Sisimiut

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Immikkoortoq B2 umiarsualiveqarfinnut aalajangersakkanut atuuttunut innersuussilluni umiarsualiveqarnermut siunertalinnut atorneqassasoq aalajangersarneqarpoq.

Sanaartukkat portussusaat nunap portunersaani toqqavik sinerlugu illup qimerluanut uuttorneqassapput. 3.1 Illut portussusaat 27 m-imit portunerussanngillat. Illut atortulersuutaat ataasiakkaat soorlu pujoorfiit immikkut akuersissuteqarluni portussusissatut nalunaarneqartumit portunerusinnaapput. Immikkut akuersissutit Qeqqata Kommunianut qinnutigineqarsinnaapput, mikkiartorfiulli killeqarfianut malittarisassat malinneqassallutik. 3.2. Umiarsualivimmik ingerlatsinermut kranit 40 m. tikillugu portussuseqarsinnaapput umiarsualivimmilu taamaallaat atorneqassallutik. Immikkoortumi nutaanik sanaartornermi kranit portussusissaatut killilersuinermut atuutinngilaq. Kangerluarsunnguup avannaatungaani kraninik atuinerit tamarmik, kraninik inissiinissamut sapaatit akunneri marluk sioqqullugit Teknikkeqarnermut Avatangiisinullu nalunaarutigineqassapput. 3.3 Qullersuit portunerpaamik 30 m portussuseqassapput. Qaamaneri assiaquteqassapput nakkutigineqarlutillu, taamaalilluni eqqaamiorisanik qaammaqqutaanatik aammalu angallattunut umiarsuarnullu akornusersuutaanatik.

Immikkuualuttuni tullinnguuttuni sanaartorfissanik immikkoortitsisoqassaaq: 800-B2.1.c 800-B2.1.d Inissisimanermut annertussutsimullu annertunerusumik paasisaqarniarlutit immikkuualuttunut sumiiffinni pilersaarut attuumassutilik takuuk. Nunaminertat taaneqartut sanaartorfigineqareerpata immikkoortup ilaa tamakkiisumik sanaartorfiusimasutut isigineqassaaq, suliffeqarfinnilu pioreersuni annikinnerusumik alliliinernik taamaallaat sanaartortoqarsinnaalissalluni.

7.1 Immikkoortup ilaata immikkoortortaanut appakaannissaq sumiiffimmi pilersaarutini aalajangersarneqarpoq. 7.2. Sanaartukkat nutaat innaallagissamut, imermut kuuffissuarmullu attavilerneqassapput, eqqagassalerinermullu maleruaqqusaq malillugu pisortat eqqagassanik katersititsisarnerannut ilanngunneqassallutik. Illu kuuffissuarmut attavilersinneqarsinnaassaanngippat, igaffimmit anartarfinniillu imikumik katersuisarnissamut tankimik pilersitsisoqassaaq. Immikkoortuni periarfissaatillugu avataanit kiassarnermut attavilerneqassapput.

6.1 Killissaq taanna portussuseq 55,5-imit qummut akornusersuuteqanngitsumik tukimut isigisinnaanissatut immikkoortitaavoq. Kangerluarsunnguup kujataatungaani immikkuualuttoq nalinginnaasumik immikkut akuersissuteqarfiusumut ilaavoq. Toqqaviit portussusermit 55,5-imit portunerusumik inissisimasuni nalinginnaasumik qaqqap portussusaanit 15 -imit portunerusumik sanaartortoqarsinnaavoq. Taamaattorli portussuseq 101 m-mik portunerpaasinnaapput. 6.2 Tassunga umiarsualivinni malittarisassat pillugit Namminersornerullutik Oqartussat nalunaarutaat nr. 1, 4. januar 2000-imeersoq atuuppoq. Umiarsualivimmi atortulersuutinik alliliinerni immikkoortoq alliliinermut naleqqussarlugu allanngortinneqarnissaa naatsorsuutigineqarpoq.