800-C13.2

loading image
Henter...
static-map
  • Pilers. nr.

    800-C13.2

  • Immikkoortup atorneqarnissaa

    Imm.1. Immikkoortoq pilersaarusiorfiusoq inissianut, utoqqarnut inissianut, ilinniartut inaannut meeqqerivimmut il.il. atorneqarsinnaavoq. Imm. 2. Inissiat tamarmik peqqissutsimut atortulersuutinik pilersorneqarsimassapput.

  • Sanaartukkap annertussusissaa sumiinnissaalu

    Imm. 1. Nikkorsuit kangiatungaani immikkoortumi sanaartukkat, nunap pissusaata pisinnaatippagu, sisamanik quleriilerlugit sananeqarsinnaapput. Imm. 2. Aalajangersakkani pingaarnerni taaneqartutut illut portussusissat, illup portussusissaatut aalajangersarneqartutut nunamiit uuttorlugu illup qimerluanut uuttorneqartassaaq, taanna Teknikkimut Avatangiisinullu immikkoortortaqarfimmiit akuersissutigineqartartussaavoq. Imm. 3. Seqerngup nukinga atorlugu ataavartumilluunniit nukissiuutit allat illup annerpaamik portussusaanut tulluarsarlugit ikkunneqassapput. Imm. 4. Toqqaviit pisariaqanngitsumik portussusilerneqassanngillat, tassa imaapoq, toqqaviup pukkinnerpaatut portussusaa nunamit pioreersumit 0,5 m portunerussanngilaq. Imm. 5. Nunamiit uuttorlugu 1,5 m sinnerlugu toqqaviit beton-iusut portussusillit – illup silataatut iikkersorneqassapput, imaluunniit toqqaviit illup isikkuanut sunniuteqarpallaannginnissaat uppernarsarneqassaaq. Imm. 6. Imm. 5-imi aalajangersakkat malitsinneqarpata, nutaamik sanaartornermi naqquliisoqarsinnaavoq. Imm. 7. Nutsernermut atatillugu containerit sivisunerpaamik sapaatit akunnerini marlunni uninngatinneqarsinnaapput, allanngortiterinermullu atatillugu sivisunerpaamik sapaatit akunnerini arfinilinni uninngatinneqarsinnaallutik. Uninngatitsinissaq tamatigut Teknikkimut Avatangiiisnullu immikkoortortamit akuersissutigineqartassaaq. Imm. 8. Immikkoortumi pilersaarusiorfiusumi umiatsiliisoqaqqusaanngilaq, taakku umiatsilivimmi qanittumi inissinneqassapput.

  • Sanaartukkap silatimigut isikkussaa

    Imm. 1. Illut qaliata sivinganeri illut pioreersut qaliaasa sivinganerisa assigissavaat. Imm. 2. Nutaamik sanaartornermi illut qaliaasa sivingassusaat 15-45 gradiussaaq. Imm. 3. Illut qaavi qernertunik seqersitsineq ajortunik imaluunniit qalissanik qasersunik taartunik qalissialerneqassapput. Imm. 4. Qinngornernik utertitsisinnaasunik qaallit taamaallaat seqerngup nukinga atorlugu nukissiuutinik aaqqiissutilinni atorneqarpata akuerineqarsinnaapput. Imm. 5. Illup ilassuserneqarnerani silataasa iikkersuutai illup allilerneqartup atortulersuutaasa qalipaataasalu assinginik atortulersoneqassapput. Imm. 6. Illut silataasa iikkersuutai qaanik aserfallatsaalineqarsinnaasunngorlugit isikkoqartinneqassappt, qalipaasersorneqarnermikkut sumiiffimmi sanaartukkanut pioreersunut qalipaateqataannik qalipanneqarsimassallutik. Imm. 7. Parabolet diameterimut 0,5 m-imik mikinerusut ikkunneqarsinnaapput. Imm. 8. Illut mikinerusut soorlu illuaqqat, quit assigisaallu illumut pingaarnermut ilassutitut isikkulerlugit imaluunniit naqqumi inissineqarsinnaapput. Imm. 9. Immikkoortumi suliffeqarfeqarnermik atatillugu allagartalersuinerit, illup saqqaanut inissinneqassapput 0,5 m2-millu atuissallutik.

  • Aqquserngit, pisuinnaat aqqutaa biilinullu inissiiviit

    Imm.1. Angallannikkut isumannaallisaaneq eqqarsaatigalugu sanaartukkat Nikkorsuarniit aqquteqarlutik appakaaffissanit pioreersunit appakaaffissaqartinneqassapput. Appakaaffissat tamaallaat nuutsinneqarsinnaapput appakaaffissanik allanik pioreersunik atorunnaarsitsinikkut, taamaalilluni appakaaffissat pioreersut amerlassusaat allanngortinneqarani. Imm 2. Biilinut uninngasarfiit. _Inissiat quleriiaatut sanaartukkat -inissiamut ataatsimut uningasarfik affaq. _Ilinniartut ineqarfii linniartunullu inissiat, inissiat tallimaagaangata uninngasarfik ataaseq

  • Nunaminertat sanaartorfiunngitsut

    Imm. 1. Nunaminertat sanaartorfiunngitsut isikkumikkut isikkoqartinneqarnissaat qulakkeerneqassaaq, tamatumani nalinginnaasumik naasoqarnera nalinginnaasumillu qaqqaqarnera paariinnarniarneqassalluni. Imm. 2. Sanaartorfigissaanermi sanaartornermiluunniit nuna qajassuunneqasaaq. Nuna ajoqusigaq iluarseqqinneqassaaq, qaartiterinermi assartuussinermilluunniit siammassimasoqarpat, nunaminertaq qaartiternerlukuujarneqassaaq. Imm. 5. Qaartiterinermut sanaartorfigissaanermullu atatillugu issoq naanerilluunniit sapinngisamik paariinnarneqassapput imaluunniit suliarineqarlutik inaalinneqarallarlutilluunniit ima, sanaartukkap naammassineranut atatillugu pilerseqqissinnaanngorlugit.

