Sisimiut

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Immikkoortuup ilaa C24 unnuisarfittut atortulersuutinut atorneqassaq, taakku tassaassapput takornarissanut illuaqqat/ pisuttuartunut unnuisarfiit aamma unnuisarfik sammisassanik ilaqartoq soorlu ataatsimiittarfiit, neriniartarfik, cafè, tammajuitsussanik pisiniarfik il.il.

Imm. 5. Immikkuualuttoq C24.1-imi quleriit pingasut tikillugit portutigisumik unnuisarfimmik nutaamik sanaartortoqarsinnaavoq. Imm. 6. Immikkuualuttumi C24.2-mi unnuisarfittut atortulersuutinik, ataatsimik quleriilimmik illuaqqanik kisimiittunik kiisalu illunik kiffartuussivimmik sanaartortoqarsinnaavoq. Imm. 7. Ammasumik pukkitsunik nutaanik inissiatut sanaartukkat, toqqavimmiit illut qaavi tikillugit uuttorlugu 8,5 m portussuseq sinnersimassanngilaat. Imm. 8. Qanittumik pukkitsunik nutaanik inissiatut sanaartukkat, toqqavimmiit illut qaavi tikiullugit uuttorlugu 10 m portussuseq sinnersimassanngilaat. Imm. 9. Inissiat quleriaat nutaat sanaartukkat, nunamiit illut qaavi tikillugit uuttorlugu 15 m portussuseq sinnersimassanngilaat. Imm. 11. Immikkuualuttumi C24.1-imi sanaartukkat nutaat, nunamiit illut qaavi tikillugit uuttorlugu 15 m sinnersimassanngilaat. Imm. 12. Immikkoortumi C24.2-mi sanaartukkat nutaat, toqqavimmiit illut qaavi tikillugit uuttorlugu 6 m sinnersimassanngilaat.

Immikkoortumi C24-mi sanaartukkanik nutaanik katillugit 6000 m2 tikillugit quleriaani annertussuseqartunik sanaartortoqarsinnaavoq.

Imm. 1. Immikkoortoq pilersaarusiorfigineqartoq Bolethep Aqq.-ta ilassutaa atorlugu aqqusinilerneqassaaq immikkuualuttunut ataasiakkaanut aqqusineeqqanik ilaqartumik. Imm. 2. Immikkoortut ilaanni immikkortut teknikkikkut pilersornerannut atortulersuutinik mikinerusunik pilersitsisoqarsinnaavoq. Imm. 3. Immikkoortumi qinngorpasinnerusumut bussit ingerlaarfiata tallineqarnissaa naatsorsuutigalugu bussinut kaajallattarfiannik pilersitsinissamut periarfissaqarpoq.

Imm. 1. Immikkoortut ilaanni illunik eriagisanik eqqissisimatitaniluunniit peqanngilaq. Imm. 3. Nunamik suliaqarnermut atatillugu sulinerup ingerlanerani qangarnisanik eriagisassanik saqqummersoqarpat, Sisimiuni Katersugasivik aamma Nunatta Katersugaasivia saaffiginneqassapput.

Imm. 1. Sumiiffinnik immikkut piumasaqaateqarfiusunik Mittarfiup qanittuani narsarartanik akornusersugassaanngitsunik ilanngussisoqarnikuuvoq, ilaatigut narsarartamik manissumik portussutsimik 55-imik aamma narsarartamik ulamersumik portussutsimik 115-imik aallartiffeqartunik peqarpoq, ilaatigullu mittarfiup avataani timmisartut mikkiartornerini tinginerinilu narsarartanik peqarlunni. Imm. 2. Immikkoortut ilaanni nunap qaavaniit portunerpaamik 15 m (taamaattorli portunerpaamik portussuseq 101) portussusilinnik sanaartortoqarsinnaavoq.

Immikkoortup ilaa 800-C24 immikkuualuttunik marlunnik C24.1-imik aamma C24.2-mik ilaqarpoq. Immikkuualuttuni marluusuni immikkoortut suliniuteqarfigineqartut (4-5) atugassiissutigineqarput. Immikkoortup ilaa katillugu 76.227 m2 missaani annertussuseqarpoq.

Immikkoortut suliniuteqarfiusut (1-5) tamarmik immikkut sanaartortitsisumit ataatsimit imaluunniit piginneqatigiilluni illuutileqatigiinnit imaluunniit piginneqatigiit peqatigiiffiannit sanaartorfigissarneqassapput, tamatuma saniatigut immikkoortut suliniuteqarfiusut killeqarfiisa iluini aqqusinernik aserfallatsaaliinerit aputaajaanerillu namminneq isumagisassavaat.