800-C9.1

Henter...
static-map

  • Pilers. nr.

    800-C9.1

  • Immikkoortup atorneqarnissaa

    Imm. 1. Immikkoortoq tamanut atugassianut atuarfimmut, taassumalu suliassaqarfiinut, kiassaateqarfimut, pinnguartarfimmut, arsaattarfimmut sikkilinut, qamuteralannut biilinut inissiisarfimmut kiisalu bussit kaajallattarfiannut atorneqarsinnaavoq. Imm. 2. Immikkoortoq aamma kigutileriffimmut atorneqarsinnaavoq.

  • Sanaartukkap annertussusissaa sumiinnissaalu

    Imm. 1. Kangiatungaani kujataatungaanilu sanaartornerit nutaat sanaartukkat pioreersut saqqaasa sammiviinut saatillugit inissinneqassapput. Imm. 2. Nutaamik sanaartornerit naqqumiit pingasunik quleriilerlugit sananeqarsinnaapput. Imm. 3. Sanaartukkat nutaat inissinnissaat ilanng.1-miippoq.

  • Sanaartukkap silatimigut isikkussaa

    IMm. 1. Sanaartugaq nutaaq illutut ataatsitut kimmut sammisumik assigiimmik sivinganilimmik qaliaqartinneqassaaq. Imm. 2. Kiassaateqarfik illuttut assigiiimmik sivinganilimmik qalialerneqassaaq. Imm. 3. Qalissiaa qasertuunngikkuni qernertuussaaq. Illumi nunaminertanik ataatsimoorussanik qaammaqqutissanik qullernik illup qaani inissiisoqassaaq. Imm. 4. Silataasa saqqai qisuutinneqassapput qalipaammik mautussusiisinnaasumik aappillarissumik qalipanneqarsimasut, sanimukaartunik igalaaqarluni aninganeqarlunilu. Imm. 5. Saqqat seqersitsisinnaasut taamaallaat akuersissutigineqarsinnaapput, seqerngup nukinga atorlugu nukissiuutitut atorneqassappata. Imm. 6. Parabolinik diameterimut 0,5 m-inik mikinerusunik taamaallaat ikkussisoqarsinnaavoq. Imm. 7. Illut mikinerusut soorlu quit, illuaqqat assigissaallu illup atortuisa assinginik qalipaaateqataanillu qalipaaserlugit sananeqassapput.

  • Aqquserngit, pisuinnaat aqqutaa biilinullu inissiiviit

    Imm. 1. Guutaap Aqq.-taatigut aamma Mannarsip Aqq.-taatigut Atuarfiup isaariai marluusut pingaarnernut aqqusinikkut aqquteqartinneqassaaq. Atuarfiup immikkut sammmisaqarfiinut atuarfiup tunuatungaatigut sannaveqarfimmut Mannarsip Aqq.-taatigut aamma aqqusinermik pillersitsisoqassaaq. Imm. 2. Atuarfiup kitaatungaatigut kigutileriffialiartunut atuarfialiartunullu biilinut unittarfimmik pilersitsisoqassaaq. Kangiatungaani atuarfiup sulisuinut biilinut unittarfimmik pilersitsisoqassaaq. Imm. 3. Sanaartugaq elevatorimik pilerneqassaaq, utoqqarnut innarluutilinnullu tikikkuminartuunissaa qulakkeerniarlugu.

  • Nunaminertat sanaartorfiunngitsut

    Imm. 1. Nunaminertani sanaartorfiunngitsuni pinnguartarfimmik arsaattarfimmillu pilersitsisoqassaaq. Imm. 2. Nunaminertat ima inaarsarneqarnerminni qalliuserneqassapput, ajornaatsumik torersuutissinnaanngorlugit. Imm. 1. Aammattaaq nunaminertat sanaartorfiunngitsut isikkumikkut isikkoqartinneqarnissaat qulakkeerneqassaaq, tamatumani naasut qaqqallu paariinnarneqassallutik. Imm. 3. Nuna nalinginnaasoq sapinngisamik sanaartorfigissarfigineqaratillu sanaartorfigineqassanngillat. Nuna akornuserneqarsimasoq ilusaatut ilisinneqaqqissaaq immikkoortorlu qaartitsinermi assartuinermiluunniit siammarsimasiinnaasunik.qaartiternerlukuujarneqasssaaq. Imm. 4. Qaartiterinermut sanaartorfigissaanermullu atatillugu, issoq naanerillu sinnerussimasut, sapinngisamik paariinnarneqassapput mianerineqarlutik imalu toqqorneqarlutik, sanaartukkap naammassineqarneranut atatillugu ilusaatut iliseqqinneqarsinnaanngorlugit.

