Nunaqarfimmi arsattarfeeraqarpoq, timersortarfeeraqarluni, katersortarfeqarluni pinnguartarfeqarlunilu.
Arsaattarfik imeqarfimmut palleqqusaanngitsup iluani inissisimavoq. Nutaamik inissaqarfiulluartumillu arsartarfiliorfiusinnaasumik nunaminertanik nalimmassaruminartunik nassaaruminaatsorujussuuvoq.
Ukiut aqqaneq-marluk ingerlaneranni innuttaasut amerlassusaat 355-iniit 224-nut nikeriassappat, agguaqatigiisillugu ukiumut innuttaasut quliniit aqqanilinnut ikileriarnissaannut naapertuuppoq. Tamanna isumaqarpoq, meeqqat angerlarsimaffinni paarsisartussaniittussat / meeqqerivimmiittartussat amerlassusaasa annertuumik appariarnissaat naatsorsuutigisariaqartoq.
Ataatsimut isigalugu nalilerneqarpoq, pisortat sullissinissamut neqeroorutigisinnaasaannut nunaminertanik nutaanik immikkoortitsinissamut tungavissaqanngitsoq.
Meeqqerivik
Meeqqerivimmi ullumikkut meeqqanut 32-nut inissaqarpoq.
Innuttaasut nikerarnerata takutippaa, meeqqerivimmi amerlanerusunut inissanik pilersaarusiorfiup ingerlanerani pisariaqartitsisoqassanngitsoq, illuatungaatigulli illutaata pissusaa pissutigalugu taarsernissaa pisariaqartoq.
Meeqqerivik nutaaq illuni nutaani marlunni inissisimasussaq 2012-ip ingerlanerani pilersinneqassasoq naatsorsuutigineqarpoq.
Meeqqat atuarfiat
Meeqqat atuarfianni ullumikkut meeqqat 52-it atuartuupput.
Innuttaasut amerlassusaasa ikileriarneratigut ukioqatigiinnut taakkununnga annertuumik appariarnerussaaq. 1999-imiit 2011 tungaanut meeqqat atuartussaatitaasut 129-niit 52-inut appariaateqarput, siunissamilu kisitsisit meeqqat qanoq ilinikkut efterskolemi assigisaanullu pisiaqartitsissanersut sunniuteqarumaarput.
Inuusuttunut neqeroorutit
Inuusuttut amerlassusaasa annertuumik appariaateqarnissaat naatsorsuutigisariaqarpoq, inuusuttut inuusuttunut ilnniarfinnukarusuttut illoqarfinnut anginerusunut aallartariaqarmata.
Utoqqarnut inissiat
Nunaqarfimmi utoqqaat angerlarsimaffeqarpoq. Utoqqaat angerlarsimaffiat 2012-imi utoqqarnut inissianut allanngortinneqassaaq, taamaalilluni utoqqaat namminneq angerlarsimaffigisaminniinneruniassammata imminullu isumagisinnaanerulerlutik.
Iluarsartuussinikkut il.il. nunaminertaareersut iluanni utoqqarnut inissianik amerlanerusunik inissaqalissasoq naatsorsuutigineqarpoq.
