Immikkoortut sanaartorfigeqqusaanngitsut
Sanaartukkanik atortunilluunniit peqanngivinnera imaluunniit annikitsuinnarmik peqanngivinnera. Immikkoortut makkuusinnaapput:
• Ivigartorfissatut immikkoortut immikkoortitat (O-I-immikkoortut)
• Immikkoortut atugassanngortinneqanngitsut (O-II-immikkoortut)
• Nuna inuilaaq (O-III-immikkoortut)
Immikkoortuni sanaartorfigeqqusaanngitsuni sunngiffimmi illuaqqanik, aasarsiorfinnik inuutissarsiuteqarnikkullu sanaartukkanik atortunillu pilersitsisoqarsinnaanngilaq. Pilersinneqarsinnaasutuaat tassaapput illuaqqat piniariartarfiit oqquisarfiillu. Immikkoortumi sanaartorfigeqqusaanngitsumi immikkoortup pingaarnertut atorneqarnissaanut allannguutaanngitsumik amerlassuseqartinneqassapput.
Immikkoortut atugassanngortinneqanngitsut
Immikkoortut sunnerneqanngitsutut imaluunniit sunnerneqarpianngitsutut ilisarnaatillit, sanaartorfigineqanngitsut atortulersorneqanngitsullu.
Ivigartorfissatut immikkoortut immikkoortitat
Uumasuutinut soorlu savanut, tuttunut, hestinut, nersussuarnut assigisaannullu ivigartorfissaq. immikkoortut sanaartorfigeqqusaanngitsutut ilisarnaataanik immikkoortup nunaminertaanik allannguivallaanngitsumik atorneqarnissaq.
Nuna inuilaaq
Nuna immikkoortut sunnerneqanngitsut sanaartorfigineqartumit minnerpaamik 5 kilometeritut ungasitsigisut. Sanaartorfiit tassaasinnaapput:
- Illoqarfiup nunaqarfiullu immikkoortui
- Sunngiffimmi illuaqqanut aasarsiorfinnullu immikkoortut
- Immikkut sukisaarsaarfittut ilisarnaatilinnut immikkoortut
- Immikkoortut savaateqarnermut, naasorissaanermut, imaanik atuinermut, orpippassuarnik atuinermut qeqertanullu qimmilivinnut il.il. immikkoortitat.
- Teknikkimut attaveqarneq pilersuinermullu il.il. immikkoortut.
Pisuinnaat aqqutaat ingerlaviillu minnerusut sanaartukkatut isigineqanngillat.
Kommunip pilersaarusiorneqarneranut immikkoortut pingasuusut ilanngullugit suliarineqarput.
