Nunaannaq (Det aabne land)

Immikkoortut sanaartorfigeqqusaanngitsut

Nuna allanngutsaalineqartoq

Imm. 1. Immikkoortup ilaani qissattaammik eqalunniartitsinissamut akuersissutinik neqerooruteqartoqarsinnaavoq. Imm. 2. Qissattartitsiniarnissamut aammalu takornarianut ataatsimoortunut allanut unnuisinnaanissamut atatillugu, immikkoortup ilaani illuaqqamik pilersitsisoqarsinnaavoq. Immikkoortup pilersaarusiorfigineqarnerata atorneqarnera: Imm. 1. Immikkoortup pilersaarusiorfigineqarnera eqalunniartitsinissamik akuersissuteqartunut atugassanngorlugu immikkoortitaavoq. Qissattartitsilluni eqalunniartitsinissamik akuersissutilinnut atorneqarnissaa, sammisaqartitsinernut allanik ingerlatitsinissamut akornutaassussaanngilaq. Ilaatigut tullinnguuttut pineqarput: Misigisassaqartitsiniarluni takornarialerinermik ingerlatsineq. Pisuttuarnerit/takornariartitsineq Piniarneq aalisarnerlu Imm. 2. Immikkoortup ilaa immikkoortunut pilersaarutinut 16-inut agguataagaavoq, akiliisitsilluni eqalunniartitsinissamut akuersissuteqarfiit 1-16-itut taagukkanut, immikkoortunit tamani qissattartitsilluni eqalunniartitsinissamut akuersissutit nalunaarutigineqarsinnaallutik. Imm. 3. Immikkoortumut pilersaarut una naapertorlugu, immikkoortuni tamani takornarissanut inuttanullu unnuisarfissatut kiisalu atortunik toqqorsivissatut illuaqqanik sanaartortoqarsinnaavoq imaluunniit tupersimaartarfiliortoqarsinnaalluni. Imm. 4. Illuaqqat allatigut takornariartitsisarnernut atorneqarsinnaassapput, soorlu misigisassarsiorluni angalaarnermut atatillugu unnuisarfittut assigisaanilluunniit. Imm. 1. Nunaannaq, immikkoortup tunngavittut isikkuani allanngortitsinngitsunik sammisaqartitsiviusinnaaneranik periarfissalik. Imm. 2. immikkoortumi eqalunniartitsinissamut akuersissutinik neqerooruteqarnissamut periarfissamik pilersitsineq.

Imm. 1. Immikkoortup ilaa ullumikkut nunaannartut isikkoqarpoq, immikkoortup nunaannartut tamakkiisumik isigineqarneranut sunniutaanngitsunik ikittuinnarnik illuaraqarluni.

Imm. 1. Illuaqqat annerpaamik ataasiinnarmik quleriittut sanaartorneqassapput, nunaminertap 1/3-iani quleriinnik marlunnik sanaartortoqarsinnaalluni. Imm. 2. Takornarissanik kiffartuussinissamut immikkoortuni akuersissuteqarfiusuni annerpaamik ataatsimoortunik illuaqqanik pingasunik sanaartortoqarsinnaavoq. Illuaqqat tamarmik immikkut 120 kvm.-isut imaluunniit illuaqqamut ataatsimut 360 kvm.-isut annertutigisunngorlugit sanaartorneqarsinnaapput. Imm. 3. Illuaqqat ataavartumik aserfallatsaaliineqassapput, taamaalillutik avatangiisinut pisariaqanngitsumik kusanaallisaataassanatik.

Imm. 1. Pilersaarummi kvm.-isut annertussusileriikkat naapertorlugit sanaartorneqarsimappata, taava pilersaarusiorfiusup initussusia tamakkiisumik sanaartorfiusimasutut isigineqassaaq.

Imm. 1. Pisuinnarnut aqqusernginik kiisalu tulattarfinnik pilersitsisoqarsinnaavoq. Imm. 2. Innaallagissamik, imermik kiassarnermullu atugassanik teknikkikkut atortunik annikittunik ikkussisoqarsinnaavoq, soorlu sarfaliuut kiisalu seqerngup nukinganik pilersuutit imaluunniit arlaatigut nukissamik pilersuinermi sanaartukkat, tassa illuaqqamut atassuteqartut. Imm. 3. Sanaartukkat nipiliornikkut, pujuliornikkut, tipiliornikkut, sajukulaartitsinikkut allatigulluunniit pisariaqanngitsumik avatangiisinut ajoqutaasut sanaartorneqassanngillat.

Imm. 1. Immikkoortup ilaata nunaannartut isikkua pigiinnarneqassaaq, tullinnguuttunut mingutsitsisoqassanngilaq arlaatigulluunniit ajoqusiisoqarani: Kuuit kuussuillu. Tatsit tatsillu tarajornittut Naasut nunani/immikkoortuni allani nassaassaanngitsut.

Imm. 1. Immikkoortup ilaani immikkut aalajangersaaffigineqanngilaq

Kommunip pilersaarusiorfigineqarneranut 28-08-2015 nut tapiliussakkut ulloq 27 imi akuersissutigineqarpoq Qeqqata Kommuniata 2012-imiit 2024 tikillugu Kommunip pilersaarusiorfigineqarnera

Imm. 1. Immikkoortut ilaat Qeqqata Kommuniani sumiiffinni assigiinngitsuni 16-ini inissisimapput.