Nunaannaq (Det aabne land)

Immikkoortut sanaartorfigeqqusaanngitsut

Imm. 1. Immikkoortup ilaani tammajuitsussarsititsiniarluni piniartitsinissamut akuersissutinik neqerooruteqartoqarsinnaavoq. Akuersissuteqarluni tammajuitsussarsisitsiniarfigineqarnissaa, allatigut inatsisinik unioqqutitsinerunngitsumik ingerlatsivigineqarnissaanut akornutissaqanngilaq. Ilaatigut tullinnguuttut pineqarput: - Misigisassaqartitsiniarluni Takornarialerinermik ingerlatsineq. - Pisuttuarnerit/takornariartitsineq - Piniarneq aalisarnerlu - Ungoorilluni piniarneq Imm. 2. Nunap immikkoortortaa immikkoortitanut aqqaneq-marlunnut immikkoortitaavoq, immikkoortitallu taakku tammajuitsussarsisitsiniarluni piniariarfittut 1 – imiit 12-imut taaguuserneqarlutik. Takornarissat takornarialerisullu unnuisarfissaannik, atortuutiminnillu ilitsivigisinnaasaannik immikkoortortani tamani illuaqqiortoqarsinnaavoq, tupersimaartarfiliisoqarsinnaalluniluunniit. Immikkoortuni O3.10 - 12 taamaallaat tupersimaartarfiliisoqarsinnaavoq. Imm. 3. Illuaqqat pilersitat allatigut takornarialerinermut, soorlu misigisassarsiortitsilluni assigisaanilluunniit takornarialerinermut atatillugu atorneqarsinnaassapput, soorunami masarsoqarfiit pillugit nalunaarusiat naapertorlugit. Imm. 4. Sumi illuaqqiortoqarsinnaanersoq nunap assingani 3-mi takussuserneqarpoq. Imm. 5. Nunap immikkoortortaata inuilaarfittut isikkoqarneranut akornutaanngitsumik, piniartullu peqatigiiffiisa tamanut atugassianngugaannik illuaqqanik piniariartarfinnik annanniarfiusinnaasunillu killilimmik pilersitsisoqarsinnaavoq. Imm. 1. Inuilaarsuaq, immikkoortup tunngavittut isikkuani allanngortitsinngitsunik sammisaqartitsiviusinnaaneranik periarfissalik. Imm. 2. immikkoortumi tammajuitsussarsititsiniarluni piniartitsinissamut akuersissutinik neqerooruteqarnissamut periarfissamik pilersitsineq.

Imm. 1. Immikkoortup ilaa ullumikkut inuilaarsuuvoq, immikkoortup inuilaarfittut tamakkiisumik isigineqarneranut sunniutaanngitsunik ikittuinnarnik illuaraqarluni.

Imm. 1. Illuaqqat annerpaamik ataasiinnarmik imaluunniit ilaatigut marlunnik quleriittut sanaartorneqassapput. Imm. 2. Illuaqqat ataavartumik aserfallatsaalineqassapput, taamaalillutik avatangiisinut pisariaqanngitsumik kusanaallisaataassanatik.

Imm. 1. Tammajuitsussarsititsiniarluni piniartarfinni tamani, takornarissanik sullissinissamut immikkoortumi ataatsimi annerpaamik illuaqqanik pingasunik pilersitsisoqarsinnaavoq.

Imm. 1. Pisuinnarnut aqqusernginik kiisalu talittarfinnik pilersitsisoqarsinnaavoq. Imm. 2. Innaallagissamik, imermik kiassarnermullu atugassanik teknikkikkut atortunik annikittunik ikkussisoqarsinnaavoq, soorlu sarfaliuut kiisalu seqerngup nukinganik pilersuutit imaluunniit arlaatigut nukissamik pilersuinermi sanaartukkat, tassa illuaqqamut atassuseqartut. Imm. 3. Sanaartukkat nipiliornikkut, pujuliornikkut, tipiliornikkut, sajukulaartitsinikkut allatigulluunniit pisariaqanngitsumik avatangiisinut ajoqutaasut sanaartorneqassanngillat.

Imm. 1. Immikkoortup ilaata inuilaatut isikkua pigiinnarneqassaaq, tullinnguuttunut mingutsitsisoqassanngilaq arlaatigulluunniit ajoqusiisoqarani: - Kuuit kuussuillu. - Tatsit tatsillu tarajornittut - Masarsoqarfiit - Tuttut piaqqiorfii - Naasut nunani/immikkoortuni allani nassaassaanngitsut.

Imm. 1. Immikkoortup ilaani immikkut aalajangersaaffigineqanngilaq

Kommunip pilersaarusiorfigineqarneranut 25-09-2015 nut tapiliussakkut ulloq 7 imi akuersissutigineqarpoq Qeqqata Kommuniata 2012-imiit 2024 tikillugu Kommunip pilersaarusiorfigineqarnera

Imm. 1. Immikkoortup ilaa Kangerlussuup eqqaani inissisimavoq, nunaminertaq 90 x 90 km-it missaanik annertussuseqarpoq.