a. Nunaminertamik atugassiinissamut piumasaqaatit.
Imm.1. Nunaminertamik atugassiineq nunaminertamik atuinissamik killiliinermillu nalunaarsimassaaq, nunaminertamik atugassiinermik nalunaaruteqarnermut pilersaarummut tunngaviusumut innersuussisumik.
Imm. 2. Nunaminertanik atugassiineq atorneqalernissaanut piaareersimanissamut piffissaliussamik ersarissumik nalunaarsimassaaq.
Imm. 3. Nunaminertamik atugassiineq pisortat sanaartorfigissaaneranni attavilersinnissaatitaanermik nalunaarsimassaaq.
Imm. 4. Nunaminertanik atugassiineq sanaartorfigissaanermut akileeqataassutaasinnaasumik nalunaarsimassaaq.
Imm. 5. Nunaminertanik atugassiineq sanaartorfigissaanermik suliaqarnissamik atugassarititaasunut nalunaarsimassaaq. Sanaartorfigissaanerit innaallagissamut imermullu ilaqartut, taamaallaat Nukissiorfinnik imaluunniit Kangerlussuarmi Mittarfeqarfinnik isumaqatigiissuteqarnikkut pisinnaapput.
Imm. 6. Nunaminertanik atugassiineq ataatsimoorussanik atortorissaarutinut attavilersinnissanut pisussaaffinnik nalunaarsimassaaq.
Imm. 7. Nunaminertanik atugassiineq ruujorinik aamma pilersuinermut aqqutinut atortulersuutit inissisimaffissaannik nalunaarsimassaaq.
Imm. 8. Nunaminertanik atugassiineq atuiunnaarsinnaanermik nalunaarsimassaaq.
Imm. 9. Nunaminertamik atugassiineq nunaminertamik atuinerup taamaatinneranut atatillugu iluarsaassinissamik ilusaatullu iliseqqinnissaanut pisussaaffimmik nalunaarsimassaaq.
Imm. 10. Nunaminertamik atugassiineq pissutsinik ilisimasanik killilersuutaasunillu, soorlu nunaminertamik atuinerup ataqqineqarnissaanik paasissutissiissaaq. Eriagisassanut immikkut piumasaqaatit, nunamik mingutsitsineq, nunaminertat apummik katersuiffiit il.il.
Imm. 11. Nunaminertaq atulinnginneqarnerani pisortaniit akuersissutit pisariaqartut pissarsiarineqarsimassapput.
b. Nunaminertamik atugassiinermi ataatsimut atugassarititaasut tamatigut tunniuneqartussat (ersarissumik allatigut aalajangiisoqanngippat)
Imm.1. Nunaminertaq pissusaatut tunniunneqarpoq, atoneqarnissaatullu eqqarsaatigineqartumut tulluarsinnaaneranut, tassunga ilanngullugu nunap iluata nammassisinnaassusaanut qularnaveeqqusiisoqarsinnaanngilaq.
Imm. 2. Nunaminertamik atuisussaq nunaminertamik atuigallarsimanermut atatillugu iluarsaassinermut ilusaatullu iliseqqinnissaanut piumasaqartoqartillugu aningaaserivimmiit qularnaveeqqusiinermik, siumut akiliutaasussamik assigisaanilluunniit akiliuteqassasoq. Tassunga avatangiisinut inatsit piumasaqaammut tassunga inatsisitigut tunngaviliisoq innersuussutigineqarpoq.
Imm. 3. Nunaminertamik atuisuusup sanaartornerup aallartinnerani sanaartornissap sumi inissisimanissaa nammineq isumagissagaa sanaartugassallu inissimavissaanut akisussaassasoq. Inissisimaffik kommunalbestyrelsimit akuersissutigineqassaaq.
Imm. 4. Sanaartugassap aallartinnginnerani issut naanerillu tamarmik inissiivissiamut inissinneqassapput sanaartugassap naammassinerani atugassanngorlugit.
Imm. 5. Nuna pisariaqanngitsumik aserorneqassanngitsoq. Nunamik aseruisimasinnaanerit, Teknikkimut Avatangiisinullu immikkoortortamik isumaqatigissuteqarnikkut, sanaartortitsisup akiligassaanik sanaartukkap naammassinerani ilusaatut ileqqinneqassapput, taamaalilluni nunaminertaq ilusaatut iliseqqinneqartoq, nunaminertap pioreersup piginnaasaatut iliseqqinneqassalluni, soorlu assersuutigalugu nammassinnaasai nukimigut piginnaasaanik.
