaqarfimmi katersortarfeqarpoq, oqaluffik, illu kiffartuussivik, atuakkanik atorniartarfik aammalu arsaattarfik pinnguartarfillu nunaqarfiup qeqqani inissisimaasoq.

Timersortarfeeraliortoqassappat atuarfiup eqqaani inissinneqarnissaa naatsorsuutigineqarpoq, tamannali pitinnagu tipiliorneq pissutigalugu anartarfilerisarfik ikuallaavillu nuunneqaqqaassapput.

Innuttaasut nikerarnerata 2011-mi 114-ininngaaniit 2024-mi 107-inut ikilisinnaanerata takutippaa, meeqqanut inuusuttunullu pisortanit kiffartuussinerup annertusarneqarnissaanut pisariaqanngitsoq.

Meeqqerivik.

Itillimi meeqqerivik meeqqanit 8-nit atorneqarpoq, meeqqanullu inissaqarluarpoq, taamaattumik pilersaarusiorfiup ingerlanerani meeqqerivinnik annertusaanissamik pisariaqartitsisoqarnissaa naatsorsuutigineqanngilaq.

Meeqqat atuarfiat

Meeqqat atuarfiat 2010-mi nutarterneqarpoq atuartunullu 20-nut naammattunngorlugu allineqarluni, atuarfimmilu pioreersumi ilinniartitsinissamut annertussuseq pilersaarusiorfiup ingerlanerani naammassasoq naatsorsuutigineqarpoq.

Inuusuttunut neqeroorutit

Inuusuttut amerligaluttuinnartut illoqarfinni anginerusuni inuusuttunut ilinniarfinnut aallartalernerat tunngavigalugu, nunaqarfimmi inuusuttut amerlassusaat appariaateqassasoq naatsorsuutigineqarpoq.

Utoqqarnut inissiat/utoqqaat angerlarsimaffiat

Utoqqarnut inisianik amerlanerusunik pilersitsinissamut pisariaqartitsisoqassanngitsoq nalilerneqarpoq. Sivisunerusumik inuusalernitsinni ineriartorneq aammalu utoqqaat amerliartuinnarnerat ataatsimut isigalugu, pilersaarusiornerup ingerlanerani pisariaqartitsinerup nalilersoqqinneqarnissaa pisariaqarsinnaavoq.

Itillimi nunap maniitsuunerata innarluutillit angalanissaanut ajungitsorusjussuarmik periarfissaqarput. Illunut amerlanerpaanut ajornanngitsunnguamik tikikkuminarsaasoqarsinnaavoq. Taamattorli meeqqerivik qaqqami portujaami majuartarfimmik appakaaffeqarluni tulluanngitsumik inissisimavoq, taassumalu kinguneraa barnevogninik atuinerup ajornarnerulernera. Ungasinnerusoq isigalugu assersuutigalugu illup assinganik allamut inissitamik taarserneqarsinnaanera eqqarsaatigineqarsinnaavoq.

Iliveqarfik

Iliveqarfik sanaartorfiup kangiatungaani inissisimavoq, pilersaarusiorfiusup ingerlanerani alliliinissamut periarfissaqarluarluni.