800-A54.1

Henter kort...
static-map

  • Plannr

    800-A54.1

  • Anvendelse

    Imm. 1. Immikkoortoq najugaqarfittut atorneqarsinnaavoq, ilinniartullu inaannut immikkoortitaavoq.

  • Bebyggelsens omfang og placering

    Imm. 1. Immikkoortumi ilinniartunut inissiat 170 missaaniittut sananeqarsinnaanissaat naatsorsuutigineqarpoq. Eqqaavimmut kangimut sammiviani blokkit sisamat marlunnik quleriillit sananeqarsinnaapput, kitaatungaanilu ataatsimik affarmillu marlunnilluunniit quleriillit sanaartorneqarsinnaallutik. Taamaattorli kimmut sammiviani sanaartorfissap kujaterpiaani quleriit pingasut sananeqarsinnaapput. Imm. 2. Sanaartukkat avatangiisinut tulluartuunissaat qulakkeerneqassaaq, taamaalilluni sanaartukkat pioreersut, qaqqat sanaartoriaatsillu nutaat, quleriit amerlassusaat ilanngullugit ataqatigiittoqarluni. Imm. 3. Nutaamik sanaartukkat aqquserngup qeqqaniit uuttorlugu 10 m-imik ungasissusilimmut inissinneqassapput. Imm. 4. Seqerngup qinngornera atorlugu nukissiuutit nukissiuutillu ataavartut allat illup portunerpaaffiatut taaneqartut iluanni inissinneqassapput. Imm. 5. Toqqaviit pisariaqanngitsumik portussusilerneqassanngillat, tassa imaappoq, toqqaviit pukkinnerpaaffiat nunamiit 0,5 m-imit portunerussanngilaq. Imm. 6. Toqqaviit beton-iusut nunamiit uuttorlugu 1,5 meter-imit portunerusut, illup iikkersuutaatut iikkersorneqassapput. Imm. 7. Nutaamik sanaartornermi naqqumik pilersitsisoqarsinnaavoq. Imm. 8. Aneerasaartarfiusinnaasut sanaartukkamut atasunngorlugit sananeqassapput, sanaartorfissatullu takutinneqartut avataanni nunaminertamik ilaqarsinnaallutik. Imm. 9. Illuaqqat quillu sapinngisamik sanaartukkami naqquni assigisaaniluunniit inissinneqassapput. Imm. 10. Illuaqqat/quit assigisaallu ataatsimik quleriilerlugit sananeqassapput, illullu qimerluanut 3,5 m-imit portunerutinneqassanatik. Illup qaliata sivinganera illutaatut sivinganilerneqassaaq. Imm. 11. Nutsernermut atatillugu containerit sivisunerpaamik sapaatit akunnerini marlunni inissisimatinneqarsinnaapput, allanngortiterinermullu assigisaanulluunniit atatillugu sivisunerpaamik sapaatit akunnerini arfinilinni inissisimatinneqarsinnaapput. Inissiineq tamatigut Teknikkimut Avatangiisinullu immikkoortortamit akuersissutigineqartassaaq.

  • Bebyggelsens ydre fremtræden

    Imm. 1. Nutamik sanaartukkat pilersinneqassapput, ilusilersorneqarnermikkut inissiinernut ataasiakkaanut periarfissanut aallaavilerlugit. Imm. 2. Nutaamik sanaartukkat atortussanik aserfallatsaalineqarsinnaasunik atortulerlugit sananeqassapput, qalipaasersorneqarnermikkut sumiiffimmi sanaartukkanut pioreersunut assigiissunngorlugit. Imm. 3. Illup qaliai 15 aamma 45 procentimik sivinganilerneqassapput, qalissiamillu qernertumik qasersumilluunniit qalissialerneqassallutik. Imm. 4. Qaat seqersitsisinnaasut taamaallaat akuerineqarsinnaapput, seqerngup kissaanik seqerngulluunniit qinngorneranik nukissiuutinik atuinissamik ilanngussisoqartillugu. Imm. 5. Parabolit tamaallaat diameterimut 0,5 m-imit minnerusut ikkunneqarsinnapput. Imm. 6. Illut mikinerusut soorlu quit, illuaqqat assigisaallu illutaasa atortuisa assinginik qalipaateqataanillu qalipaaserlugit sananeqassapput.

