Kommunip pilersaarutaanut tapiliussassatut siunnersuut nr. 58
Sisimiut Kangerlussuulu akornanni aqqusineq sinerlugu hotelleqarfinnut illuaraqarfinnullu Kommunip pilersaarusiorfigineqarnerani tapiliussami nr. 58-mi allannguutissatut siunnesuut 2023-mi novembarip 23-anni kommunalbestyrelsip ataatsimiinnerani akuersissutigineqarpoq piffissamilu 2023-mi novembarip 28-annit 2024-mi januaarip qulingiluaannut tamanut oqallisissiassanngorlugu saqqummiunneqarpoq.
Annerpaamik illuaqqanut pingasunut killiliisitsisup allanngortinneqarnissaa kissaatigineqarpoq, taamaalilluni illuaqqanit pingasuinnarnit amerlanerusunik sanaartornissamut periarfissaqassalluni. 360 m2-imut annerpaamik killiliinerup allanngortinneqarnissaa kissaatigineqanngilaq. Allannguutit sungaartumik nalunaaqutseqqapput.
Kommunip pilersaarusiorfigineqanerani tapiliussami nr. 56-imi allannguutissatut siunnersuut
Qeqqata Kommuniani illuaqqanik pilersitsinermut Kommunip pilersaarusiorfigineqarnerani tapiliussami nr. 56-imi allannguutissatut siunnersuutit 2023-mi novembarip 23-anni kommnalbestyrelsip ataatsimiinnerani akuersissutigineqarput piffissamilu 2023-mi novembarip 28-annit 2024-mi januaarip qulingiluaannut tamanit oqallisissiassanngorlugit saqqummiunneqarpoq.
Annerpaamik illuaqqanut pingasunut killiliisitsisup allanngortinneqarnissaa kissaatigineqarpoq, taamaalilluni illuaqqanit pingasuinnarnit amerlanerusunik sanaartornissamut periarfissaqassalluni. 360 m2-imut annerpaamik killiliinerup allanngortinneqarnissaa kissaatigineqanngilaq. Allannguutit sungaartumik nalunaaqutseqqapput.
Kommunip pilersaarusiorfigineqarnerani tapiliussassatut nr. 83-itut
Kommunip pilersaarusiorfigineqarnerani tapiliussassatut nr. 83-itut - Sisimiuni umiarsualiveqarfiup qiterisaqarfia, kommunalbestyrelsip 2023-mi novembarip 23-ani ataatsimiinnermini akuersissutigaa, 2023-milu novembarip 27-ianiit januaarip 29-iata tungaanut tamanut tusarniutigineqassalluni.
Kommunip pilersaarusiorfigineqarnerani tapiliussaq nr. 83-imi illoqarfimmik ineriartortitsineq aammalu Sisimiut umiarsualiveqarfiup qiterisaqarfia kippasissup, maannakkut immikkoortup ilaa 800-B1-iusumi ingutserinissaq pineqarput. Illoqarfiup qitiusumik umiarsualivia ullumikkut annertuumik pisoqarfiusarpoq, taamaalillunilu illoqarfimmut kulturikkut annertuumik naleqartuulluni. Taamaattorli umiarsualiveqarfik aaqqissuussaanngitsutut, ataqatigiinngitsutut nungullarsimasutullu isikkoqarpoq, taamaattumillu kusanarluinnartunik eriagisassanillu arlalinnik illoqaraluartoq immikkoortoq ajoraluartumik kusananngilluinnartumik isikoqarpoq. Pilersaarutitigut immikkoortup ilaata killilersorneqarnera agguataarneqarneralu allanngortinneqassapput, taamaalilluni illoqarfiup qiterpasissuanut umiarsualiviup avatangiisaata ataqatigiilersinnissaanut aammalu umiarsualiviup pitsaanerulersinnissaanut kajuminnarnerulersinnissaanullu qitiusumik siunertanut allanngorartunut immikkoortut ilaanniik nutaanik pilersitsisoqassalluni. Pilersaarusiornermut immikkoortortaq atuinermut, siunertamut aalajangersakkanullu sukumiinerusunut atatillugu nassuiaasioqqinneqassaaq ersarissarneqarlunilu, ilaatigut sanaartukkat kusanartumik ilusilersornerannut malunnaatilimmik aappaluttumik qalipaatitaqarnissamik atatillugu piumasaqaateqarneranut.
Kommunip pilersaarusiorfigineqarnerani tapiliussassatut nr. 84-itut
Kommunip pilersaarusiorfigineqarnerani tapiliussassatut nr. 84-itut - Sisimiuni qerititsiveqarfik nutaaq umiarsualivimmillu alliliineq, kommunalbestyrelsip 2023-mi novembarip 23-ani ataatsimiinnermini akuersissutigaa, 2023-milu novembarip 27-ianiit januaarip 29-iata tungaanut tamanut tusarniutigineqassalluni.
Kommunip pilersaarusiorfigineqarnerani tapiliussassatut siunnersuut, Sisimiuni umiarsualiviup killerpaap ullumikkut immikkuualuttup 800-B1.1 pioreersup affangajarisaanik ineriartortitsinissamik alliiinissamillu tunngassuteqarpoq. Sisimiuni inuussutissarsiutit pingaarnersaraat aalisakkerineq aammalu illoqarfiup ineriartortinneqarneranut alliartorneranullu suli tunngaviuvoq. Nutaaliaasunik nammineq ingerlasartunik periuseqartut atorlugit nunarsuarmi unammilleqatigiinerup annertusinera aamma sunniuteqarluarnissamut aamma angisuunik ingerlatsinissamut qaffasissumik piumasaqaatit, kilisaatinut angisuunut tulluartunngorlugu illoqarfimmik umiarsualivimmut ingerlatsinikkut qaffasissusilimmut ineriartortinneqarnissaanut tigussaasumik pisariaqartitsinermik pilersitsivoq. Massakkut umiarsualiviusumi pissutit atuuttut tassaapput, inissakilliorpallaarneq siunissamilu angisuumik ingerlatsinissamut nioqquteqarnissamullu piumasaqaatit naammassinissaannut piareersimannginneq. Kommunip pilersaarusiorfiginearnerani tapilusssamut matumunga oqimaaqatigissaqqissaakkamik teknikkikkullu tulluarsakkami aningaasaliissartumit suliniutitut siunnersuutaaqqaartumik tigussaasumik pimoorussisumillu ingerlatsivik tigusaqarnikuuvoq. Kommunip pilersaarusiorfigineqarnerani tapiliussaq immikkoortup ilaanik 800-B12-imik nutaamik pilersitsivoq. Immikkoortumi tassani kommunip umiarsualiviani kippasissumi talliliisoqarnissaq pilersaarutaavoq, tassani umiarsualivimmik ingerlatsinikkut usingiaanikkullu ullutsinnut naleqquttumik immiisoqarlunilu sanaartortoqarsinnaalluni.