Sisimiut

Najugaqarfiit

Akuleriinnik inissiaqarfik

Imm. 1 Nalinginnaasumik atorneqarnera: Inissiaqarfik Imm. 2 Immikkut atorneqarnera: Inissiaqarfimmi inissiat assigiinngitsut Imm. 3 Immikkoortup ilaa A30 ilaqutariinnut ataatsinut illunut ataatsimik affarmillu quleriilinnut aammalu pukkitsumik qanittumik inissianik sanaartukkanik ataatsimik affarmillu - marlunnik quleriilinnut atorneqarsinnaavoq. Imm. 4 Immikkoortup ilaata A20 ilaa ilaqutariinnut ataatsinut ataatsimik affarmillu quleriilinnut atorneqarsinnaavoq.

Imm. 1 Immikkoortut ilai massakkut pinngortitami inissisimapput, illoqarfimmi inissianit meeqqerivimmillu ungaluneqarsimalluni. Imm. 2 Immikkoortoq A20-mi kuuffissuit suliarineqareerput

Imm. 1 Immikkoortup ilaani A30-mi ilaqutariinnut ataatsinut illunik ataatsimik affarmillu quleriilinnik aamma najugaqarfissianik pukkitsunik qanittunik ataatsimik affarminngaanniit marlunnik quleriilinnut inissianik sanaartorneq katillugit quleriaanut 7695 m2-inut sanaartornissamut periarfissamik qulakkeerinnittoqarpoq. Inissianik sanaartornermi inissiat katillugit 59-upput. Imm. 2 Immikkoortup ilaani A20-mi ilaqutariinnut ataatsinut illunik ataatsimik affarmillu quleriilinnik sanaartorneq katillugit quleriaanut 675 m2-inut sanaartornissamut periarfissamik qulakkeerinnittoqarpoq Inissianik sanaartornermi inissiat katillugit pingasuupput. Imm. 2. Killiliussat qulaani taaneqartut sanaartorfigineqareerpata, immikkoortup sinnera tamakkerluni atorneqareersutut isigineqassaaq.

Imm. 1 Immikkoortup ilaanut A30-mut aqqusinikkut appakaaffissaq aqqusinermit A-A-mit, Emiliap Aqqutaanit Anguteeqqap Aqqutaaniillu pissaaq. Imm. 2 Immikkoortup ilaanut A20-mut aqqusinikkut appakaaffissaq Anguteeqqap Aqqutaanit Sethip Aqqutaaniillu pissaaq. Imm. 3 Illut nutaat innaallagissamik, imermik kuuffissuarmillu pilersorneqassapput, eqqagassalerinermullu maleruagassat naapertorlugit eqqagassanik katersisarnermut nalunaartoqassaaq.

Imm. 1 Immikkoortut ilaanni illunik eqqissisimatitanik eriagisassanillu peqanngilaq.

Imm. 1 immikkoortup ilaa A30 qutsissuseq 58-ip tungaani inissisimavoq. Angallannermut Aqutsisoqarfimmit immikkoortoq A30-mi qutsissutsip 65-ip tungaanut sanaartortoqarsinnaaneranik immikkut akuersissummik nalunaarutigineqarpoq. Imm. 2 Immikkoortup ilaa A20 qutsissuseq 45 tungaani inissisimavoq. Tassani ilaqutariinnut ataatsinut illunut ataatsimik affarmillu quleriilinnut annerpaamillu 8 meterinik portutigisunik sanaartortoqartussaalluni, tassani portussuseq 55,5 m pallinneqaqqusaanngitsup ataani sanaartortoqassalluni