  • Veje, stier og parkering

    Imm. 1. Eqqaavimmut Aqq.-tip kimmut sammiviani sanaartorfimmi avannarlerpaami Eliarsip aqq.-taaniit aqquteqartinneqartussaq minillugu, nutaamik sanaartukkat Eqqaavimmut Aqq.-miit aqquteqartinneqassapput. Imm. 2. Eqqaavimmut Aqq.-mut aqquserngit ikaarfissat amerlineqannginnissaat anguniagaassaaq. Nutaamik sanaartornermut atatillugu aqquserngit ikaarfissat pioreersut atoqqinneqassapput. Imm. 3. Eqqaavimmut Aqq.-tip kangimut sammivia sinerlugu pisuinnaat aqqutaannik pilersitsinissamut nunaminertamik immikkoortitsisoqassaaq. Imm. 4. Ilinniartut inaannik inissiani inissiat tallimagaangata biilinut uninngasarfik ataaseq pilersinneqartassaaq.

  • Ubebyggede arealer

    Imm. 1. Ilinniartut inaannik ataasiakkaanik sanaartukkanilluunniit eqimattakkaanik sanaartornermut atatillugu nunaminertanik silamiiffissanik ilusiliisoqassaaq. Imm. 2. nunaminertat sanaartorfiunngitsut atorneqalinngitsut nalinginnaasumik isikkumikkut qaqqaqarlutik qaqqaniluunniit naasoqarlutik paariinnarneqassapput. Imm. 3. Sanaartorfigissaanermi sanaartornermiluunniit sapinngisamik nuna mianerineqssaaq. Nuna ajoqusigaq ilusaatut iliseqqinneqassaaq, nunaminertalu qaartiterinermi assartuinermiluunniit qaartiternerlukunik siammarsimasinnaasunik piaaffigineqassaaq. Imm. 4. Qaartiterinermut sanaartorfigissaanermullu atatillugu issoq naasullu pioreersut, sapinngisamik paariinnarneqassapput, imatulluunniit suliarineqarlutik inaalinneqarallarlutilluunniit, sanaartukkap naammassineqarneranut atatillugu pissusaatut iliseqqinneqarsinnaassallutik.

  • Tekniske anlæg

    Imm. 1. Nutaamik sanaartukkat innaallagissamut, imermut, kiassaateqarfimmut, kuuffissuarmut tele-mullu attavilerneqassapput eqqagassalerinermullu ilanngunneqassallutik. Imm. 2. Immikkoortumi pilersuinermut aqqutit tamarmik nunap iluatigoortinneqassapput, sapinngisamillu aqqusinernik pisuinnarnullu aqqusinniornermi ilanngullugit eqqarsaatigineqassallutik, tamatumani pilersuinermut aqqutinut assatanut inissinneqassallutik. Imm. 3. Immikkoortup iluani pilersuinermut atortunut sanaartukkanik minnerusunik soorlu sakkortusaavinnik, maqitsivinnik teknikkikkullu atortunik allanik sanasoqarsinnaavoq. Atortulersuutit Nukissiorfiit isumaqatigalugit inissinneqassapput, sanaartukkanullu, nunap pissusaanut isikkivimmullu mianerinnilluni ilusilersorneqassallutik. Atortulersuutit inissianut il.il. illup timitaata ilaatut nalinginnaasutut sanaartukkanut isikkoqartinneqassapput. Imm. 4. Sakkortusaaviit annerpaamik 2,5 m-imik portussusilerneqassapput nunaminertamillu 9 m2-mik atuissallutik. Maqitsiviit 2,5 m-imik portussusilerneqarsinnaapput nunaminertamillu 3 m2-mik atuissallutik. Teknikkikkut atortulersuutinut allanut illut taamatut annertussusilerlugit pilersinneqarsinnaapput.

