700-A18.1

Henter...
static-map

  • Pilers. nr.

    700-A18.1

  • Immikkoortup atorneqarnissaa

    Imm. 1 Immikkoortoq pilersaarusiorfiusoq inissiassanut quleriiaanut atorneqarsinnaavoq. Imm. 2. Immikkoortoq pilersaarusiorfiusoq 5-inik immikkoortortalerlugu agguataarneqarpoq: 1. Inissiassat quleriiaat 2. Inissiassat quleriiaat immikkoortumik atoriaannarmik piareersimatitsisoq 3. Akunnittarfik neriniartarfillu 4. Biilinut uninngasarfik pinnguartarfillu 5. Nunaminertaq sanaartorfiunngitsoq innaarsullu atorneqanngitsoq. Imm. 3. I Najugaqarfissiani inissianut nalimmassakkanik aammalu nipiliortitsinikkut, tipiliortitsinikkut, angallannermik annertunerulersitsinikkut biilillu uninngasut annertusineratigut eqqaani najugalinnut akornutaangitsumik suliffeqarfinnik ingerlatsisoqarsinnaavoq. Suliffeqarfik najugaqartumit ingerlanneqassaaq.

  • Sanaartukkap annertussusissaa sumiinnissaalu

    Imm. 1. Immikkoortoqp pilersaarusiorfiusoq immikkoortunut 5-inik immikkoortulerlugu agguataarneqarpqo: Aggorneq 1. Inissiassanik quleriiaanik 2 - 4-nik quleriilinnik sanaartorfigineqarsinnaavoq. Inissiat katillugit 70-it. Aggorneq 2. Inissiassanik quleriiaanik 2 - 4-nik quleriilinnik sanaartorfigineqarsinaavoq. Inissiat katillugit 57-it. Aggorneq 2 quleriiaanik 10-nik quleriilinnik inissiassanik sanaartukkanik allaanerusumik sanaartorfigineqarsinnaavoq, immikkoortoq 2a-mi nunap pissusaa malillugu nikingatillugit quleriiaalianik immikkoortoq 2b-milu sanaartukkat quleriiaat pingasut 2 4-nillu quleriillit katillugit 24-nik initallit. Inissiat katillugit 64-it. Aggorneq 3. Akunnittarfimmik 3nik quleriilimmik 200-nik ineerartalimmik sanaartorfiusinnaavoq. Aggorneq 4. Aggorneq 1-imi inissiassatut sanaartukkanut tamanut biilinut uninngasarfinnut pinnguartarfinnullu aamma aneerfissatut atorneqarsinnaavoq. Aggorneq 5, Sanaartorfigineqassanngilaq. Imm. 2. Aggornerni 1-imi 3-milu nutaamik sanaartornerit qaqqaq atorluarlugu sanaartorneqassapput sanaartukkallu inissinneqassapput, taamaalilluni quleriaat allersaat qaqqamut qaartitikkamut atasunngortinneqarluni ataasiinnarmullu sammivilerlugu isikkiveqartinneqarluni. Imm 3. Aggornerni 2 aamma 2b-mi nutaamik sanaartornerit qaqqap isuata kujataani inissinneqassapput, 2b-mili sanaartukkat kinguartinneqarlutik qaqqamut "igaartutut" isikkoqartinneqarlutik. Imm. 4. Sanaartukkat aneerasaartarfilerlugit altanilerlugillu illup sannaanut "pulasimasutut" sananeqassallutik. Imm. 5. Seqerngup nukinga atorlugu ataavartumilluunniit nukissiuutit allat illup annerpaamik portussusaanut tulluarsarlugit ikkunneqassapput. Imm. 6. Toqqaviit pisariaqanngitsumik portussusilerneqassanngillat, tassa imaapoq, toqqaviup pukkinnerpaatut portussusaa nunamit pioreersumit 0,5 m portunerussanngilaq. Imm. 7. Inissiassatut quleriiaanik sanaartukkanut nunamiit uuttorlugu 1,5 m sinnerlugu toqqaviit beton-iusut portussusillit – illup silataatut iikkersorneqassapput. Imm. 8. § 7-mi aalajangersakkat malitsinneqarsinnaappata, nutaamik sanaartornermi naqquliisoqarsinnaavoq. Imm. 9. Aneerasaartarfiusinnaasut sanaartukkamut atasunngorlugit sananeqassapput sanaartorfissatullu takutinneqartup avataani nunatamiissinnaallutik. Imm. 10 Illuaqqat/quit annerpaamik 12,5 m2-mik annertussusilerneqassapput. Illuaqqat quillu sapinngisamik sanaaartukkami naqqumi assigisaaniluunniit inissinniarneqassapput. Imm. 11. Illuaqqat/quit ataatsimik quleriilerlugit sananeqarsinnaapput illullu qimerluaniit 3,5 m-iusumiit portunerutinneqassanngillat. Illup qaliata sivinganeratut sivinganilerneqassapput. Imm. 12. Nutsernermut atatillugu containerit sivisunerpaamik sapaatit akunnerini marlunni uninngatinneqarsinnaapput, allanngortiterinermullu atatillugu sivisunerpaamik sapaatit akunnerini arfinilinni uninngatinneqarsinnaallutik. Uninngatitsinissaq tamatigut Teknikkimut Avatangiiisnullu immikkoortortamit akuersissutigineqartassaaq.

