Sisimiut

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Immikkoortut suliniuteqarfiit. Immikkoortoq suliniuteqarfiusoq tassaavoq nunaminertaq sanaartorfissanik aalajangersaaffiunngitsoq imaluunniit sumiiiffimmi pilersaarusiornermi sukumiinerusumik aalajangersaaffiunngitsoq. Nunaminertanut taakkununnga kikkulluunniit CVR-normoqartut immikkoortumut suliniummik kommunalbestyrelsimut nassiussaqarsinnaapput.

Sanaartukkat portussusaat nunap portunersaani toqqavik sinerlugu illup qimerluanut uuttorneqassapput. 3.1 Illut portussusaat 27 m-imit portunerussanngillat. Illut atortulersuutaat ataasiakkaat soorlu pujoorfiit immikkut akuersissuteqarluni portussusissatut nalunaarneqartumit portunerusinnaapput. Immikkut akuersissutit Qeqqata Kommunianut qinnutigineqarsinnaapput, mikkiartorfiulli killeqarfianut malittarisassat malinneqassallutik. 3.2. Umiarsualivimmik ingerlatsinermut kranit 40 m. tikillugu portussuseqarsinnaapput umiarsualivimmilu taamaallaat atorneqassallutik. Immikkoortumi nutaanik sanaartornermi kranit portussusissaatut killilersuinermut atuutinngilaq. Kangerluarsunnguup avannaatungaani kraninik atuinerit tamarmik, kraninik inissiinissamut sapaatit akunneri marluk sioqqullugit Teknikkeqarnermut Avatangiisinullu nalunaarutigineqassapput. 3.3 Qullersuit portunerpaamik 30 m portussuseqassapput. Qaamaneri assiaquteqassapput nakkutigineqarlutillu, taamaalilluni eqqaamiorisanik qaammaqqutaanatik aammalu angallattunut umiarsuarnullu akornusersuutaanatik.

7.1 Immikkoortup ilaata immikkoortortaanut appakaannissaq sumiiffimmi pilersaarutini aalajangersarneqarpoq. 7.2. Sanaartukkat nutaat innaallagissamut, imermut kuuffissuarmullu attavilerneqassapput, eqqagassalerinermullu maleruaqqusaq malillugu pisortat eqqagassanik katersititsisarnerannut ilanngunneqassallutik. Illu kuuffissuarmut attavilersinneqarsinnaassaanngippat, igaffimmit anartarfinniillu imikumik katersuisarnissamut tankimik pilersitsisoqassaaq. Immikkoortuni periarfissaatillugu avataanit kiassarnermut attavilerneqassapput.

6.1 Killissaq taanna portussuseq 55,5-imit qummut akornusersuuteqanngitsumik tukimut isigisinnaanissatut immikkoortitaavoq. Kangerluarsunnguup kujataatungaani immikkuualuttoq nalinginnaasumik immikkut akuersissuteqarfiusumut ilaavoq. Toqqaviit portussusermit 55,5-imit portunerusumik inissisimasuni nalinginnaasumik qaqqap portussusaanit 15 -imit portunerusumik sanaartortoqarsinnaavoq. Taamaattorli portussuseq 101 m-mik portunerpaasinnaapput. 6.2 Tassunga umiarsualivinni malittarisassat pillugit Namminersornerullutik Oqartussat nalunaarutaat nr. 1, 4. januar 2000-imeersoq atuuppoq. Umiarsualivimmi atortulersuutinik alliliinerni immikkoortoq alliliinermut naleqqussarlugu allanngortinneqarnissaa naatsorsuutigineqarpoq.

Suliniuteqarluni qinnuteqaatit Teknikkeqarnermut Avatangiisinullu maili plan@qeqqata.gl atorlugu nassiunneqassapput. 11.1. Suliniuteqarluni qinnuteqaatit CVRnormumik nalunaarsorsimassapput. 11.2. Suliniummik qinnuteqartup pilersaarut teknikkitigut aningaasatigullu pilersinneqarsinnaanera uppernarsaateqartissinnaassavaa. 11.3. Suliniutitut qinnuteqaatit Kommunalbestyrelsimit qaqugukkulluunniit itigartinneqarsinnaapput, qulaani taaneqartoq apeqqutaatinnagu.