Uumasuuteqarnernut nunaminertat

Qeqertat qimmiliviit

Qeqqata Kommuniani taamaallaat Sisimiuni qeqertanik qimmilivinnik peqarpoq, tassani qeqertat qimmiliviit pingasut toqqagaallutik. Sarfannguit tunuani kangerlummi qeqertat qimmiliviit marluk toqqagaalluni. Sisimiuni illoqarfiup iluani qimmiliviit pingasut immikkoortut toqqagaapput.

Ungoorilluni piniarneq

Kangerlussuarmi immikkoortut pingasut umimmannik tuttunillu ungoorilluni piniarfissat immikkoortitaapput. Angallavissanut pioreersunut uiggiutaapput. Taamaalilluni piniarfiup nalaani neqilerivimmut aalaakkaasumik tunniussiartorsinnaaneq qulakkeerneqassalluni. Angallavissat aqutsinermut pilersaarummi allaaserineqarput, kommunillu pilersaarusiornerani aalajangiussaallutik.

Sanaartukkat

Immikkoortumi savaateqarnermut, naasorissaanermut, imaanik atuinermut, orpippassuarnik atuinermut qeqertanullu qimmilivinnut il.il. sanaartornissamut taamaallaat piumasaqaataasoq tassaavoq, immikkoortumi illuaqqat inuutissarsiuteqarnermi sanaartukkanut 60 meterimik ungasissuseqassammata.

Taassuma saniatigut illuaqqat sanaartorneqarnerini imminnut minnerpaamik 60 meterimik ungasissuseqassapput.

Angalanermut pilersuinermilu atortut

Immikkoortuni atortunut sanaartukkanullu atatillugu puttasunik, aqqusinernik, aqqutinik angallavissanik imaluunniit pisuinnaat aqqutissaanik pilersitsisoqarsinnaavoq. Immikkoortuni ataasiakkaani teknikkikkut pilersuinermi atortut, taassuma ataaniittut innaallagissamut, imermut, oqarasuaatikkut kuuffissualersorneqarnerinullu atortut sanaartorneqarsinnaapput. Imermik tarajuunngitsumik katersinernut imikunullu kuutsitsinerit aamma nukissamik pilersuinerit annertunerusut Naalakkersuisunit akuersissutigineqaqqaarlutik atortunik pilersitsisoqarsinnaavoq.