800-B1.2

Henter...
static-map

  • Pilers. nr.

    800-B1.2

  • Immikkoortup atorneqarnissaa

    Imm. 1. Immikkoortup annikitsortaa inuutissarsiorfittut immikkoortinneqarpoq, tamatumani umiarsualivimmi suliaqarnermut sammisunik suliffeqarfinnillu attuumassutillit kisimik akuerineqarlutik. Soorlu assersuutigalugu niuernermik suliffeqarfiit, paaqqinnittarfiit, sunngiffimmi sammisassat aammalu sukisaarsaarnermut siunertallit soorlu peqatgiiffik qajaq. Imm. 2. Immikkoortumi inissianik sanasoqarsinnaanngilaq. Imm. 3. Paaraarsuup immerneqarneratigut peqatigiiffik qajaq-mut umiatsiaaqqanullu puttasunik pilersitsisoqarsinnaavoq. Imm. 4. Paaraarsuup tungaanut nunaminertat ataavartumik inissiivittut atorneqarsinnaanngillat.

  • Sanaartukkap annertussusissaa sumiinnissaalu

    Imm. 1. Illunik minnerusunik alliliineq pilersitsinerluunniit taamaallaat akuersissutigineqarsinnaapput, sanaartukkanut pioreersunut sanaartukkallu atorneqarnerinut atasunngorlugit tullaursarneqarsinnaappata. Imm. 2. Nunaminertap atugassiissutaasup 50 procentia sinnerlugu nunaminertaq sanaartorfigineqassanngilaq. Imm. 3. Illut tamakkiisumik imaqqortussusaasa nunaminertat sanaartorfigineqartut kvm-imut 8 kbm sinnersimassanngilaat.

  • Sanaartukkap silatimigut isikkussaa

    Imm. 1. Nutaamik sanaartukkat immikkoortumi sanaartukkat pioreersut atortulersorneqarnerisigut, qalipaatimikkut ilusilersorneqarnermikkullu assigissavaat. Imm. 2. Allagartalersuutit nunaminertami atugassiiffiusumi illunilu taamaallaat aammalu kommunalbestyrelsip akuersissuteqarneratigut inissinneqarsinnaapput.

  • Aqquserngit, pisuinnaat aqqutaa biilinullu inissiiviit

    Imm. 1. J.M. Jensenip-miit Umiarsualivimmut tassanngaanniillu Aalisakkeriviup talittarfianut Royal Greenland-illu aalisakkerivianut aqqusineq 9 m-imik silissusilerlugu ingerlaarfissaalu 7 m-inngorlugu immikkoortinneqarpoq. Imm. 2. J.M. Jensenip-imi Umiarsualivimmut anillariariaani, angallannerup isumannaatsuunissaa pillugu angalllannermi atortunik pilersitsisoqassaaq, angallannermik isumannaannerusumik ingerlannaarnerusumillu pilersitsisussamik. Soorlu aqqutissiuussinermi atortunik imaluunniit kaajallattarissamik pilersitsinikkut. Imm. 3. Umiarsualivimmut illuatungaani kangillermi pisuinnaat aqqutaannik Paaraarsummik J.M. Jensinip/Aqqusinersuarmik attaveqalersitsisussamik pilersitsisoqassaaq. Pisuinnaat aqqutaat sapinngisamik 2,5 m-iutinenqssaaq. Imm. 4. Paaraarsummi aqqusinermik pilersitsinikkut, aqquserngup pioreersup pisuinnarnut aqqutinngortinneqarsinnaanera periarfissinneqassaaq, Paaraarsuk sinerlugu Iliveqarfitoqqap aammalu Frederik den IX`s Plads tungaanut ingerlaqqissinnaanngorlugu. Imm 5. J.M. Jensenip/Aqqusinersuaq sinerlugu umiarsualiviuip illoqarfiullu qeqqata tungaanut pisuinnaat aqqutaannik 2,5 m-imik pilersitsisoqarsinnaaneranut periarfissiisoqassaaq.