Imm. 6. Qaartiterinissamik assaanissamillu pilersaarusiornermi, nunaminertap atugassiissutaasup avataaniittoq nuna sapinngisamik mianerineqassasoq
Imm. 7. Qaartiterinermi assartuinermiluunniit siammarsimasinnaasunik qaartiternerlukunik tamanik nunaminertamik atugassinneqarsimasutut piginnittuusoq saliissasoq.
Imm. 8. Aqqusinernik, kuussinernik, kuuffinnik pilersuinermullu aqqutinik pilersinneqarsimasunik allannguisinnaaneq sunaluunniit nunaminertamik atugassinneqarsimasutut piginnittumut akiligassanngorlugu pissasoq, aammalu aqqusinermik pilersuinermillu aqqutinik piginnittuusunit akuersissummik peqqaarluni pisassasoq.
Imm. 9. Pilersuinermut aqqutit sapinngisamik nunamut matoorunneqassasut.
Imm. 10. Sanaartornermi sanaartoreernerullu kingorna illut eqqaani nunaminertat kusanartuutinneqassasut torersuutinneqarlutillu.
c. Biilit uninngasarfiinut aqqusineeqqanullu nalinginnaasumi atugassarititaasut
Imm. 1. Biilinut uninngasarfik/aqqusineeraq akuerisaasoq illumiit 5 meterimik qaninnerusumik inissisimappat, nunaminertamik atugassiineq illumit piginnittumit kisimi atugassiaavoq.
Immm. 2. Biilit uninngasarfiattut nunaminertap tunniussap pilersinneqarnissaa ingerlanneqarnissalu qinnuteqartup akiligassariva.
c. Standardvilkår for parkeringspladser og stikveje
Imm. 1. Biilinut uninngasarfik/aqqusineeraq akuerisaasoq illumiit 5 meterimik qaninnerusumik inissisimappat, nunaminertamik atugassiineq illumit piginnittumit kisimi atugassiaavoq.
d. Pilersuinermut aqqutinut atortulersuutinut nalinginnaasumik atugassarititaasut
Imm. 1. Pilersuinermut aqqutinik piginnittuusumit pilersuinermut aqqutinik pilersaarutit suliarineqarsimasut tunngavigalugit pilersuinermut aqqutinut atortussanut nunaminertanik atugassiinnerit suliarineqartarput. Pilersuinermut aqqutinunut pilersaarutinik kommunalbestyrelsi uuttortaanernik ingerlaqarneq ajorpoq, aamma kukkunerusinnaasunut akisussaaffik eqqunngitsumilluunniit inissiisimanernut akisussaaffik, pilersuinermut aqqutinik pilersaarutit tunngavigalugit nunaminertamik atugassiinerni kommunalbestyrelsi akisussaatinneqarsinnaanngilaq.
Imm. 2. Nunaminertanik atugassiinerit pilersuinermut aqqutit atortulersorneqarnerisa qeqqanut tunniunneqartarput, illersorsinnaanermullu tikitsaaliuinermut ilaatinneqaratik.
Imm. 3. Pilersuinermut aqqummut atortulersuummut, nunaminertamik atugassiiffiusup ingerlaarfigisaani ataatsimi pilersuinermut aqqutinut atortulersuut inissisimatillugu, pilersuinermut aqqutinik piginnittuusut pilersuinermut aqqutinik ataqqeqatigiinnissaminnut pisussaatitaapput.
Imm. 4. Ingerlaarfimmi ataatsimoorussami inissisimanerup kingunerisanik pilersuinermut aqqutit atortulersuutaanik ajoqusiisinnaanerit tamarmik, piginnittuusut marluusut akornanni isumaqatigiinngissutaasutut, aammalu nunaminertanik aqutsinermi oqartussaasunut susassaqarfigineqanngitsutut isigineqarpoq. Tassunga aamma ilaapput, toqqaviup nammassisinnaanginneranik pissuteqartumik nikitoornerit imlauunniit pilersuinermut aqqutit atortulersuutaannik qulaallugilluunniit angallannermik peqquteqartut.
Imm. 5. Pilersuinermut aqqutinut atortulersuutit aqqusinerni pilersinneqarsimasut, kommunip tassunga malittarisasssiatut aalajangersagai tamatigut malitsinneqartassapput.
Imm. 6. Pilersuinermut aqqutinik allanngortiterineq piiaanerluunniit tamaallaat pilersuinermut aqqutinik piginnittumit aammalu Teknikkimut Avatangiisinullu immikkoortortamit siumut akuersissummik peqqaarluni pisinnaavoq.