  • Sanaartukkap silatimigut isikkussaa

    Imm. 1. Immikkoortumi sanaartukkat sanaartukkatut ataqatigiilluartutut sananeqassapput, saqqamikkut isikkivigissaarnermikkut naassaanngitsumut isikkiveqartut, nunaminertani silamiiffissat oqquiffissaqarlutik qaqqamullu nalimmassarneqarsimassallutik. Imm. 2. Illup silataasa qaavi qaanik aserfallatsaalineqarsinnaasunik, qalipaasersorneqarnermikkut sumiiffimmi sanaartukkanut pioreersunut assingusumik qalipaasersugaallutik isikkoqartinneqassapput. Imm. 3. Illup qaliata sivinganera sanaartugassatut ilusissatut toqqakkamut naleqqussarneqassaaq. Illup qaliata qaavi atortunik seqersitsineq ajortunik suliarienqassapput aammalu qernertutut qasertutulluunniit taartutut isikkoqartinneqassallutik. Imm. 4. Qinngornernik utertitsisinnaasunik qaallit taamaallaat seqerngup nukinga atorlugu nukissiuutinik aaqqiissutilinni atorneqarpata akuerineqarsinnaapput. Imm. 5. Parabolinik taamaallaat 0,5 ataallugu diameterilinnik ikkussisoqarsinnaavoq. Imm. 6. Illut mikinerusut soorlu quit, illuaqqat assigisaallu illup atortui qalipaataalu assigalugit sananeqassapput. Imm 7. Immikkoortumi suliffeqarfiuteqarnermut atatillugu allagartalersuinerit, illup saqqaanut inisinneqasapput annerpaamillu 0,5 m2-mik annertussuseqassallutik.