  • Nunaminertat sanaartorfiunngitsut

    Imm. 1. Pilersaarummi matumani killeqarfiata iluani Paaraarsuup sineriaa 3,5-imik portussusilerlugu immerneqarsinnaavoq . Imm. 2. Nunaminertanngorlugit immikkat uninngaarfissanngorlugit sukisaarsaarfissanngorlugillu ilusilerneqassapput. Imm. 3. Nunaminertat narlusukaanngorlugit sioqqat, ujaraaqqat naasulluunniit atorlugit pilersinneqassapput. Imm. 4. Pinngortitap atortuinik atuilluni uninngaarfissiat uninngaarfissatut siaasaaffissatulllu pilersinneqassapput . Imm. 5. Paraarsuup tungaanut sineriak taamaallaat pilersaarummut matumunnga naapertuuttumik allanngortinneqarsinnaavoq (takuuk nunap assinga).

  • Teknikkikkut atortuutit

    Imm 1. Immikkoortumi nutaamik sanaartornerit innallagissamut, imermut kuuffissuarmullu attavilerneqassapput, kiisalu eqqaavilerinermut ilanngunneqarluni. Imm. 2. Imermik sinneruttumik kuutsitsineq ima pissaaq, eqqaamiuusunut angallannermulluunniit arlaatigut akornutaanani. Imm. 3. Pilersuinikut aqqutit tamarmik nunap iluatigoortinneqassapput.

  • Sanaartukkanik pioreersunik avatangiisiannillu allanngutsaaliuineq

    Imm. 1. Qinnguani umiatsialiviup Paaraarsuullu akornanni kangerliumaneq paariinnarneqassaaq nunaminertamillu immikkamit annertusarneqassalluni. Imm. 2. Aqquserngup nutaap ataani kangerliumanerup ingerlaarfia amco-ruujorinik assigisaanilluunniit ingerlaarfilerneqarsinnaavoq. Imm 3. Kangerliumanerup Paaraarsuup tungaanut kuuffia ujaqqanik innaarsulianik 1:2 atorlugu pilersinneqarsinnaavoq.

  • Illoqarfimmi immikkoortumut pilersaarutip aamma/imaluunniit kommunip pilersaarusiorneqarneranut tapiliussap atorunnaarsinneqarneri

    Pilersaarutit matumap iluani Illoqarfimmut pilersaarut B01 atorunnaarsinneqassaaq, soorluttaaq Illoqarfimmut pilersaarummi C01-imi, Paaraarsummi eqqumiitsuliortullu sannaviata eqqaani aamma J.M. Jensenip Aqq.-taata eqqaani illoqarfimmut pilersaarummi B02-mi annikitsumik allannguisoqassasoq.

800-B1.2 (gl)

A. Tunuliaqutaq.

Pilersaarutip allanngortinneqarnera Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-meersoq naapertorlugu pivoq.

Sisimiut Umiarsualiviani appakaaffissatigut atugassarititaasut tulluarsarniarnissaanut tunngavissat qulakkeerniarlugit pilersaarut suliarineqarpoq, tamaalilluni umiarsualiviup kitaatungaata Aalisakkeriviullu talittarfiata akornanni aqquteqalersinnaaniassammat aammalu umiarsualivik ilaatigut Imarpikkoortaatigut taliattarfimmik kangiatungaanik imaqartup angallannikkut angallatinik angisuunik soorlu assersuutigalugu containerinik 40 fodinik nassatalinnik aqqutigineqarsinnaanngorlugu annertusarneqarniassammat. Ilutigitillugu umiarsuliviup iluatungerpiaani pisuinnarnut appakaaffissat pilersaarutip matuma iluaniittut pitsaanerulersinneqarnissaanut periarfissiisoqassaaq.

