Imm. 1. Immikkoortuni najugaqarfissiani (A) sanaartorfigissaanermut aningaasartuutit sanaartornissamut periarfissap immikkoortitap annertunerpaap annertussuserpiaa, nunaminertaq ilanngaasernagu kvm-imut uuttorlugu, malillugu agguataarneqartarput.
Imm. 2. Immikkoortuni inuutissarsiuteqarfiusuni (B) sanaartorfigissaanermut aningaasartuutit nunaminertap inuutissarsiorfissatut nalunaarutigineqartup annertussuserpiaa malillugu agguataarneqartarpoq.
Imm. 3. Immikkoortuni ataatsimoorussatut siunertalinni (C) sanaartorfigissaanermut aningaasartuutit nunaminertap ilanngaasigaanngitsup kvm-ip akuerisaasup annertususerpiaa, nunaminertamut atugassiissutinut ataasiakkaanut ilaasut, malillugit agguataarneqartarpoq.
Imm. 4. Immikkoortuni immikkuullarissumik atugassiani / teknikkikkut atortulersuutit (E) sanaartorfigissaanermi aningaasartuutit nunaminertamik atugassinneqartumut nunaminertat annertussusaat malillugit agguataarneqartarput.
Imm. 5. Sanaartorfigissaanermut aningaasartuutinik agguariaatsinut periutsit immikkoortuni 1-4-mi aalajangersakkat apeqqutaatinnagit, immikkoortut killillit iluanni sanaartorfigissaanermut aningaasartuutit immikkut akiliinissamut malittarisassat malillugit aalajangersarneqarsinnaapput, nalinginnaasumik periutsiniit saneqqussinissamik tunngaviliinissamut immikkut pisut allanneqarpata.
Imm. 6. Immikkoortumi nunaminertamik atugassinneqarsimasumit sanaartorfigissaaneq ingerlanneqarpat, sanaartorfigissaaneq nunaminertamik atugassiissummi atugassarititaasutut aalajangersakkat malillugit ingerlanneqassaaq.
Imm. 7. Teknikkimut Avatangiisinullu immikkoortortaq nunaminertamik atugassiitinnagu, sanaartorfigissaanermut akileeqataassutissaq akilerneqareersimassaaq. Aningaaserivikkut qularnaveeqqusiineq periarfissaasinnaavoq.
