Oqaatigineqareersutut innuttaasut 1999-imiit 2011-ip tungaanut misissuinerit ineriartornerata, 2024-imi innuttaasut 671-iunissaat takutippaat.
Innuttaasut katitigaanerat immikkuullarissuummat, tassungalu mittarfiunera peqqutaanera Maluginiaqquneqassaaq. Taamaattumik kisitsisit ilimasaarutituinnaq isigineqassallutik. Oqaatigineqareersutut suliffissaqartitsineq qaffakkiartorsinaallunilu appariartorsinnaammat, taassumalu kingunerisaanik innuttaasoqarnikkut kisitsisit annertuumik nikerarsinnaallutik.
Innutaasut amerliartornerisa paasinarsitippaa, Kangerlussuarmi innuttaasunik kiffartuussinerup naleqqussarneqarnissaa aaqqissorneqarnissaalu pisariaqartinneqartoq
Meeraaqqerivik/meeqqerivik/akuleriisitsilluni meeqqerivik.
Illoqarfimmi kujataaniittumi meeqqerivik piusoq inissisimavoq, tassanilu meeqqanut 62-inut inissaqartitsilluni.
Meeqqerivik pioreersoq, unnukkut atuartitsinermi marralerinermut atortut nuunneqarnerisigut, inimik ataatsimik allineqarsinnaavoq.
Meeqqerivimmut nunaminertaq immikkoortinneqartumi pioreersumi, ineriartornerup paasinarsisitap inissaqarneranik naatsorsuuteqartitsivoq.
Meeqqat atuarfiat
Atuarfimmi pioreersumi meeqqat katillugit 82-it inissaqartinneqarput. Innuttaasut annertusiartornerisa atuartitsinissamut pigineqartut naammannissaat naatsorsuutigineqarpoq
Inuusuttunut neqeroorutit
Illoqarfimmi inuusuttut amerlassusaannut apeqqutaavoq efterskolemik ingerlatsisoqaqqissanersoq, aammalu meeqqat atuarfianiit inuusuttut ilinniarfiinnut ingerlaqqittassanersut apeqqutaalluni.
Utoqqarnut inissiat/plejecenter/utoqqaat angerlarsimaffiat
Kommunip sinneratuulli Kangerlussuarmi utoqqaat amerliartorput. Taamaattumik siunissami utoqqarnut najugaqarfissat pisariaqartinneqassapput, taamaalillutik utoqqaat Kalaallit Nunaaniiginnarusuttut nammineernerusinnaassallutik, aammalu sivisunerusumik najukkaminiissinnaassallutik.
Efterskole
Sakkutooqarfimmi suli atorneqanngitsunik illorsuaqarpoq, siusinnerusukkut efterskolitut atorneqarsimasumik. 2011-miit efterskole Maniitsumut nuunneqarpoq. Efterskolemik ingerlatseqqinnissamik suli periarfissaqarpoq.
Nunat assigiinngitsut akornanni ilisimatuunngorniat ilinniarfiat
2011-mi KISS-imut atatillugu Kangerlussuarmi ilisimatuunngornianut aasaanerani ilinniarfimmik pilersitsisoqarpoq, tassani aasaanerani ilinniartut 30-it – pingaarnertut Kalaallit Nunaaniit, Danmarkimiit USA-miillu- ilinniartarlutik. Ilinniartut ilisimatusarluni misissuisarfinni ilinniartut peqataatinneqartarlutik.
Aallaavittut Kangerlussuaq kommunimi sunngiffimmi sammisaqarnissamut periarfissarneqarnerpaavoq, tassanilu sakkutooqarfiusimanera peqqutaavoq. Kangerlussuarmi timersortarfeqarpoq, naluttarfeqarpoq, golfertarfeqarpoq aammalu iporsuuttartunut klubbeqarluni il.il.. Sammisaqartitsinissamut nutaanik sanaartornissamut nunaminertanik immikkoortitsinissamik pisariaqannginneranik naliliineqarpoq.
Ikaartarfiup kujataata-kangisissuani iliveqarfik pilersinneqaleruttorpoq, taannalu pilersaarusiorfiup iluani pisariaqartitamik naammalluni.