  • Aqquserngit, pisuinnaat aqqutaa biilinullu inissiiviit

    Imm. 1. Aggornerit 1 aamma 3 Mittarfimmut aqqummit pioreersumit aqquteqartinneqassapput aggornerlu 2 Ivissuaateqaralaaniit aqqusinikkut nutaakkut aqquteqartinneqassalluni. Imm. 2. Quleriit marluk sinnerlugit sanaartukkat tamarmik elevatorilerneqassapput, utoqqarnit innarluutilinnillu tikikkuminartuunissaat qulakkeerniarlugu. Imm. 3. Biilinut uninngasarfiit Aggornermi 1-ip avataani biilinut uninngasarfik, aggornermi 4-mi inissiassatut sanaartukkanut biilinut uninngasarfittut ataatsimoorussassatut pilersinneqassaaq. Niooraanermut ikioraatitsinermullu atatillugu inissamik pilersitsisoqarsinnaavoq. Aggornermut 2-mut biilinut uninngasarfik, sanaartukkanut atatillug pilersinneqassaaq. Biilinut uninngasarfinnut piumasaqaatit. __ Inissiassanik quleriiaanik sanaartornernut: inissiamut ataatsimut uninngasarfik affaq. __Neriniartarfiit assigisaallu: Issiavissat quliugaangata uninngasarfik ataaseq. Imm. 4. 2b-mi sanaartukkanut atatillugu, Ivissuateralaata Heliportitoqqallu eqqaata qatsissortaata aqquserngup akornanni appakaaffissamik elevatorimik ingerlatilimmik pilersitsisoqarsinnaavoq. Imm. 5. Ivissuaateralaani aaqqap kujataatungaatigut aammalu Ataqqap Aqq.-taatigut qaqqap avannaatungaatigut majuartarfinnik appakaaffissanik pilersitsisoqarsinnaavoq, taamaalilluni sanaartukkat nutaat illoqarfiup sinneranut attavilerneqarluni arlalitsigut appakaaffissalimmik.

  • Nunaminertat sanaartorfiunngitsut

    Imm. 1. Nunaminertat sanaartorfiunngitsut isikkumissut isikkoqarnissaat qulakkeerneqassaaq, tamatumani naasoqarnera qaqqallu allanngortinnginneqarnissaat anguniaagaassalluni. Imm. 2. Nunaminertani sanaartorfiunngitsuni qanorluunniit ukiulinnut orniginartunik pinnguartarfinnik pilersitsisoqassaaq. Imm. 3. Sanaartorfigissaanermi sanaartornermiluunniit nuna qajassuunneqasaaq. Nuna ajoqusigaq iluarseqqinneqassaaq, qaartiterinermi assartuussinermilluunniit siammassimasoqarpat, nunaminertaq qaartiternerlukuujarneqassaaq. Imm. 4. Qaartiterinermut sanaartorfigissaanermullu atatillugu issoq naanerilluunniit sapinngisamik paariinnarneqassapput imaluunniit suliarineqarlutik inaalinneqarallarlutilluunniit ima, sanaartukkap naammassineranut atatillugu pilerseqqissinnaanngorlugit.

  • Teknikkikkut atortuutit

    Imm. 1. Inissiat tamarmik innaallagissamut, imermut, kiassaateqarfimmut, kuuffissuarmut eqqaavilerinermullu atassuserneqassapput. Imm. 2. Nunaminertami pilersuinermut aqqutit tamarmik nunap iluaniitinneqassapput sapinngisamillu aqqusinermik pisuinnaallu aqqutaannik pilersitsiniarnermi eqqarsaatigineqartassllutik, tassanilu pilersuinermi aqqutinut assatami inissinneqassallutik. Imm. 3. Immikkoortumi atortulersuutinut sanaartukkanik minnerusunik soorlu sakkortusaavinnik, kuutsivinnik teknikkikkullu atortulersuutinut allanut sanaartortoqarsinnaavoq. Sanaartornerit Nukissiorfiit suleqatigalugit inissinneqassapput, sanaartukkallu, nuna isikkivillu eqqarsaatigalugit ilusilersorneqassapput. Atortulersuutit taakku inissianut il.il. sanaartukkat timitaannik nalinginnaasutut sanaartukkanut sananeqarnissaat anguniarneqassaaq. Imm. 4. Sakkortusaaviit annerpaamik 2,5 m portussusilerneqasapput nunaminertamillu 9 m2-mik atuisinnaallutik. Kuutsiviit annerpaamik 2,5 m portussusilerneqassapput nunaminertamillu 3 m2-mik atuissallutik. Teknikkikkut atortunut allanut illut taamatut annertussusilerlugit pilersinneqassapput.

