Nunaqarfiup aaqqissuussaanera

Nunaqarfiup qiterpasissua umiarsualivimmut atassuteqarpoq, tamatumani ilaatigut Pilersuisoq (niuertoq), allakkerivik, oqaluffik, kiffartuussivik katersugaasivissarlu inissisimallutik.

Nunaqarfik, nunaqarfinnit qaninnerpaamiit ungasimmat, umiatsiat minnerit orserniarlutik niiuerniarlutillu aqqusaartuartarpaat.

Takornarissanik ilaqarluni talinneq, pisiniarfinni isertitaqarnerulernermik kinguneqartarpoq. Umiatsiat nunaqarfiup orsersortarfiani automatitalimmi orsersinnaanerat periarfissaqarpoq.

Kangaamiut marloqiusaavoq, aappaa ikuallaaviup tungaanut avannamut kimmut sammisumi aappaalu kujammut kangimut sammisumiilluni. Tassani pisariaqassappat inissianut nutaanut inissaqarluarpoq. Inissianut 30 – 40-nut suli inissaqartoq nalilerneqarpoq.

Inissiat amerlanertigut ilaqutariinnut ataatsinut inissiaapput, uiguleriiaat arlallit illullu affarleriit. Taakku saniatigut nunaqarfiup qeqqata ilaani arlalinnik inissiaqarpoq, tassaniilluni nunaqarfimmi quleriiaanik inissialiatuarsuaq. Namminersorlutik Oqartussat illuutigisaat ullumikkut nutarterneqarnissamut pisariaqartitsisoq.

Innuttaasut nikerarnissaattut naatsorsuutigisat paasinarsisippaat, najugaqarfinnut nutaanut nunaminertanik immikkoortitsinissamut pisariaqartitsisoqanngitsoq. Illuatungaatigulli naatsorsuutaavoq, inissiani sanaartukkani nutaanngilisuni iluarsartuussisoqarnissaa pisariaqassasoq.

Kangaamiuni inuussutissarsiutinut immikkoortunik pingasunik immikkoortitsisoqarnikuvoq: oqaluffiup akiani, aalisakkeriviup tunitsiviullu inissisimaffigisaani qeqertami ataaseq, ataaserlu ikuallaaviup eqqaavissuullu inissisimaffigisaani kingullerlu imeqarfiup eqqaani imeqarfiup illutaata inissisimaffigisaani inissisimalluni.

Nunaqarfik amminik saanernillu eqqumiitsuliornermut ilisimaneqarluarpoq, taakku nunaqarfimmi kommunimilu sumiiffinni assigiingitsuni tuniniarneqartarput.