  • Teknikkikkut atortuutit

    Imm. 1. Atuarfik pilersuinermut aqqutinut tamanut atugassianut soorlu innaallagissamut, imermut, kuuffissuarmut kiassarnermullu atassusigaassaaq. Tassunga aqqutinik periarfissiisoqareersimappat. Imm. 2. Illup silataani pilersuinermut aqqutit tamarmik nunap iluanut matoorunneqarsimassapput.

  • Illoqarfimmi immikkoortumut pilersaarutip aamma/imaluunniit kommunip pilersaarusiorneqarneranut tapiliussap atorunnaarsinneqarneri

    Pilersaarutit matumap iluani immikkoortqo sumiiffimmi pilersaarut nr. C2b atorunnaarsinneqarpoq.

800-C9.1 (gl)

A. Tunuliaqutaq.

Minngortuunnguup Atuarfianik atuarfimmik nutaamik sanaartornissamut pilersaarutissamut pilersaarutitut tunngavissamik tulluarsaaniarluni pilersaarut una suliarineqarpoq. Pilersaarut illussanik titartaasartunik unammisitsinerup kingorna toqqagaavoq aammalu naqqulerlugu katillugit pingasunik quleriilerlugu sanartugassaalluni.

B. Immikkoortoq ullumikkut.

Immikkoortoq ullumikkut minngortuunnguup atuarfianik sanaartorfigineqaqqavoq, kommunip pilersaarusiorneqarnerani tapiliussamik matuminnga akuersissuteqartoqarneratigut ilassutitut allanngortiterneqartussamik. Sanaartukkat ullumikkut ataatsimik marlunnillu qulereeqarput, atuarfimmullu attuumassutilinnik nunaminertanik sanaartorfiunngitsunik peqarpiarani. Atuarfiup illutaasa ilaanni, illup kitaatungaani inini allerni kigutilerisarfik pilersinneqarnikuuvoq. Immikkoortoq pilersaarusiorfiusoq timersortarfimmut, kommunip allaffeqarfiinut, aqqusinersuup tungaaanut meeqqerivimmut, Innuttaasut illuanut immikkoortullu kangiatungaani avannamullu kangiatungaani illunik naatsiivittalinnik arlalinnik inissisiasuni killeqarfeqartinneqarpoq.

C. Siunertaq.

Aalajangersakkanik peqqissaarutanik suliaqarnermik siunertaavoq: atuarfimmik ataasiusumik pingasunik quleriilimmik naqqulimmillu sanasoqarsinnaanerata qulakkeerneqarnissaa, taamaalilluni minngortuunnguup atuarfiani siunissami atuartitsisarnerup pitsaasumik atugassaqartitaanera qulakkeerneqarluni. Atuarfiup eqqaani nunaminertanik sanaartorfiunngitsunik pitsaasunik qulakkeerinninnissaq. Biilinut uninngasarfinnik aqqusinernillu appakaaffissanik tulluartunik qulakkeerinninnissaq.

D. Imarisaanik naalisaaneq

Pilersaarutip immikkoortua maanna atuarfeqarfiusumut killeqartinneqarpoq, taamaalillunilu allanut suliaqarfiusunut eqquinani. Pilersaarummut atatillugu maanna atuarfeqarfiusup kitaatungaani sanaartukkap inissinneqarsinnaanera aalajangersarneqassaaq, taamaalilluni atuarfimmut atatillugu nunaminertanik sammisassaqartitsivinnik pitsasunik pilersitsisoqarluni.

E. Pilersaarutinut allanut attuumassutsit

Pilersaarut Namminersorlutik Oqartussat soqutigisaannut aammalu 2012-imiit 2024-mut Qeqqata Kommunianut kommunip pilersaarusiorneqarnerani siunnersuummut naapertuuppoq. Pilersaarutip uuma illoqarfiup ilaanut pilersaarut C2b 2007-meersoq, illoqarfiup qiterisaqarfianik pilersaarusiornermik annertulaartumik imaqarpoq taarserpaa. Pilersaarutip uuma atuarfimmi immikkoortunik imalinnut pilersaarutaasimasut kisiisa taarserpai.