  • Ophævelse

    Pilersaarutit tullinnguuttut ilaatigut atorunnaarsinneqarput. Pilersaarummi matumani ilaatinneqartut immikkoortuni ilaatinneqartut atorunnaarsinneqarput: 1. Umiivitsiami inissianik sanaartornermut sumiiffimmi pilersaarut A13 2. Kussangasuni inissianik sanaartornermut sumiiffimmi pilersaarut A16 3. E4-mut sumiiffimmut pilesaarut - eqqaavissuup eqqaani teknikkikkut atortulersuutinut, eqqaavilerinermut toqqorsiveqarnermullu immikkoortoq.

800-A54.1 (da)

A. Tunuliaqutaq.

Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-meersoq naapertorlugu pilersaarummik allanngortitsineq ingerlanneqarpoq.

Pilerasaarummik allanngortitsineq Eqqaavimmut aqqutip kangiatungaani ilinniartut inaannik 3-nik quleriilinnnik sanaartorsinnaaneq piffissami qaninnerusumi naleqqussarniarlugu suliarineqarpoq.

Ungasinnerusoq isigalugu immikkoortoq Sanaartornermik Ilinniarfimmik, Aatsitassanut Ilinniarfimmik, Artek-imik aamma HTX-imik GU-llu eqqaani ilinniartoqarfimmut ilanngunneqassaaq.

B. Siunertaq.

Pilersaarutip siunertarivaa

  • Immikkoortortap inuutissarsiuteqarfiusup ilinniartut ineqarfinngortinneqarsinnaaneranut tunngaviusumik pilersaarummik pilersitsisinnaaneq, Sanaartornermik Ilinniarfimmik, Aatsitassanut Ilinniarfimmik, Artek-imik aamma HTX-imik GU-immillu ilaqartumut ilaasussanngorlugu.
  • Meeqqerivimmut pilersinneqartumut periarfissanik pitsaasunik pilersitsinissaq

C. Immikkoortup ilaa ullumikkut

Immikkoorup ilaa ullumikkut inuutissarsiutinut assigiinngitsunut allaffinnut, værkstedinut, unnuisarfinnut, kiisalu atortunik assigiinngitsunik ilnissiivittut, annertunerusumik qalorsuit atorlugit aalisarnermut atortunut atorneqarpoq.

D. Imarisaa.

Katillugit 3-nik quleriillit blokkit marluk 17 x40 mangitigisut iimmikkut linniartut inaannik 50 missaani pilersitsisiviusinnaasut naleqqussarneqarsinnaapput

Ilinniartut inaat 140 missaaniittut immikkoortumi sananeqarsinnaasut naatsorsuutigineqarpoq.

E. Pilersaarutip pilersaarutinut allanut attuumassutai.

Namminersorlutik Oqartussat soqutigisaat.

Pilersaarut kommunip pilersaarusiorneqarnerani Namminersorlutk Oqartussat soqutigisaanut naapertuuppoq.

Pilersaarusiorfimmi suliat mingutsitseriaannaasut akornanni ungasissutsit Anartarfilerisarfiup ikuallaaviup ilinniartullu inaasa akornanni Eqqaavimut aqqummiittut ungasissuseq ungaseqatgiaat.

Anartarfilerisarfik Ikuallaavillu ungasinnerusoq isigalugu taarserneqariartornissaat nuunneqarnissaallu naatsorsuutigineqarmat oqaatigineqassaaq. Anartarfilerisarfik ungasinnerusoq isigalugu illoqarfimmi angerlarsimaffiit tamarmik kuuffissuaqarnermut atassusertinnissaat pissutigalugu. Ikuallaavik ungasinnerusoq isigalugu nuuttariaqarmat annertusarlugulu, taamaalilluni illoqarfimmi eqqagassat pilersunut eqqakkat annertussuserpiaat malillugu suliaqarsinnaanngorlugu.