B. Siunertaq.

Pilersaarummmik siunertaavoq.angallassissutinik oqimaatsunik usisartunut angallaffissat taavalu pisuinnarnut angallaffissatut appakaaffissat isumannaannerusut pilersinneqarnsisaanut tunngavissaqarnissaq

C. Immikkoortoq ullumikkut

Immikkoortoq ullumikkut umiarsualiveqarfiuvoq, kisianni aqquserngit pioreersut angallannikkut oqimaatsunik usisartut, umiarsualiviup allilerneqarneratigut kingunerusussasut nammassisinnaanngilaat. Immikkoortoq qinnguani umiatsialivimmik Paaraarsuullu akornnanni kangerliumanermik aammalu Paaraarsuup ilamernanik ilaaigut peqatigiiffik Qajaq-p illuuuteqarfianik imaqarpoq.

D. Imarissaa.

Pilersaarut aqqusinissamik nutaamik suliassallu pisariaqartitaanik immiinissanik imaqarpoq. Imminniissat Paaraarsummi aammalu umiarsualiviup saavani illut eqqissisimatitaasut eriagisassaasullu saavanni qinnguani umiatsialivimmi pissapput. Aqquserngup attaveqaataasussaasup nutaap pilersinneqarnerani Eqqumiitsuliortut sannaviata saani kran-isimasup sinnikui paariinnarneqarsinnaanngillat.Pilersaarummik pilersaarutaavoq, Sallinnguit Iliveqarfitoqqap Katersugaasiviullu akornanni aamma Paaraarsuup avannaatungaat sinerlugu pisuinnaat aqqutaannik pilersitsisoqarsinnaanera. Taamaaliornikkut Paaraarsuup sukisaarsaarfittut atorneqarnerulersinneqarnissaa anguniarneqarpoq.

Pilersaarummi J.M. Jensenip aqquserngata, eqqaani kaajallattarissamik pilersitsilluni aqqusineqarnikkut aaqqiissutissanik titartaasoqarpoq, aqqusinermik attaviliinikkut utaqqiffissanik assigisaannillu pilersitsisoqarsinnaassaaq.

E. Pilersaarutip pilersaarutinut allanut attuumassuteqarnera.

Namminersorlutik Oqartussat susassaqarfii.

Pilersaarut Namminersorlutik Oqartussat kommunimi pilersaarusiornermi soqutigisaanut naapertuuppoq.Taamaattorli oqaatigineqassaaq, umiarsualivinni oqartussaasut kommunillu suut akisussaaffigineraat ersarissumik ilisimaneqanngimmat.

Kommunip pilersaarusiorneqarnera

Kommunip 2012-imiit 2024-mut pilersaarusiorneqarneranut siunnersuummi, 800-B1-p immikkoortinneqarfiani, killiliussanut pingaarnernut pilersaarut naapertuuppoq.

Pilersaarutitut allanut attuumassutsit

Pilersaarut illoqarfiup nutaanngitsortaanut sumiiffimmi pilersaarummut C1-imut, Kiisalu umiarsualiveqarfimmut pioreersumut B1-imut aamma B-2-mut attuumavoq.

Pilersaarutit ilaannakortumik atorunnaarsinneqartussat.

Pilersaarutit matumap iluani Illoqarfimmut pilersaarut B01 atorunnaarsinneqassaaq, soorluttaaq Illoqarfimmut pilersaarummi C01-imi, Paaraarsummi eqqumiitsuliortullu sannaviata eqqaani aamma J.M. Jensenip Aqq.-taata eqqaani illoqarfimmut pilersaarummi B02-mi annikitsumik allannguisoqassasoq.

Pilersaarummi allannguinikkut immikkoortumi inuutissarsiornernut pioreersunut sunniutigisinnaasai.

Pilersaarummik allannguinermi inuutissarsiornikkut suliffeqarfinnut tamanut appakaaffissanut atugassarititaasut pitsaanerulernissaannik kinguneqassaaq.