Nunaannaq (Det aabne land)

Immikkoortut sanaartorfigeqqusaanngitsut

Imm. 1. Immikkoortumi sisorartitsilluni takornarialerinermut akuersissutinik tunniussisoqarsinnaavoq. Imm. 2. Nunaminertami akuersissuteqarfiusumi imaluunniit nunaminertanut akuersissuteqarfiusumi akuersissuteqarfiusuniluunniit arlalinni illuaqqanik/unnuisarfinnik 500 m2-imik aamma quinut sulisullu inissaannik 200 m2-inik pilersitsisoqarsinnaavoq. Imm. 3. Nunap assinga ilanngussaq 2-mi nalunaarsorneqartuniit illuaqqat/unnuisarfiit allamut inissinneqarsinnaapput, tamannalu Sisimiuni Maniitsumiluunniit nunaminertanik suliaqarfinnit isumaqatigiissuseqarnikkut pissalluni. Pisut ilaatigut illoqarfimmi nunaqarfimmiluunniit qanigisamiittumi atortulersuutit atorneqarsinnaapput. Imm. 4. Nuna 30 m2-iugaangat takornariartitsilluni sisorartitsillunilu sammisamut atatillugu misigisassarsiorfittut aamma isumannaallisaanermut atugassatut illuaqqat marluk pilersinneqarsinnaapput. Imm. 1. Immikkoortoq inuilaatut immikkoortitaavoq, nunaminertap tunngavimmigut isikkuatigut allannguutaanngitsumik sammisaqarfiusoq. Imm. 2. Takornariartitsinermut siunertanut sisorartitsillunilu takornariartitsisinnaanermut akuerissutinik tunniussaqarsinnaanermut periarfissamik pilersitsisoq.

Imm. 1. Nunaminertaq ullumikkut inuilaatut isikkoqarpoq, nunaminertap inuilaatut pingaarnertut isikkoqarneranik sunniutaanngitsunik ikittuinnarnik illuaraqarluni. Imm. 2. Kommunip pilersaarusiorneqarnerani tapiliussaq nr. 27 naapertorlugu, Erfalimmi Napiarissanilu, kuunni eqaloqarfinni marlunni timersuutigalugu aalisartitsisinnaanermut nunaminertap ilaanut akuersissuteqartoqarnikuuvoq.

Imm. 1. Pilersaarummi m2 taaneqartut sanaartorfioreerpata, sinnerata initussusaa atorneqareersutut isigineqassaaq.

Imm. 1. Innaallagissamik, imermik kissamillu kiisalu imermik mingunnikumik suliaqarnissamut teknikkikkut atortulersuutinik minnerusunik pilersitsisoqarsinnaavoq. Tassani assersuutigalugu nukissiuteeqqat kiisalu seqerngup nukinga atorlugu nukissiuutit imaluunnit nukimmik tunisassiorsinnaanermut atortulersuutit minnerusut, imermillu pilersuinissamut atortulersuutit kiisalu unnuisarfinnut illuaqqanulluunniit attuumatillugu imermik mingunnikumik suliaqarnissamut qulakkeerinittussat. Imm. 2. Atortulersuutit avatangiisinik nipimik, putsumik, tipiliornermik, sajuppilutsitsinernik allatulluunniit pisariaqanngitsumik akornusersuutissanngorlugit pilersinneqassanngillat.

Imm. 1. Nunaminertap inuilaatut isikkoqarnera allanngortinneqassanngilaq aammalu mingutsitsisoqassanngilaq imaluunniit tullinnguuttuni ajoqusiisoqassanngilaq: - Kuussinerni kuunniluunniit. - Tatsini tatsinilu tarajulinni - Naasunut assigiinngitsunut - Nunap sinnera

Imm. 1. Nunatami arlalinnik qaqqani timmissat piaqqiorfeqarput, taakkununngalu timmisartunik suluusalinnik qulimiguulinnillu qummut napparissumik sanimullu narlorissumik uuttorlugu 3000 meterinit qaninnerullugit timminissamut ungasissusiligaallutik. Kangerlunni 1000 meterinit ungasissusilinnik umiatsianik angallaviginissaannut kiisalu timmisartuaraasanik (drone) 100 meterinit qaninnerutillugit timmiffiginissaannut killiligaallutik.

Kommunip pilersaarusiorfigineqarneranut 26-10-2017 nut tapiliussakkut ulloq 30 imi akuersissutigineqarpoq Qeqqata Kommuniata 2012-imiit 2024 tikillugu Kommunip pilersaarusiorfigineqarnera

Imm. 1. Itillip kangerluaniit Maniitsoq tikillugu Maniitsup Sermersuata eqqaani immikkoortumi nunataq inissisimavoq. Nunataq 11000 km2-isut annertussuseqarpoq, immikkoortunullu 240 – 2000 km2-t akornannut aqqaneq- marlunnut agguataarneqarluni. Imm. 2. Immikkoortumi nunatat akuersissuteqarfissat aqqaneq-marluk neqeroorutigineqartussat, 957-O7.1 – O7.12.-itut taaguusigaapput, nunap assingani ilanngussaq 2-mi inissisimaneri takusassiarineqarlutik.