Kommunip pilersaarusiorneqarnera

Pilersaarut 1992-imiit 2005-imut kommunip pilersaarusiorneqarnerani killiliussanut pingaarnernut naapertuutinngilaq. Immikkoortumi inuutissarsiuteqarnermut immikkoortumik immikkoortitsisoqarnikuvoq.

Annikitsukkaanik pilersaarusiornerit allat

Pilersaarutip pilersaarutit A13 aamma E4 qallerpai Kussangasullu eqqaani A15 immikkoortup ilaanut attuumalluni.

Sanaartukkat Eqqavimmut Aqqutip sinai illugiillugit aammalu Umiivitsiami najugaqarfissiami A13 kiisalu teknikkikkut siunertanut immikkoortumi E4-mi inissisimapput.

Annikitsukkuutaanik pilersaarutit atorunnaarsikkiartorneqartussat.

Umiivitsiami najugaqarfissiamut illoqarfiup ilaanut pilersaarut A13:

800-A54 Umiivitsiamut pilersaarummut ullumikkut inuutissarsiutinut siunertalinut atorneqartunut ilaqarpoq.

Teknikkikkut atortulersuutinut immikkoortumut Illoqarfiup ilaanut pilersaarut E4:

Illoqarfiup ilaanut pilersaarusiorfik manna tikillugu immikkoortut najugaqarfiit Umiivitsiaq aamma Kussangasup akorananni sissap sinaaniit Eqqaavimmut aqqutip tungaanut inissiisarfimmut meeqqerivittaap kujataatungaanut ilaqarnikuuvoq. Najugaqarfinni qanippallaartoqarnera pissutigalugu immikkoortoq teknikkikkut siunertalinnut atorneqarluarsinnaasimanngilaq, kisianni inuutissarsiutinut siunertalinnut mingutsitsisinnaassusilinnut taamaalllaat atorneqarsimalluni.

Pilersaarutip allanngortinneqarnerata sumiiffimmi inuutissarsiutinut pioreersunut sunnniutigisinnaasaa.

Pilersarummi pissutsit allanngortinneqarnerata kingunerissavaa, siunissami kissaatigineqarmat immikkoortumi ilinniartunut inissanik pilersitsisoqarsinnaanerata inuutissarsiuteqarfiilllu pioreersut piffissap ingerlanerani ilinniartut inaannik taarserneqarnissaat. Inuutissarsiuteqarfiit pioreersut maannatut ingerlaannarsinnnaaput, pioreersut unioqqutitsinngitsumik atorneqarnnerisigut.

Inuutissarsiuteqarfoot pioreersut alliliisinnaanerminnik akuerineqarsinnaanertik naatsorsuutigisinnaanngilaat.

F. Tamanut saqqummiunneqarnera

Kommunemi pilersaarummut tapiliussassatut siunnersuut nr. 42. novembarip 10-aniit 2011-mi januaarip 10-anut 2012-mut tamanut oqallisissiassanngorlugu saqqumiunnikuuvoq.

Tusarnianerup ingerlanerani illuatungeriinnit arfinilinniit tusarniummut akissutinik takkuttoqarnikuuvoq:

