700-C1.2

Henter...
static-map

  • Pilers. nr.

    700-C1.2

  • Immikkoortup atorneqarnissaa

    Imm. 1. Immikkoortoq pilersaarusiorfiusoq inissianut, utoqqarnut inissianut atorneqarsinnaavoq. Imm. 2. Immikkortup pilersaarusiorfiusup iluani utoqqarnut inissiat ingerlanneqarnerinut pisariaqartunik sullissinermut teknikkimullu atortunik illunik aamma sanasoqarsinnaavoq.

  • Sanaartukkap annertussusissaa sumiinnissaalu

    Imm. 1. Nunap assingani 1-imi inissatut takutinneqartutut, immikkoortumi utoqqarnut inissianik 16-inik sanasoqarsinnaavoq. Imm. 2. Illup portussusissaa annerpaamik 8,5 m-imik portussusilerneqarsinnaavoq. Imm. 3. Illup annerpaamik portussusissaatut taaneqartut iluanni seqerngup nukinga atorlugu nukissiuutit aamma nukissiuutit allat ataavartut tulluarsarneqarsimassapput. Imm. 4. Toqqaviit pisariaqanngitsumik portussusilerneqassanngillat, tassa imaappoq, toqqaviup pukkinnerpaaffiata nunamiit uuttorlugu 0,5 m-imik portunerutinneqassanngilaq. Imm. 5. Toqqaviit betonniusut 1,5 m-mit portunerusut – nunamiit uuttorlugu – illup silataatut iikkersorneqassapput imaluunniit arlaatigut takussutissinneqassaaq, toqqavik tamaniit isigalugu illumut aalajangiisuuvallaassanngitsoq. Imm. 6. Imm. 5-imi aalajangersakkat malitsinneqassappata, nutaamik sanaartornermi naqqunik pilersitsisoqassanngilaq. Imm. 7. Immikkoortup pilersaarusiorfiusup iluani containerinik taamaallaat nutsernermut, allanngortiterinermut assigisaanullu atatillugu inissiisoqarsinnaavoq sivisunerpaamillu qaammatini arfinilinni. Inissiineq tamatigut Teknikkimut Avatangiisinullu immikkoortortamit akuersissutigineqartassaaq. Imm. 8. Immikkoortumi pilersaarusiorfiusumi umiatsianik qaqitsisoqarsinnaanngilaq, taakku umiatsialivimmut qanittumiittumut inissinneqartariaqarput.

  • Sanaartukkap silatimigut isikkussaa

    Imm. 1. Qaliap sivinganera 15 aamma 45 grader akornanniissaaq. Imm. 2. Qaliat qinngornernik utertitsineq ajortunik qernertunik imaluunniit qasersumik taartumik qalissiamik qalissialerneqassapput. Imm. 3. Qaliat qinngornernik utertitsisartulerniakkat taamaallaat akuersissutigineqarsinnaapput, seqerngup nukinga atorlugu nukissiuutinik atuiniarnermut atorneqarniarpata. Imm. 4. Illut silatimikkut iikkersuutaat aserfallatsaalisimasutut isikkoqartinneqassapput, sumiiffimmi sanaartukkanut pioreersunut assingusumik qalipaasersugaasimassallutik. Imm. 5. Parabolet 0,5 diameterimik minnerusut ikkunneqarsinnaapput. Imm. 6. Illut mikinerusut soorlu quit, illuaqqat assigisaallu illumut ilassutaasinnaapput naqqumiluunniit ilusilersorneqarlutik. Imm. 7. Immikkoortumi suliffeqarfinnut atatillugu allagartalersuinerit illup saqqaanut inissinneqassapput 0,5 m2-millu annertunerusoq assersimassanagu.

  • Aqquserngit, pisuinnaat aqqutaa biilinullu inissiiviit

    Imm. 1. Aqqusinikkut appakaaffissaq Annertusuumiit pissaaq. Imm. 2. Inissiat marluugaangata biilinut uninngasarfissaq ataaseq pilersinneqartassaaq.

  • Nunaminertat sanaartorfiunngitsut

    Imm. 1. Nunaminertat sanaartorfiunngitsut nalinginnaasumik isikkumikkut isikkoqarnissaat qulakkeerneqassaaq, tamatumani naasoqarnerata qaqqaqarneratalu nalinginnaasuunissaa qulakkeersimaniarneqartassalluni. Imm. 2. Sanaartorfigissaanermi sanaartornermilu sapinngisamik nuna qajassuunneqassaaq. Nuna allanngugaq ilusaatut iliseqqinneqassaaq qaartiternerlukuujarneqarlunilu, qaartiterinermi assartuinermiluunniit siammarsimasinnaasunik. Imm. 3. Qaartiterinermut sanaartorfigissaanermulluunniit atatillugu issoq naanerillu sapinngisamik paariinnarneqassapput imaluunniit ima suliarineqarlutik inissikkalllarneqarlutilluunniit, sanaartornerup naammassineranut atatillugu pissusaatut iliseqqinneqarsinnaallutik.