  • Illoqarfimmi immikkoortumut pilersaarutip aamma/imaluunniit kommunip pilersaarusiorneqarneranut tapiliussap atorunnaarsinneqarneri

    Pilersaarummik matuminnga inaarutaasumik akuersissuteqarnikkut, Maniitsup Kommunianut sumiiffimmi pilersaarut nr. A 4.02 "Heliportitoqqap eqqqaa" atorunnaarsinnqarpoq.

700-A18.1 (gl)

A Kommunip pilersaarusiorneqarnerani tapiliussap suliarineqarneranut tunngaviusoq Kommunip pilersaarusiorneqarneranut tapiliussq immikkuualuttunik aalajangersagartalik una, Maniitsup illoqarfiata qiterpasissortaani Heliportitoqqap qatsissortaani inissiassanik quleriiaanik inissialiortitersinnaaneq, biilinut uninngasarfinnik kiisalu pinnguartarfinnik aneerfiusinnaasunillu, kiisalu akunnittarfimmi neriniartarfittalimmik sanaartorsinnaanermut periarfissaq qulakkeerniarlugu suliarineqarpoq. Qatsinnersami illunik naatsiivittalinnik sanaartoqqissinnaanermut § 32-mik inerteqqummik 2010-mi kommunalbestyrelsi atuutilersitsivoq, norgemi illussanik titartaasartut 70o Nord Tromsømeersut qaqqap qaavani sanaartorfissatut periarfissat pitsaanerusumik atorneqarnissaat kissaatigimmagu. Inerteqqutip tamatuma kinguneraa, kingusinnerpaamik 2011-mi novembarimi immikkoortumut immikkuualuttumik aalajangersagalimmik siunnersuummik nutaamik tamanut saqqummiussinissaq. Eqikkaanissamik kissaatigisaq ima isigineqassaaq, Maniitsup eqqaani aluminiumik aatsiterivisamik inissiisoqarnissaanik aalajangiisoqarpat, inissianik amerlanerujussuarnik pilersitsisoqarnissaanik pisariaqartitsisoqassasoq, ilaatigut illoqarfimmi pioreersumi ilaatigullu illoqarfittaassami. Illoqarfimmi pioreersumi eqqikkaanissamik taamatut aallussinerujussuaq peqquteqarpoq, tassani sanaartornsisamik periusissamik sukkasuumik aallartitsisoqarsinnaammat, illuatungaatigullu illoqarfittaassamut aatsaat aqqunermik pilersuinikkullu aqqutinik pilersitsisoqaqqaassalluni. Atortut ataatsimut isigalugu illoqarfimmi pioreersumi pigineqareersut.

B. Siunertaq

Pilersaarummik siunertaavoq:

 najugaqarfissiamik orniginartumik pilersitsineq, 70o N''''''''''''''''''''''''''''''''''''''''''''''''''''''''''''''''ip takorluukkatut nalunaarusiaaniit isumassarsiorluni sanaartukkanik allaanerusunik pilersitsisinnaanermut periarfissiorluni.

Maniitsumi nunap pissusaani annertuumik unammillernartoqaraluartoq najugaqarfissianik innarluutilinnit tikikkuminartunik pilersitsisinnaanermut periarfissiineq 

akunnittarfimmik orniginartumik 200-nik ineerartalimmik sanasoqarsinnaaneranut periarfissiinissaq 

Nunaminertani eqqaaniittuni inissiatut sanaartugaasuni isikkiviup annikitsuinnarmik innarlerneqarnissaata qulakkeerneqarnissaa

C. Immikkoortoq pilersaarusiorfiusoq ullumikkut.

Immikkoortoq pilersaarusiorfiusoq ukiorpassuarni Maniitsup illoqarfianut heliporteqarfittut atorneqarnikuuvoq, kisianni illoqarfiup kitaatungaani mittarfimmik pilersitsinermut atatillugu heliporti atorunnaarsinneqarnikuuvoq.

