Nunaannaq (Det aabne land)

Nersutaateqarfiit naatitsiveqarfiillu

a) Immikkoortup pingaarnertut atorneqarnissaa sanaartornissanut, atortulersuutinut aammalu savaateqarnernut, nunaateqarnermut, naatsiiveqarnernut, orpippassuarnut, qeqertanut qimmilivinnut il.il. nunaminertanillu toqqaannartumik atuinissanut attuumassutilinnut nunaminertat atorneqarnissaannut immikkoortitaavoq. b) Immikkoortoq a-mi taaneqartutut inuutissarsiuutinik allanik pilersitsisoqarsinnaanngilaq. c) Suliffeqarfimmut inuutissarsiorfiusumut attuumassutilimmik ukioq kaajallallugu najugassiamik illumik pilersitsisoqarsinnaavoq. d) Sunngiffimmi illuaqqanik, aasarsiortarfinnik illuaqqanillu piniariartarfinnik oqquisarfinnillu killilimmik pilersitsisoqarsinnaavoq, taakku amerlassusaasa immikkoortup pingaarnertut atorneqarneranut allannguinngippata. e) Illuaqqamut attuumassutilinnik panersiivinnik, pujoorivinnik, naatsiivinnik atortunilu assigisaannik minnerusunik pilersitsisoqarsinnaavoq, taakku annertussusaasa immikkoortup pingaarnertut atorneqarneranut allannguinngippata.

Sanaartukkat atortullu, tak. nr. 1a, illuaqqamut qaninnerpaamik sanaartukkanulluunniit allanut minnerpaamik 60 meterinik ungasissusilerlugit sananeqassapput. Illuaqqat illuaqqamit qaninnermit sanaartukkanilluunniit allanit minnerpaamik 60 meterinik ungasissusilerlugit sananeqassapput.

Immikkoortumut puttasumik imaluunniit umiarsualiveqarnermut atortunik allanik pilersitsisoqarsinnaavoq. b) Sanaartukkanut, atortunut nunaminertanillu atuinermut attuumassutilinnik aqqusinernik, angallavissanik pisuinnarnulluunniit aqqutinik pilersitsisoqarsinnaavoq. c) Immikkoortup innaallagissamik, imermik, kiassarnermik kuuffissuaqarnermillu pilersorneqarnissaanut teknikkikkut atortunik pilersitsisoqarsinnaavoq. Imermik tarajuusumik iminngortitsinissamut imikumillu kuutsitsinissamut kiisalu nukimmik pilersuinissamut atortunik annertunerusunik pilersitsisinnaaneq, taamaallaat Naalakkersuisut akuersissuteqarnerisigut pisinnaavoq. d) Illuaqqamut atatillugu innaallagissamik, imermik kiassarnermillu pilersuinissamut, generatorinik aamma seqerngup nukinga atorlugu nukissiuutinik imaluunniit teknikkikkut atortulersuutinik allanik minnerusunik pilersitsisoqarsinnaavoq.

Kommunip pilersaarusiorfigineqarneranut 28-02-2019