Attaveqaatit

Napasumi pilersuinermut umiarsuaaqqanut, nunaqarfiullu aalisakkerivianut aalisartut pisaminnik usingiaasarfiutigalugu assartuisarfigisaannik, aammalu inunnik assartuussinermut, piniarnermut aalisarnermullu umiarsuaaqqanut minnerusunut talittarfeqarpoq.

Napasumiit Napasumullu inunnik assartuussineq angallatinik inunnik angallassinissamut akuerisaasunit sapaatip akunneranut ataasiarlutik tikittartunik imaluunniit inuinnaat angallataannik pisarpoq. Napasumiit Maniitsumut assartuussineq akunnermi ataatsimi marlunniluunniit sivisussuseqartarpoq.

Nioqqutissanik assartuineq Royal Arctic Line, RAL-imit isumagineqarpoq, taanna sapaatip akunnera allortarlugu Napasumut tikittarpoq, inunnillu ilaasoqarsinnasarpoq.

Napasumi pisortanit pigineqartumik ilaatigut qulimiguulinnik timmisartuutileqatigiiffinnit assigiinngitsunit soorlu takornarissanik timmisartuussisartunit atorneqarsinnaasartumik mittarfeeraqarpoq.

Nunaqarfimmi najugaqarfinnut assigiinngitsunut angalaffissiaqarpoq.