  • Teknikkikkut atortuutit

    Imm. 1. Inissiat tamarmik innaallagissamut, imermut, kiassarnermut, kuuffissuarmut eqqaavilerinermullu atassuserneqarsimassapput. Imm. 2. Nunaminertami pilersuinermut aqqutit tamarmik nunap iluaniitinneqassapput sapinngisamillu aqqusinermik pisuinnaallu aqqutaannik pilersitsiniarnermi eqqarsaatigineqartassllutik, tassanilu pilersuinermi aqqutinut assatami inissinneqassallutik. Imm. 3. Immikkoortumi pilersuinermut atortulersuutinik sanaartukkanik minnerusunik soorlu sakkortusaavinnik, kuutsivinnik teknikkikkullu atortulersuutinut allanut sanaartortoqarsinnaavoq. Sanaartornerit Nukissiorfiit suleqatigalugit inissinneqassapput, sanaartukkallu, nuna isikkivillu eqqarsaatigalugit ilusilersorneqassapput. Atortulersuutit taakku inissianut il.il. sanaartukkat timitaannik nalinginnaasutut sanaartukkanut sananeqarnissaat anguniarneqassaaq. Imm. 4. Sakkortusaaviit annerpaamik 2,5 m portussusilerneqasapput nunaminertamillu 9 m2-mik atuisinnaallutik. Kuutsiviit annerpaamik 2,5 m portussusilerneqassapput nunaminertamillu 3 m2-mik atuissallutik. Teknikkikkut atortunut allanut illut taamatut annertussusilerlugit pilersinneqassapput.

  • Atuilernissamut piumasaqaatit

    Takuuk nunaminertanik aqutsinermi malittarisassat.

800-C13.2 (gl)

A. Tunuliaqutaq

Pilersaarut una Nikkorsuit sinerlugit qaqqap tungaanut ilinniartut inaannik aamma utoqqarnut inissianik inissiassatut quleriiaatut sanaartukkanik pilersitsinissaaneq periarfissinnarlugu suliarineqarpoq. 

B. Immikkoortoq pilersaarusiorfiusoq ullumikkut

Inissisimanera

Kommunip pilersaarusiorneqarnerani tapiliussap Qeqqata Kommuniani Sisimiut kitaatungaanik imaqarpoq, tak. titartagaq 1.

Atorneqarnera killilersorneqarneralu

Immikkoortoq pilersaarusiorfiusoq siunertanut ataatsimoorussanut soorlu meeqqerivimmut suliffeqarfinnullu aamma inissianut immikkoortitaavoq.

Qaqqaq sinerlugu immikkoortumi sanaartukkat ullumikkut neriartarfinnut, imerniartarfinnut allaffissornikkullu illut ullumikkut atorneqarpoq. Sanaartukkat ataatsimiit pingasunik quleriilerlugit sanaartugaapput.

C. Siunertaq

Aalajangersakkanik immikkualuttunik siunertaavoq;

__immikkoortumik annertusaanerup tulluartumik ingerlanneqarnisaata qulakkeerneqarnissaa,

__siunissami inissianik soorlu ilinniartut inaannik utoqqarnullu inissianik pisariaqartitsisoqarsinnaanerata naammassineqarnissaa. 

D. Imarisaa

Atorneqarnera

Immikkoortumi utoqarnut inissianik elevatorilinnik ilinniartullu inaannik il.il. pilersitsisoqarsinnaavoq.

Sanaartukkat

Qaqqaq sinerlugu sanaartortoqassaaq, taamaaliornikkut qaqqap portussusaa sapinngisamik atorluarneqarluni ilutigitillugulu sanaartukkat orniginartuunissaat qulakkeerneqarluni.

Nunaminertat sanaartorfiunngitsut

Nunaminertat sanaartornernut atorneqanngitsut sukisaarsaarfissaqqissutut pilersinneqassapput  pinngortitatulluunniit isikkoqartinneqaannarlutik.  

Sanaartorfigissaanermi sanaartornermilu nuna sapinngisamik mianerineqassaaq, taamaalilluni sukisaarsaarfissaqqissoq pioreersoq paariinnarneqarluni.

Aqquserngit, pisuinnaat aqqutaat biilillu uninngasarfii

Immikkoortumut pilersaarusiorfiusumut appakaannissaq Nikkorsuarniit pissaaq. 

E. Pilersaarutinut allanut attuumassutsit

Namminersorlutik Oqartussat susassaqarfii kommunillu pilersaarusiorneqarnera

Aalajangersakkat immikkuualuttut Namminersorlutik Oqartussat susassaqarfiinut  aammalu 2012-imiit 2024-mut kommunip pilersaarusiorneqarnerani siunnersuummi aalajangersakkanut pingaarnernut naapertuupput.

Qanganitsat eqqaassutissat

Qanganitsat eqqaassutissat 1990 sioqqullugumeersut Kulturikkut eriagisassat eqqissisimatitaanerat pillugu Inatsisartut inatsisaanni nr. 18, 19. november 2007-imeersumi ilaatinneqarput.

Nunamik suliaqarnermut atatillugu sulinerup ingerlanerani qanganitsanik eqqaassutissanik nassaartoqassapput Sisimiut Katersugaasivianut saaffiginnissutigineqassapput.