Kulturikkut kingornussat

Maani kommunimi kulturikkut kingornussassat nunap timaani siammarsimasuupput inuit kultu­rerisimasaasa qimataat aammalu illoqarfinnut nunaqarfinnullu atatillugu illut eqqarsaatigalugit inuit kulturianeersuullutik, aammalu illoqarfinni nunaqarfinnilu niuertoqarfinni aalisakkeriner­millu tunisassiorfiusarsimasuniit illut suli atatinneqartut, kiisalu sorsunnersuup aappaaniit sor­sunnersuarmilu nilllertumi amerikamiut sakkutooqarfii.

Qeqqata Kommuniani sikuneq ajortumi nunatat annertoorujussuupput periarfissarpassuarnillu ulikkaarlutik, kalaallillu kulturianni, tamatumani piniarneq, aalisarneq silaannarmilu inuuneqar­nermut nukissaqassutsimut annertuumik pingaaruteqarlutik, Kalaallillu Nunaanni piffissap ilaa­tigut sakkortuumik silaannaqarfiusumi inuit piuinnarnissanut tunngaviusimallutik pingaarute­qartut.

Qeqqata Kommunianut anguniagaavoq,Sisimiut Kangerlusuullu/sermersuup akornanni nuna Unescop eriagisassatut allattorsimaffianut ilanngunneqarnissaa. Ilaatigut kulturikkut kingornus­sassat qajannartut illersorniarlugit, ilaagitullugu kulturikkut kingornussassat sammineqarnerata aallartinneqarnissaaata takornariaqarnikkullu periarfissat pingaarutillit atorluarlugit, tamaa­lillunilu oqaluttuarisaanerup oqaluttuarineqarnissaata qulakkeerneqarnissaa.

Unesco-p eriagisassatut allattorsimaffianut ilanngussassatut immikkoortitassatut toqqagaagal­lartut kommunip pilersaarusiorneqarnerani ilanngunneqarput, soorluttaaq asimioqarfiit qimatallu pingaarnerit takornarianit anguneqarsinnaalernissaannut, aqqusinernik appakaaffissanik/pisuinnarnut aqqutinik siunnersuutit ilanngunneqartut.

Suliniut NIIP-imik suliniutaavoq Nunatta Katersugaasivianik Namminersorlutillu Oqartussat pe­qatigalugit kivinniarneqartoq.

Illoqarfinni nunaqarfinnilu ataasiakkaani arlalinni 1940-kkut tikillugit kalaallit nunasisarsimane­rini illunik ujaqqanillu illuikkat paarineqarsimapput, kisianni niuertoqarfinniit illut, niuertut il­lui, quersuit, oqaluffiit napparsimaviillu 1750-ikkunneersut paarilluarneqarsimapput. Ullumik­kut illut amerlasuut eqqissisimatitaapput.

Illut eqqissisimatitat pillugit allattorsimaffimmik kommunip pilersaarusiorneqarneranut siunner­suummi ilanngunneqassapput.