Nunaannaq (Det aabne land)

Sammisassaqartitsivissatut pingaaruteqartut

Imm. 1. Immikkoortoq takornarialerinermut atatillugu, matumani sisorarluni timersornermut atortulersuutinut, takornarissanut illuaqqanut, tammaarsimaartarfinnut, hotelinut, pisuinnaat aqqutaannut, timersornermi sunngiffimmilu sammisassanut atatillugu sanaartornernut pingaarnertut atorneqassaaq. Imm. 2. Immikkoortoq takornarialerinermi siunertalinnut illuaraqarfittut, takornarialerinermilu siunertalinnut nunamik immikkut atuisinnaanermut akuersissuteqarluni hoteliliornissamut illuaraqarfiliornissamullu atorneqarsinnaavoq. Imm. 3. Periarfissanngorlugu immikkoortumut pilersaarusiortoqarsimatinnagu, illuaqqat piniariartarfiit, sunngiffimmi illuaqqat, illuaqqat oqquisarfiillu inuinnarnit pigisassat pilersinneqarsinnaanngillat. Imm. 1. Sumiiffiit immikkut sukisaarsaartarfittut atorneqartut.

Imm. 1. Immikkoortup ilaa ullumikkut inuilaatut pinngortitatut inissisimavoq. Imm. 2. Immikkoortup ilaani Sisimiuni Erngup nukinga atorlugu nukissiorfik aamma Tasersuaq erngup nukinganut nukissiorfimmut tasiusoq ilaapput, aammalu immikkoortup ilaata ilangaatsiaani erngup nukinganut nukissiorfimmut tasiusumut siallernerani kuuffiusuuvoq. Erngup nukinga atorlugu nukissiorfimmut atatillugu umiarsuaaqqanut talittarfik, erngup nukinga atorlugu nukissiorfimmiit erngup nukinga atorlugu nukissiorfimmut tatsip tungaanut aqqusineq pilersinneqarnikuupput, tassani imermik pilersuivik pilersinneqarnikuullluni. Erngup nukinga atorlugu nukissiorfimmiit Sisimiunut innaallagissamik pilersuinermut aqqutinik 60 kv-mik pilersitsisoqarnikuuvoq. Imm. 3. Immikkoortup ilaani illuaraqarfik 957-K1 inissisimareerpoq. Imm. 4. Immikkoortup ilaa Sisimiuni innuttaasunit piniariartarfittut atorneqartarpoq. Imm. 5 Illuaqqat pioreersut nunap assingatigut takussuserneqartut, paasissutissat pigineqartut malillugit sapinngisamik pitsaanerpaamik takussuserniarneqarput. Sanaartugassanik nutaanik pilersaarusiortoqartinnagu, inissisimavia iluamik paasiniarneqaqqaassaaq.

Imm. 1. Immikkoortup ilaani 957-L5.2 iluani majuartaateqarfinnut atatillugu illunik sullissivinnik sanaartortoqarsinnaavoq, katillugu sanaartukkat 1200 m2 sananeqarsinnaapput. Imm. 2. Immikkoortup ilaata 957-L5.2 aamma 957-L5.3 iluani takornarialerinermut sulianut tapertaasussat illut 100 m2-mik annertutigisut tallimat tikillugit pilersinneqarsinnaapput, taakku atortunut inissiivittut aamma oqquisarfittut il.il. atorneqarsinnaapput, katillugit 500 m2.

Imm. 1. Siuliani taaneqarluni katillugit 1700 m2-i sanaartorneqarfigineqarsinnaasoq tamakkerneqaruni, immikkoortoq tamakkiisumik sanaartorfiusimasutut isigineqassaaq.