  • Ilaqutariinnermut, Kultureqarnermut, Ilageeqarnermut Naligiisitaanermullu Naalakkersuisoqarfik oqaaseqaatissaqanngilaq.
  • Ineqarnermut, Attaveqarnermut Angallannermullu Naalakkersuisoqarfik, Teknikkimut Nunalu tamakkerlugu pilersaarusiornermut immikkoortortaq, pilersaarusiornermut teknikkimut tunngasunik arlalinnik allaffissornikkullu aaqqitassanik arlannik, pilersaarummi inaarutaaasumi ilanngunneqartunik.
  • Suliffeqarfiup Masanti-p Sanaartorfiusussat 16x40 meteriniit 17x40 meterinut annertusiallannissaat innersuussutigivaat, taamatullu aamma aneersuartarfiit majuartarfiillu, kiisalu aneerasaartarfiit sanaartorfissaq avammut sinnerlugu inississinnaanissaat. Aqqusinermiit najugaqarfiit tungaannut pilersaarusiami aqquserngup silinnerunissaa kissaatigineqarluni, taamaalilluni biilinut annernut inissaqarneruleqqullugu aammalumi eqqaaviit imaarneqartarnissaat ilaatigut eqqarsaatigalugu. Tamannalu pilersaarummut ilanngunneqarpoq, illuatungaatigulli ini ataasiugaangat biilit uninngasarfiinik 0,2-miit 0,1-imut appaanissamik kissaataasoq akuersissutigineqarani, ilinniartut biileqanngikkaluarlutik qamuterattartut piviusumik biilit uninngasarfiinik pisariaqartitsisarnerannik misilittakkat tunngavigalugit. Biilinut uninngasarfiup immikkoortup torersoorpalaarluni isikkoqarnissaanut periarfissaq qulakkiissavaa.
  • Sirius Greenland ApS-ip akerliliissutigivaa, Sumiiffimmi namminneq suliffeqarfiliorfigisimasamik najugaqarfinngornissaa uparuaatigivaat, taamaalilluni suliffeqarfimmik allilerneqarsinnaanissaa killilerneqassammat. Immikkoortoq sumiiffimmi pilersaarummi 2001-imi akuersissutigineqartumi inissiaqarfittut immikkoortitaammat, akerliliissut akuersissutigineqanngilaq.
  • Steen Gordon Jensen – Sisimiut Taxi akerliliissutigivaa, sumiiffiup inuutissarsiuteqarfimmiit najugaqarfimmut allanngortinnissaa uparuaatigivaa, taamaalilluni siunissami suliffeqarfiutini allilersinnajunnaassagamiuk, taamaalillunilu nunaminertaq pilersaarummiit peerneqarpoq.
  • Nukissiorfiit imm. 4-mut teknikkikkut atortunut akerliliissuteqarpoq aammalu11 m2tikillugu angissusilinnik sakkortusaavinnik illuaqqanullu atortuusivinnut pilersitsisinaanissamik kissaateqarlutik, tamannalu pilersaarummi ilanngunneqarpoq.

Akerliliinissamut piffissap qaanngiunnerata kingorna pilersaarut pillugu oqaloqatiginninnissaq malitsinniarlugu, allaffeqarfik immikkoortumi suliffeqarfinnik pingasunik ataatsimeeqateqarnikuvoq, tamaattumik Brøndum-imik ataatsimeeqateqarsimaneq ilanngullu taaneqassaaq.

Pilersaarutip Brøndum-ip inissisimaffigisaa najugaqarfissiatut immikkoortippaa suliffeqarfiullu inissiisarfigisaa allangortillugu. Ataatsimiinnermi isumaqatigiissutigineqarpoq, pilersaarummiit Brøndum-ip nunaminertaq sanaartorfigisimasaa ilanngunneqassanngitsoq.

Aammattaaq Teknikkimut Avatangiisinullu immikkoortortap sanaartornermut immikkoortortaa illup iluani oqaaseqaateqarpoq, meeqqerivimmut qaamaneq qulakkeerniarlugu ilinniartut inaat marluk sinnerlugit quleriilerlugit sanaartortariaqannginneri pillugit. Taamaattumik sanaartorsinnaanerup portussusissaa quleriit sisamaniit quleriit pingasunut appartinneqarpoq, paasineqarmat namminersorlutik oqartussat pingasunik quleriit sinnerlugit sanaartornissartik kissaatiginngimmassuk.