Taamaalilluni nunaminertat qaqqap qaani angisuunik asfalteqarput, qaqqamik sanaartorfigineqarpianngitsumit ungisimasumik. Immikkoortoq pilersuinermut aqqutinik ataasiakkaanik nunap iluanut matoorunneqanngitsunik akimorneqarsimavoq.

Immikkoortoq pilersaarusiorfiusoq kujammut kimmut illunik naatsiivittalinnit sanaartukkanik anannamullu kangimut illunik naatsiivittalinnit nutaanerusunit killilersugaavoq.

Qatsinnersamut aqqusinikkut appakaaffissaq qaqqap avannamut kitaatungaatigut aqqusinikkut sivingasukkut ingerlaffeqarpoq.

Immikkoortoq pilersaarusiorfiuvoq qaqqap qaavata saniatigut maninnersamik 20 m-imik silitsigisumik aamma peqarpoq, immap tungaanut sammisumik aqquserngup qatsinnersaaniit 10 m missani portussusilimmi illoqarfiup ilaata appasinnerusup tungaanut inissisimasumik.

D. Imarisaa.

Pilersaarut sanaartukkanik allaanerusunik pilersitsinissamut periarfissiivoq, tamatumani qaqqaq sanaartukkani assigiinngissuteqarsinnaasunik pilersitsinissamut atorlluarneqarsinnaalluni, narlortuunngitsunik teqeqquliilluni silamiinnermut assiaqutasinnasunik pilersitsiviusunik, illumut atasunik aneerasaartarfinnik illumut assiaqutitut atorsinnaasunik pilersitsisuni, tamaalilluni immikkoortoq silamiiffissaqqissuulluni immaqalu uummaarinnerusumik sanaartorfiulluni.

Sanaartukkanik assigiinngiiaartunik pilersitsisoqarsinnaanissaanut kajumissaataasoqarniarluni, sanaartugassat portussusissaat quleriinnik marlunnik sisamanillu allanneqarput, qaqqap killingusaanik illuatungilerlugu aammalu inissianik assigiinngitsunik pilersitsinissamik periarfissiilluni.

Pilersaarummi aggorneq 2-ani narlornissami sanaartorsinnaaneq ilaatigut periarfissinneqarpoq, kisianni aamma qaqqaq qummut sinerlugu arlalinnik quleriilinnik, qaqqaq naqqaniit qummut naallugu sanaartukkanik illup qaavani aneerasaartarfilinnik. Sanaartukkat immap tungaanut pitsaalluinnartumik isikkiviliisut saniatigut, illoqarfimmi aqquserngit qatsersusaanniit qatsissutsillu allat akornanni qummukaarissanik pilersitsinissamut periarfissiisut.

E. Pilersaarutip pilersaarutinut allanut attuumassutai.

Sumiiffimmik pilersaarusiorneq 

Pilersaarutitut siunnersuummik matuminnga 2012-imi upernaakkut inaarutaasumik akuersissuteqarnikkut, immikkoortumut siusinnerusukkut pilersaarutaasimasut tamarmik atorunnaarsinneqassapput.

Aluminiumik aatsiterivik 

Soorlu taaneqareersutut Maniitsup qeqertaata avannaatungaani aluminiumik aatsiterivissamik pilersitsiniarnermut attuumatillugu pilersaaarusiorneq ingerlanneqarpoq.

2012-ip  2013-illuunniit ingerlanerani Namminersorlutik Oqartussani aatsiterivissamik pilersitsisoqarnissaanut inaarutaasumik aalajangiisoqassasoq neriuutaavoq.  

Namminersorlutik Oqartussat susassaqarfiit Kommunillu pilersaarusiorneqarnera.

Pilersarut 2012-imiit 2024-mut kommunip pilersaarusiorneqarneratut siunnersuummut naapertuuppoq, aammalu kommunip pilersaarusiorneqarnerani Namminersorlutik Oqartussat susassaqarfiinut naapertuulluni.