Imm. 1. Aqqusineqartitaaneq periarfissatigut tullinnguututigut pissaaq: Immikkoortup ilaani 957-K100-mi talittarfimmik pilersinneqarnikuusoq aqqusaarlugu, tassani umiarsuit pajuttaatit, umiarsuit takornariartaatit, umiatsiat angalasunut ilaasartaatit, sunngiffimmi angalasunut umiatsiaaqqanullu taliffiusinnaasoq. Sisimiuniit qaqqakkut ukiuunerani qimussinut aqqut pilersinneqarnikuusoq aqqusaarlugu. Takornarissanut centerimi qulimiguulinnut mittarfeeraq aqqusaarlugu qulimiguulimmik timmisartorluni. Imm. 3. Immikkoortup ilaani 957-L5.2-imi illut majuartaatillu erngup nukinga atorlugu nukissiuutinik nukissiuutinilluunniit ataavartunik innaallagissatigut pilersorneqarlutik ingerlanneqassapput. Aallartisarnermi ukiut qulit ingerlanerini innaallagissamut pilersuinermut innaallagissiuutit dieselimik ingerlatillit atorneqarsinnaassapput. Imm. 4. Immikkoortup ilaani 957-L5.2 aamma 957-L5.3 oqquinermut il.il. illut innaallagissiuumit sarfamik pilersorneqassapput. Imm. 5. Qeqqata Kommunianut eqqagassalerinermut maleruaqqusamut naapertuuttumik eqqagassalerinermik systemeqarnissaq ingerlalluartoq qulakkeerneqassaaq. Imm. 6. Inatsisit atuuttut naapertorlugit avatangiisinut illersorneqarsinnaasunik pilersuutit ikkussuunneqarnissaat qulakkeerneqassaaq. Imm. 7. Perusuersartarfinnit imikoq imermilluunniit mingunnikumik nunamut kuutsitsisoqaqqusaanngilaq. Imermik mingunnikumik katersuinissamut issunngortitsisinnaasunilluunniit aaqqiissutissanik pilersitsisoqassaaq. Imm. 8. Taamaattorli illuaqqanit oqquisarfinnut atatillugu imermik mingunnikumik nunamut kuutsitsinissaq akuersissutigineqarsinnaavoq.

Imm. 1. Innaallagissamut pilersuinermut aqqutit ingerlaaffiattut pilersitaasup 60 kv sanaartukkallu akornanni isumannaallisaanikkut tikitsaaliukkamik 15 m peqassaaq, taanna innaallagissamut pilersuinermut aqqutit isorpiaannit uuttorneqassaaq. Taamaalilluni katillugu ingerlaarfik 36 m nerututigisoq immikkoortinneqassaaq.

Kommunip pilersaarusiorfigineqarneranut 23-11-2018 nut tapiliussakkut ulloq 55 imi akuersissutigineqarpoq Qeqqata Kommuniata 2012-imiit 2024 tikillugu Kommunip pilersaarusiorfigineqarnera

Imm. 1. Sanaartukkat atuilluartuunissaq aallaavigalugu sanaartornissaat, mingutsitsissutaassannginnissaallu piumasaqaataavoq. Imm. 1. Immikkoortup ilaa 957-L5 390 km2 missaanik annertussuseqarpoq, nunamillu atuisinnaanermut immikkut akuersissuteqarfiit 205 km2-mik annertussuseqarlutik. Imm. 2. Immikkoortup ilaa immikkuualuttunut tulliuttutut agguataarneqarpoq: Immikkoortup ilaa 957-L5.1 nunamik immikkut atuisinnaanermut akuersissuteqarfiussanngilaq. Immikkoortuni 957-L5.2 aamma L5.3-imi nunamik atuisinnaanermik immikkut akuersissutaatillit, takornarialerisut allat peqatigalugit ukiuni 20-ni nunaminertanut atuisinnaanerat qularnaarneqarpoq. Aqqutikitsumi Nunamik immikkut atuisinnaanermut akuersissuteqarfik 957-L5.2. Ungalliup Qaqqaanni Nunamik atuisinnaanermik immikkut akuersissuteqarfik 957-L5.3 - tassani illuaqqat oqquisarfiit il.il. saniatigut teknikkikkut atortulersuutit sanaartukkalluunniit pilersinneqassanngillat Imm. 3. 957-L5.1 aamma 957-L5.2 iluanniipput immikkoortut ilaat 957-N1 aamma N2, kiisalu N8 aamma N9. Taakku immikkoortumi namminermi suliarineqarput. Imm. 4. 957-L5.1 iluanniippoq 957-K1, taanna annertunerusumik suliarineqanngilaq, immikkuualuttutut aggulunneqarnissaa pilersaarutaareermat. Imm. 5. 957-L5.2 iluaniipput 957-K90, K91, K92, kiisalu K100. Taakku immikkoortumi namminermi suliarineqarput. Imm. 6 Immikkut akuersissutit neqeroorutiginerini 957-L5.2 aamma L5.3, immikkoortullu iluini immikkoortut ilaat sanaartukkallu pilersinneqarsinnaasut ilanngullugit neqeroorutigineqassapput. Imm. 7 Immikkoortut 957-L5.2-p aamma L5.3-ip iluani ataatsimut imaluunniit 957-L5.2 kisiat, kisianni 957-L5.3 kisimiitinnagu takornarissanut immikkut akuersissutigineqassaaq.