Teknikkikkut atortuutit

Imermik pilersorneqarneq.

Imermik pilersuineq nunaqarfiup kangiatungaani tatsimit imeqarfiusumit aallaaveqartumik Nukissiorfiit imermik pilersuisuupput, tassanngaaniit pilersuisinnaanermut periarfissalerujussuuvoq.

Innaallagissamik pilersorneqarneq

Nukissiorfiit innaallagissamik pilersuisuupput.

Kangaamiut innaallagissiuummit diesel-tortumit innnaallagissamik pilersorneqarpoq. Innaallagissiuummik anorisaaammik pilersitsinissamut periarfissaqarpoq, taamaalilluni nunaqarfimmut innaallagissamut nukimmik ataavartumik pilersuisoqarsinnaalluni, kisianni taamaattumik pilersitsinissamut maannakkut pilersaaruteqanngilaq.

Kuuffissuit

Kuuffissuarniit kuutsitsinissaq kommunip suliassarivaa.

Illut katillugit 160-it anartarfilerisarnermut nalunaaqqapput, taakku anartarfilerivimmiit nakkaatitsivik atorlugu imaanut kuutsinneqartarput. Illumiit imikut illullu qalianiit imeq kuuttoq nunamut kuutsinneqartarput.

Immikkut suliniutitut utoqqaat angerlarsimaffiat imikumut toqqaannartumik kuutsitsivimmut atassusigaavoq.

Eqqagassat

Eqqagassalerisarneq kommunip suliassarivaa.

Eqqagassat ikuallaaveeqqami ikuallanneqartarput. Eqqagassanik immikkoortiterisarneq killeqarpoq. Ikuallaavimmiit arsakut atortullu ikuallassinnaanngitsut eqqaavissuup kissartunut atassummik inissisimasumiittumut immikkoortillugit inissinneqartarput.

Eqqakkat ManiitsumutSisimiunulluunniit assartorneqarsinnaanersut eqqarsaatersuutaavoq. Taakkunani ikuallaavinni kiassaateqarfimmut atassuteqartuni ikuallanneqarsinnaapput. Taanna eqqagassalerinermik avatangiisinik ajoqusiinnginnerusunik tunisisarneruvoq.

Tele

Tele-p napparutaa nunaqarfiup qulaani qaqqami inissisimavoq. Napparutip eqqaani tikitsaaliukkanik peqarpoq.