  • Teknikkikkut atortuutit

    Imm. 1. Inissiat tamarmik innaallagissamik, imermik, kuuffissuarmut, tele-mut eqqagassalerinermullu ilanngunneqasapput. Imm. 2. Immikkoortup iluani pilersuinermut aqqutit tamarmik nunamut matoorunneqarsimassapput, aammalu sapinngisamik aqqusinernik pisuinnarnullu aqqutinik eqqarsaateqarnermi ilanngunneqarsimassallutik, pilersuinernut aqqutissianut inissinneqarsimassallutik. Imm. 3. Immikkoortup iluani pilersuinermut aqqutinut soorlu sakkortusaavinnut/sakkukillisaavinnut, maqitsivinnut teknikkikkullu atortunut allanut sanaartukkanik minnerusunik sanasoqarsinnaavoq. Atortut Nukissiorfiit isumasioqatigalugit inissinneqassapput aammalu sanaartukkanut, nunap pissusaanut isikkivinnullu qajassuussilluni ilusilersoneqassallutik. Atortut taakku inissianut il.il. illut ilusaasa nalinginnaasumik sanartukkatut inissinniarnissaat pingaartinneqassaaq. Imm. 4. Sakkortusaaviit/sakkukillisaaviit annerpaamik 2,5 m-imik portussusilerneqarsinnapaput nunaminertamillu 9 m2-mik atuisinnaallutik. Maqitsiviit annerpaamik 2,5 m-imik portussusilerneqarsinnaapput nunaminertamillu 3 m2-mik atuisinnaallutik. Teknikkikkut atortunut illut pilersinneqartut annertoqataanik annertussusilerneqassapput.

  • Sanaartukkanik pioreersunik avatangiisiannillu allanngutsaaliuineq

    Imm. 1. Immikkoortup kujataatungaani Sarqaq-kulturimeersunik qangarsuarnitsanik qimatanik peqarpoq, taakkulu allanngutsaalineqassapput.

700-C1.2 (gl)

A. TunuliaqutaqPilersaarut una utoqqaat angerlarsimaffiata ungasinngisaani utoqqarnut inissianik 16-inik pilersitsinissamut pisariaqartitsineq naammassiniarlugu suliarineqarpoq.B. Immikkoortoq pilersaarusiorfiusoq ullumikkutInissisimaneraImmikkoortoq Maniitsup kujammut kangiatungaani utoqqaat angerlarsimaffianut attaveqartuulluni inissisimavoq.Immikkoortoq manna tikillugu nunaminertatut atorneqanngitsutut inisisimanikuuvoq, taamaallaat qassutinik assigisaanillu panersiivittut atorneqarnikuulluni aammalu qaqqartut allanngortinneqanngitsutut isikkoqarnikuulluni.Atorneqarnera killilersorneqarneraluImmikkoortoq pilersaarusiorfiusoq ullumikkut siunertanut ataatsimoorussanut - utoqqarnut inissianut immikkoortitaavoq. Tunoqqusaap eqqaani inissianik quleriiaanik sanaartornermut aqqutissamik pilersitsinerup kingorna kangerliumanerup aqquserngullu akornanni Annersuarmi immikkoortoq pilersaarusiorfiusoq inissisimavoq. Kangerliumaneq umiatsiaaqqanut kisarfittut atorneqarpoq. C. SiunertaqAalajangersakkanik immikkoortukkaanik siunertaavoq;__utoqqarnut inissianut pisariaqartitsineq naammassiniarlugu D. ImarisaaAtorneqarneraImmikkoortoq pilersaarusiorfiusoq siunertanut ataatsimoorussanut - utoqqarnut inissianut immikkoortinneqarpoq.Immikkoortumi utoqqarnut inissianik 16-inik sanasoqarsinnaavoq.SanaartukkatSanaartukkat ataatsimik qulerilierlugit sanaartukkatut innarluutilinnut tulluarsagaasutut, utoqqaat innarluutillillu angallavigisinnaasaannik sanaartorneqassapput.Nunaminertat sanaartorfiunngitsutNunaminertat sanaartukkanut atorneqanngitsut sukisaarsaarnermut atortulersuutinut imaluunniit pinngortitatut paariinnarneqarlutik atorneqassapput.Sanaartorfigissaanermi sanaartornermilu nuna sapinngisamik qajassuunneqassaaq, taamaalilluni sukisaarsaarfissap pitsaassusaa pioreersoq paariinnarneqarluni.Aqquserngit, pisuinnarnut aqqutit biilinullu uninngasarfiitImmikkoortumut pilersaarusiorfiusumut appakaaffissaq Annersuarmiit pissaaq.Inissiat marluugaangata biilinut uninngasarfik ataaseq pilersinneqartassaaq. E. Pilersaarutinut allanut attuumassutsit
Namminersorlutik Oqartussat susassaqarfiit Kommunillu pilersaarusiorneqarnera Aalajangersakkat immikkuualuttut Namminersorlutik Oqartussat susassaqarfiinut aammalu 2012-imiit 2024-mut kommunip pilersaarusiorneqarneratut siunnersuummut pingaarnertut aalajangersakkanut naapertuupput.Qanganitsat eqqaassutissatQanganitsat eqqaassutissat 1900 sioqqullugumeersut Kulturikkut eriagisassat eqqissisimatitaanerat pillugu Inatsisartut inatsisaat nr. 18, 19. november 2007-imeersumi ilaatinneqarput. Immikkoortumi Sarqaq kulturimeersunik nassaartoqarnikuuvoq, taakkulu allanngutsaalineqassapput.Nunamik suliaqarnermut atatillugu qanganitsanik eqqaassutissanik nassaartoqassappat, Nunatta Katersugaasivianut saaffiginnittoqassaaq.