Sunngiffik

Illoqarfiup qeqqani, aalisakkeriviup maannakkut inissisimaffiani, naluttarfimmik inissiinissamut periarfissamik suliniuteqartoqarpoq. Soorlu aamma timersortarfiup allilerneqarnissaanut periarfissaqartoq, taamaalilluni sammisaqartitsinissamut periarfissanik allanik pilersitsisinnaalissalluni.

Illoqarfiup immikkoortortaani nutaami puttasumik angallatillu nuannaariartaatinut talittarfimmik periarfissaqarnissamik qulakkeerinnittoqassaaq, meeqqeriviullu inissisimaffissaatut naatsorsuutigisami arsaattarfimmut nunaminertassamik immikkoortitsisoqassalluni.

Ullumikkut timersortarfeqarpoq, arsaattarfeqarpoq, sanaluttartut sannaveqarpoq, katersortarfeqarpoq katersugaasiveqarlunilu. Oqaluffik katersuuffiuvoq aamma pingaarutilik. Taakkulu saniatigut kommunip allaffiani atuakkanik atorniartarfeqarluni.

Maniitsup illoqarfiata avannaatungaani sisorartartut klubbiat MS 89 sisorartarfimmik ingerlataqarput, ukiullu tamaasa Issuatsiartarfiup Qoorua aallaavigalugu ujakkaarnermi illiniliortarlutik.

Kangilliit Ataata qinnguani angallatinut nuannaariartaatinut talittarfimmik pilersitsinissamik periarfissamik suliniuteqarpoq, Alumiiniliorfimmut aqqummik suliaqarnermut atatillugu suliniutigineqarluni, tassani ukiuunerani angallatinik qaqitsivissamik inissaqartitsinissaq naatsorsuutigineqassalluni.